لَاتَانٛوجِ 27

إِسْحَاقَ بَرْکِطِنِ يَعْقُوبُ

1إِسْحَاقَ نَيْوِ، غِتٜ مَاکٛ بٛو تَمْݠِ، حَا يٛتِّ عٛيِعَتَا سَمْ؞ عٛعٜوْنِ عِسُوَ، عَڢٛ مَاکٛ، عٛوِعِمٛ‏: «ࢡِنغٜلْ عَمْ؞» عِسُوَ جَابِ‏: «نَعَمْ؞» 2إِسْحَاقَ وِعِ‏: «ندَا، مِ نَيْوِ، مِعَنْدَا ࢩَلَادٜ ندٜ مَايَنْمِ؞ 3کَدِ، حٛوعُ بَلْمِ مَ، ࢡَارُ مَ عٜ لَغَاوَلْ مَ، يَحْ لَدّٜ، لٛوحَنَمْ کُسٜلْ لَدّٜ؞ 4وَطَنَمْ ࢩَامْدُ وٜلْندُ، بَنَ نٛ نغِطْمِ؞ وَدَّنَمْ ندُ، مِࢩَامَ، نغَمْ حَا مِبَرْکِطِنٜ حِدّٜکٛ مِمَايَ؞»

5رٜبٜکَّ طٛنّٛ نَنَ سَاعِ إِسْحَاقَ وٛلْوَنِ ࢡِيُمْ عِسُوَ؞ عِسُوَ دِلِّ لَدّٜ نغَمْ لٛوحَاغٛ کُسٜلْ لَدّٜ، نغَمْ وَدُّغٛ نغٜلْ حَا سَارٜ، 6رٜبٜکَّ وٛلْوَنِ ࢡِيُمْ يَعْقُوبُ#1 لَامِيࢡٜ 1‏:11‏-31؞‏: «ندَا، مِنَنِ بَابَ مَ وٛلْوَنِ دٜىٰرْطَ عِسُوَ نِعِ‏: 7وَدَّنَمْ کُسٜلْ لَدّٜ، وَطَنَمْ ࢩَامْدُ وٜلْندُ، مِࢩَامَ؞ مِبَرْکِطِنْتٜ يٜىٰسٛ جَوْمِرَاوٛ حِدّٜکٛ مِمَايَ؞ 8جٛنْتَ کَمْ، ࢡِنغٜلْ عَمْ، نَنَنَمْ عٜ وَطْ کٛ عُمْرَنْمَامِ‏: 9يَحْ حَا تٛکّٜرٜ، وَدَّنَمْ نجَوْکٛيْ مبٛوطْکٛيْ طِطٛيْ؞ مِدٜڢَنَنْ کٛيْ بَابَ مَ ࢩَامْدُ وٜلْندُ، بَنَ عٛيِطِ طُمْ؞ 10عَيَحْرَنَ ندُ بَابَ مَ، عٛࢩَامَ، نغَمْ حَا عٛبَرْکِطِنٜ حِدّٜکٛ عٛمَايَ؞» 11يَعْقُوبُ جَابِ رٜبٜکَّ، دَادَ مُمْ‏: «ندَا، دٜىٰرْطَمْ عِسُوَ عٛ غٛطّٛ طُوطَ-غَاسَاجٛ، عَمَّا مِنْ مِوَلَا غَاسَ حَا ࢡَنْدُ؞ 12تٜىٰمَ بَابَ عَمْ مٜىٰمَتَمْ، مِلَاتَنْتٛ مٛ بَنَ جَنْشٛووٛ، ندٜنْ مِوَدَّنَنْ حٛورٜ عَمْ نَالٛورٜ، نَا بَرْکَ؞» 13عَمَّا دَادَ مَاکٛ وِعِمٛ‏: «نَالٛورٜ مَنْ وَرَ دٛوْ حٛورٜ عَمْ، ࢡِنغٜلْ عَمْ؞ نَنَنَمْ تَنْ، يَحْ وَدَّنَمْ‏!» 14يَعْقُوبُ دِلِّ، طَࢡِّتٛيِ نجَوْکٛيْ، وَدَّنِ کٛيْ دَادَ مُوطُمْ؞ دَادَ مَاکٛ دٜڢِ ࢩَامْدُ وٜلْندُ، بَنَ نٛ بَابَ مَاکٛ يِطِ؞ 15ندٜنْ عٛحٛوعِ لِمْشٜ عِسُوَ، عَڢٛ مَاکٛ، طُوطَ-سَمَنْجٜ غٛنْطٜ ندٜرْ سُودُ مَاکٛ، عٛࢡٛرْنِ طٜ يَعْقُوبُ، ࢡِيِيکٛ مِࢩِرَاجٛ؞ 16عٛࢡٛرْنَنِمٛ لَرٜ نجَوْکٛيْ غٛ حَا جُوطٜ عٜ طِغُّطُمْ دَاندٜ مَاکٛ؞ 17ندٜنْ عٛحٛکِّ ࢡِيِيکٛ يَعْقُوبُ ࢩَامْدُ وٜلْندُ ندُ عٛدٜڢِ عٜ تَمْسٜىٰرٜ ندٜ عٛتَمْسِ؞

