لَاتَانٛوجِ 8
8
نُوحُ وُرْتِ کٛومْبٛوَلْ
1اَللَّه نُمِ دٛوْ نُوحُ عٜ دَبَّاجِ لَدّٜ ڢُو عٜ دَبَّاجِ سَارٜ ڢُو نغٛندُطِ بٜى مَاکٛ ندٜرْ کٛومْبٛوَلْ#8:1 کٛومْبٛوَلْ مَلَّ لَانَوَلْ؞؞ اَللَّه وِڢْنِ حٜنْدُ دٛوْ لٜسْدِ، ندِيَمْجِ ݠُطِّ عُسْتُغٛ؞ 2ࢡُلْدُطٜ ندِيَمْجِ لُغُّطِ لٜسْ لٜسْدِ عٜ بُرْطٜ عَسَمَ مَࢡِّ؞ عِيٜىٰندٜ حٜلْتِ؞ 3ࢡَاوٛ ࢩَلْطٜ تٜىٰمٜرّٜ عٜ شَݠَّنْطٜ جٛوِ (150)، ندِيَمْجِ ݠُطِّ عُسْتُغٛ سٜطَّ سٜطَّ دٛوْ لٜسْدِ؞ 4ندٜرْ لٜوْرُ جٛوٜىٰطِطَࢡْرُ، ࢩَلَادٜ سَݠّٛ عٜ جٛوٜىٰطِطَوْرٜ مَارُ، کٛومْبٛوَلْ جٛوطِ دٛوْ حٛوسٜىٰرٜ عَرَرَادَ؞ 5ندِيَمْجِ تٛکِّتِ عُسْتُغٛ حَا وَرْغٛ لٜوْرُ سَݠّٛورُ؞ ࢩَلَادٜ عَرَنْدٜىٰرٜ ندٜرْ لٜوْرُ مَاجُمْ، غٜىٰرٜىٰجٜ کٛوسٜىٰجٜ مبَنغِ؞
6ندٜ ࢩَلْطٜ شَݠَّنْطٜ نَيِ مبَطِ (40)، نُوحُ مَࢡِّتِ وُرْدٜرٜ کٛومْبٛوَلْ ندٜ عٛوَطْنٛ غٛ؞ 7عٛيٛوڢِ لٜىٰکُوَلْ غٛوتَلْ؞ نغَلْ ڢِيرِ؞ نغَلْ يٜحِ عٜ نغَلْ لٛرِ ندٜ طُوطُّمْ، حَا ندٜ ندِيَمْ ࢡٜىٰࢡِ عٜ لٜسْدِ؞ 8ندٜنْ عٛيٛوڢِ ݠٛولَ، حَا عٛلَارَ تٛ ندِيَمْ عُسْتَکٜ دٛوْ لٜسْدِ؞ 9عَمَّا ݠٛولَ تَوَايْ نٛکُّورٜ نغَمْ حٛطَاغٛ، نغَمْ ندِيَمْجِ طٛنّٛ شُدِّ لٜسْدِ تَوٛنْ؞ نغَ وَرْتِ حَا کٛومْبٛوَلْ؞ نُوحُ ڢٛرْتِ جُنغٛ مُوطُمْ، حٛوشِ نغَ، نَسْتِنِ نغَ ندٜرْ کٛومْبٛوَلْ؞ 10عٛمُࢩِ ࢩَلْطٜ جٛوٜىٰطِطِ ڢَحِنْ، ندٜنْ عٛيٛوڢِ نغَ کَدِبٛو؞ 11حَا کِيکِيطٜ، ݠٛولَ وَرْتِدِ بٜى حَاکٛ جَيْتُنْحِ حَا حُنْدُکٛ مَاغَ؞ بَنَ نِي نُوحُ عَنْدِتِ ندِيَمْ عُسْتِ دٛوْ لٜسْدِ؞ 12کَدِبٛو عٛمُࢩِ ࢩَلْطٜ جٛوٜىٰطِطِ ڢَحِنْ، ندٜنْ عٛيٛوڢِ ݠٛولَ؞ عَمَّا نغَ مٜىٰتَايْ وَرْتُغٛ حَا مَاکٛ؞
