لَاتَانٛوجِ 33
33
يَعْقُوبُ ڢٛتِّ بٜى عِسُوَ
1يَعْقُوبُ لَارِ، يِعِ عِسُوَ طٛنْ وَرْدَ بٜى وٛرْࢡٜ تٜىٰمٜطّٜ نَيٛ؞ عٛسٜنْدَنِ لٜيَ عٜ رَحِيلُ عٜ حٛرْࢡٜ طِطٛ غٛ ࢡِکّٛيْ؞ 2عٛدَرْنِ حٛرْࢡٜ بٜى ࢡِکّٛيْ مُوطُمْعٜنْ حَا يٜىٰسٛ، ندٜنْ لٜيَ بٜى ࢡِيُمْعٜنْ، ࢡَاوٛ بٛو رَحِيلُ بٜى يُوسُڢُ؞ 3عَمَّا کَنغْکٛ عٛعَرْدِ ࢡٜ؞ عٛسُجِدِ ندٜ جٛوٜىٰطِطِ حِدّٜکٛ عٛࢡَدِتٛ دٜىٰرْطِيکٛ؞ 4ندٜنْ عِسُوَ يَاوْطِ، ڢٛتِّ بٜى مَاکٛ، حٜبِّمٛ، حَرْلِمٛ دَاندٜ، ࢡٜ طِطٛ ڢُو ࢡٜمبٛيِ؞ 5ندٜ عِسُوَ ࢡَنغْتِ غِتٜ، عٛيِعِ رٜوْࢡٜ عٜ ࢡِکّٛيْ، عٛࢨَمِ: «طُمْ ࢡٜيٜ نغٛنْدِ بٜى مَاطَ؟» يَعْقُوبُ جَابِ: «طُمْ ࢡِکّٛيْ کٛيْ اَللَّه ندٜرْ مٛعّٜرٜ مُوطُمْ حٛکِّ مَشُّطٛ مَ؞» 6حٛرْࢡٜ ࢡَدِتِ بٜى ࢡِيُمْعٜنْ ڢُو، ࢡٜشُجِدِ؞ 7لٜيَ بٛو ࢡَدِتِ بٜى ࢡِيُمْعٜنْ، شُجِدِ؞ ࢡَاوٛ مَاجُمْ يُوسُڢُ عٜ رَحِيلُ ࢡَدِتِ، شُجِدِ؞ 8عِسُوَ ࢨَمِ: «طُمٜ نغِطَّا بٜى تٛکّٜ طٜ ݠٛتُّمِ؟» عٛجَابِ: «حَا مِحٜࢡَ مٛعّٜرٜ يٜىٰسٛ مَاطَ؞» 9عِسُوَ وِعِ: «دٜىٰرْطِرَاوٛ عَمْ، مِوٛودِ مَرْدِ بٛو طُوطْندِ، جٛغَ کٛ مَرْطَ؞» 10يَعْقُوبُ وِعِ: «نَا نٛنْ؞ تٛ مِحٜࢡِ مٛعّٜرٜ يٜىٰسٛ مَاطَ، عُسٜنِ، جَࢡْ شَاحُ نغُعُ دِغَ جُنغٛ عَمْ؞ نغَمْ مِلَارِ يٜىٰسٛ مَ بَنَ غٛطّٛ لَارْدَتَ يٜىٰسٛ اَللَّه، عَجَࢡِّ يَمْ بٛوطُّمْ؞ 11عُسٜنِ جَࢡْ شَاحُ نغُ مِنٜلْدَنِ مَ، نغَمْ اَللَّه مٛعَّنِ يَمْ طُمْ، مِسٛويَايْ کٛو طُمٜ؞» عٛتٛرِمٛ طُوطُّمْ، ندٜنْ عِسُوَ جَࢡِ؞ 12عِسُوَ وِعِ: «عُمّٜنْ، ندِلّٜنْ؞ مِعَرْدٛتٛ يٜىٰسٛ مَ؞» 13يَعْقُوبُ وِعِمٛ: «جَاغٛرْطٛ عَمْ، عَنْدُ نٛ ࢡِکّٛيْ کٛيْ تَمْݠُکٛيْ، مِوٛودِ بٛو بَالِ عٜ نَعِ مُسِنِنَنْطِ؞ تٛ مِࢡِلِّ طِ بٜى يَحْدُ کٛو ࢩَلَادٜ وٛورٜ تَنْ، دَمّٛوجِ ڢُو مبَاتْدَنْ؞ 14جَاغٛرْطٛ عَمْ عَرْدٛ يٜىٰسٛ مَشُّطٛ مُوطُمْ؞ مِنْ، مِيَحَنْ بٜى حَکِّيلٛ دٜيْدٜيْ يَحْدُ دَبَّاجِ غٛنْطِ يٜىٰسٛ عَمْ عٜ دٜيْدٜيْ يَحْدُ ࢡِکّٛيْ، حَا مِوَرَ مِيٛتّٛ جَاغٛرْطٛ عَمْ حَا سٜعِرْ؞» 15عِسُوَ وِعِ: «مِعَشَّنْ يِمْࢡٜ عَمْ وٛطْࢡٜ بٜى مَاطَ؞» يَعْقُوبُ جَابِ: «نغَمْ طُمٜ؟ تٛ مِحٜࢡِ مٛعّٜرٜ يٜىٰسٛ مَاطَ کَمْ، طُمْ حٜعِ يَمْ؞» 16ࢩَلَادٜ مَاجُمْ عِسُوَ لٛرِ دٛوْ لَاوٛلْ مُوطُمْ غَلْ سٜعِرْ؞ 17عَمَّا يَعْقُوبُ عُمِّ، يٜحِ سُکّٛتْ؞ تٛنْ عٛمَحَنِ حٛورٜ مَاکٛ سُودُ، عٛوَطَنِ دَبَّاجِ مَاکٛ بٛو بُکَّاجِ؞ نغَمْ مَاجُمْ عٛعِنْدِ نٛکُّورٜ ندٜعٜ: سُکّٛتْ#33:17 سُکّٛتْ يِطِ وِعْغٛ بُکَّاجِ؞؞
يَعْقُوبُ جِݠِّ حَا سِکٜمْ
18ندٜ يَعْقُوبُ لٛرْتٛيِ دِغَ ݠَدَّنْ-عَرَمْ، عٛيٛتِّ جَمْ حَا وُرٛ سِکٜمْ ندٜرْ لٜسْدِ کَنَانَ؞ عٛسَنغِنِ يٜىٰسٛ وُرٛ؞ 19عٛسٛودِ تَيْرٜ نغٜسَ شٜىٰدٜ شَرْدِ تٜىٰمٜرّٜ دِغَ ࢡِࢡّٜ حَمٛرْ، حَا عٛدَرْنُنٛ لَيْمَارُ مَاکٛ#يٛسُوَ 24:32؛ يُحَنَّ 4:5؛ أَيُوبَ 42:11؞؞ 20عٛࢩِࢡِ حِرْسِرْدٜ بٛو، عٛعِنْدِ ندٜ: اَللَّه مٛ طٛوَنْتٜىٰطٛ إِسْرَاءِيلَ؞
Currently Selected:
لَاتَانٛوجِ 33: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