18يَعْقُوبُ نَسْتِ حَا بَابَ مُوطُمْ، وِعِ‏: «بَابَ عَمْ‏!» عٛجَابِ‏: «نَعَمْ؞ عَنْ مٛيْ، ࢡِنغٜلْ عَمْ؟» 19يَعْقُوبُ وِعِ بَابَ مُوطُمْ‏: «طُمْ مِنْ عِسُوَ، عَڢٛ مَاطَ؞ مِوَطِ بَنَ عَوِعِ يَمْ؞ عُمَّ، جٛوطَ، ࢩَامْ کُسٜلْ لَدّٜ نغٜلْ نغَدُّمِ، نغَمْ حَا عَبَرْکِطِنَمِّ؞» 20إِسْحَاقَ ࢨَمِ‏: «نٛيْ تَوْرُطَا کُسٜلْ لَدّٜ مَنْ لَوْ، ࢡِنغٜلْ عَمْ؟» عٛجَابِ‏: «نغَمْ جَوْمِرَاوٛ، اَللَّه مَاطَ ڢٛتِّنِ يَمْ بٜى مَاجُمْ؞» 21إِسْحَاقَ وِعِ يَعْقُوبُ‏: «ࢡَدِتَ، ࢡِنغٜلْ عَمْ، نغَمْ مِمٜىٰمٜ، مِعَنْدِتَ ڢَکَتْ عَ ࢡِيَمْ عِسُوَ نَ مَلَّ نَا نٛنْ؞» 22يَعْقُوبُ ࢡَدِتِ بَابَ مُوطُمْ إِسْحَاقَ؞ بَابَ غٛ مٜىٰمِمٛ، وِعِ‏: «سَوْتُ کَمْ، طُمْ سَوْتُ يَعْقُوبُ، عَمَّا جُوطٜ بٛو، طٜ عِسُوَ؞» 23عٛعَنْدِتَايْ مٛ، نغَمْ جُوطٜ مَاکٛ کٜىٰوِ غَاسَ بَنَ طٜ دٜىٰرْطِيکٛ عِسُوَ؞ عٛبَرْکِطِنِمٛ؞ 24عٛࢨَمْتِمٛ ڢَحِنْ‏: «عَ ࢡِيَمْ عِسُوَ ڢَکَتْ نَ؟» يَعْقُوبُ جَابِ‏: «طُمْ مِنْ‏!» 25إِسْحَاقَ وِعِ‏: «ࢡَدِنَنَمْ کُسٜلْ لَدّٜ نغٜلْ ࢡِيَمْ لٛوحٛيِ حَا مِࢩَامَ، نغَمْ حَا مِبَرْکِطِنٜ؞» يَعْقُوبُ ࢡَدِتِنَنِمٛ طُمْ، عٛࢩَامِ؞ عٛوَدَّنِمٛ عِنَبٛوجَمْ بٛو، عٛيَرِ؞ 26ندٜنْ إِسْحَاقَ، بَابَ مَاکٛ وِعِمٛ‏: «ࢡَدِتَمْ، حٜبَّمْ، ࢡِنغٜلْ عَمْ؞» 27عٛࢡَدِتِ، عٛحٜبِّمٛ؞ إِسْحَاقَ نَنِ عُورٜىٰنغَ لِمْشٜ مَاکٛ، عٛبَرْکِطِنِمٛ، عٛوِعِ‏: «عُورٜىٰنغَ ࢡِيَمْ طٛنْ بَنَ عُورٜىٰنغَ نغٜسَ کَ جَوْمِرَاوٛ بَرْکِطِنِ؞ 28اَللَّه حٛکّٜ سَاوَوْرٜ عَسَمَ، عٛرِمْنَ غٜسٜ مَ، عَلْکَمَارِ عٜ عِنَبٛوجَمْ مَ طُوطَ مَسِنْ#عِبْرَنِنغْکٜعٜنْ 11‏:20؞؞ 29عُمَّاتٛوجٜ کُووَنٜ، جَمَعَاجٜ بٛو شُجِدَ يٜىٰسٛ مَ؞ لَاتَ جَاغٛرْطٛ دٜىٰرْطِرَاࢡٜ مَ، ࢡِࢡّٜ دَادَ مَ شُجِدَ يٜىٰسٛ مَ؞ نَالٛورٜ لَاتَنٛ نَالَنْطٛ مَ، بَرْکَ بٛو لَاتَنٛ بَرْکِطِنَنْطٛ مَ#لَاتَانٛوجِ 12‏:3؞؞»