13ندٜرْ ندُوࢡُ نُوحُ تٜىٰمٜطّٜ جٛوٜىٰغٛ عٜ غٛعٛووُ (601)، لٜوْرُ عَرَنْدُ، ࢩَلَادٜ غٛعٛورٜ مَارُ، ندِيَمْجِ شٛتِّ عٜ لٜسْدِ؞ نُوحُ عٛمْتِ مَࢡّٛرْدٜ کٛومْبٛوَلْ، عٛيُرْنِ غَلْ يَاسِ؞ ندَا، لٜسْدِ يٛورِ؞ 14ندٜرْ لٜوْرُ طِطَࢡْرُ، ࢩَلَادٜ نٛوغَسْ عٜ جٛوٜىٰطِطَوْرٜ مَارُ، لٜسْدِ يٛورِ؞
15ندٜنْ اَللَّه وِعِ نُوحُ: 16«وُرْتَ کٛومْبٛوَلْ بٜى دٜبّٛ مَاطَ، ࢡِکّٛيْ مَاطَ عٜ رٜوْࢡٜ مَࢡّٜ؞ 17وُرْتِنْ بٛو عَسْلِ دَبَّاجِ غٛنْدُطِ بٜى مَاطَ ڢُو، مَرْطُمْ ࢡَنْدُ ڢُو، شٛلِّ عٜ دَبَّاجِ عٜ لَدٛوجِ دُࢡَنْطِ دٛوْ لٜسْدِ ڢُو، حَا طِ شَنغْکِتٛ دٛوْ لٜسْدِ، طِ ندِمَ، طِ طُوطَ دٛوْ لٜسْدِ؞» 18ندٜنْ نُوحُ وُرْتِ بٜى ࢡِيُمْعٜنْ عٜ دٜبّٛ مُمْ عٜ رٜوْࢡٜ ࢡِيُمْعٜنْ؞ 19دَبَّاجِ ڢُو عٜ لَدٛوجِ ڢُو عٜ شٛلِّ ڢُو، کٛ وَانْشَتَ دٛوْ لٜسْدِ ڢُو، نغُرْتِ کٛومْبٛوَلْ ڢٛدّٜ عَسْلِ مَاجِ؞
20نُوحُ مَحَنِ جَوْمِرَاوٛ حِرْسِرْدٜ؞ ندٜنْ عٛحٛوعِ ندَبَّاوَ نغٛوتَ نغٛوتَ ندٜرْ دَبَّاجِ دَغِيطِ عٜ سٛنْدُ وٛورُ وٛورُ ندٜرْ شٛلِّ دَغِيطِ ڢُو؞ عٛلِيعَنِ طِ اَللَّه غُلٜتٜىٰطِ دٛوْ حِرْسِرْدٜ؞ 21ندٜ جَوْمِرَاوٛ مَاتِ عُورٜىٰنغٛلْ بٜلْنغٛلْ، عٛوِعِ ندٜرْ ࢡٜرْندٜ مَاکٛ: «مِمٜىٰتَتَا نَالُغٛ لٜسْدِ ڢَحِنْ نغَمْ دَلِيلَ نٜطّٛ؞ نغَمْ عَنِّيَاجِ ࢡٜرْندٜ نٜطّٛ کَلِّ دِغَ ندٜرْکَاکُ مَاکٛ؞ مِمٜىٰتَتَا مبَرُغٛ مَرْطُمْ يٛنغْکِ ڢُو بَنَ مبَطْمِ؞ 22نٛ لٜسْدِ تَمِّرِ دُورُغٛ ڢُو، عَاوُغٛ عٜ سٛدُغٛ، جَانغٛلْ عٜ غُلْطُمْ، ندُنغُ عٜ شٜىٰطُ، نٛنْ بٛو جٜمَّ عٜ ࢩَلَوْمَ تِمَّتَا سَمْ؞»
Currently Selected:
لَاتَانٛوجِ 8: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