30ندٜ إِسْحَاقَ تِمِّنِ بَرْکِطِنْغٛ يَعْقُوبُ، نٜىٰࢡَايْ بٛو يَعْقُوبُ وُرْتِ سُودُ بَابَ مُمْ إِسْحَاقَ، ندَا دٜىٰرْطِيکٛ عِسُوَ وَرْتٛيِ لٛوحَاغٛ؞ 31کَنغْکٛ بٛو عٛدٜڢِ ࢩَامْدُ وٜلْندُ، عٛوَدَّنِ ندُ بَابَ مَاکٛ؞ عٛوِعِمٛ‏: «بَابَ عَمْ، عُمَّ، ࢩَامْ کُسٜلْ لَدّٜ نغٜلْ ࢡِيَ وَدَّنِ مَ، نغَمْ حَا عَبَرْکِطِنَمِّ؞» 32بَابَ مَاکٛ إِسْحَاقَ ࢨَمِمٛ‏: «مٛيْ عَنْ؟» عٛجَابِ‏: «مِنْ عِسُوَ، ࢡِطّٛ مَ عَڢٛ؞» 33کُلْتٛرٜىٰنغٛلْ مَنغٛلْ نَنغِ إِسْحَاقَ؞ عٛوِعِ‏: «کَدِ مٛيْ لٛوحٛويِ کُسٜلْ لَدّٜ، وَدَّنِمِّ طُمْ؟ مِࢩَامِ طُمْ ڢُو حِدّٜکٛ عَوَرَ؞ مِبَرْکِطِنِمٛ عٜ بَرْکَ کَعَ لَاتَنْتٛ مٛ حَا ڢٛرٛيْ؞» 34ندٜ عِسُوَ نَنِ بٛلّٜ بَابَ مُوطُمْ، ندٜرْ مٜتَّمْࢡٜرَمْ، عٛحٛولِ بٜى سَوْتُ مَسِنْ، عٛوِعِ بَابَ مَاکٛ‏: «عُسٜنِ بَابَ عَمْ، بَرْکِطِنَمْ مِنْ بٛو‏!» 35إِسْحَاقَ جَابِ‏: «دٜىٰرْطَ وَرِ بٜى رِکِشِ، عٛجَࢡِ بَرْکَ مَ؞» 36عِسُوَ وِعِ‏: «نَا طُمْ يَحْدِ بٜى نٛ ࢡٜعِنْدِرِمٛ يَعْقُوبُ#27‏:36 کَلِمَوٛلْ يَعْقُوبُ يِطِ وِعْغٛ بٛو رِکِشِ؞ نَ؟ نغَمْ ندٜ طِطِ عٛوَطِ يَمْ رِکِشِ؞ عٛحٛوشِ دَرَجَ عَڢَاکُ عَمْ، ندَا، جٛنْتَ بٛو عٛجَࢡِ بَرْکَ عَمْ؞ عَلُتَّنَايْ يَمْ بَرْکَ نَ؟#لَاتَانٛوجِ 25‏:29‏-34؞» 37إِسْحَاقَ جَابِ عِسُوَ‏: «ندَا، مِوَطِمٛ جَاغٛرْطٛ مَ، مِحٛکِّمٛ دٜىٰرْطِرَاࢡٜ ڢُو بَنَ حُووَنٛوࢡٜ مٛ، مِسٜمْبِطِنِمٛ بٜى عَلْکَمَارِ عٜ عِنَبٛوجَمْ؞ کَدِ طُمٜ مِوَطَنْتٜ، ࢡِنغٜلْ عَمْ؟» 38عِسُوَ وِعِ بَابَ مُوطُمْ‏: «بَابَ عَمْ، بَرْکَ نغٛوتَ تَنْ مَرْطَ نَ؟ بَرْکِطِنَمْ مِنْ بٛو، بَابَ عَمْ‏!» عِسُوَ ڢُطِّ وٛيُغٛ بٜى سَوْتُ#عِبْرَنِنغْکٜعٜنْ 12‏:17؞؞ 39بَابَ مَاکٛ إِسْحَاقَ جَابِمٛ‏: «ندَا، جٛوندٜ مَ دَايٛتٛ بٜى لٜسْدِ ندِمٛورِ عٜ سَاوَوْرٜ عَسَمَ؞ 40عَوُورَنْ بٜى کَاڢَحِ مَاطَ، عَحُووَنَنْ دٜىٰرْطَ؞ عَمَّا تٛ عَتُورْتَکٜ، عَيٜوَنْ کَࢡِّرْغَلْ مَاکٛ دٛوْ دَاندٜ مَ؞#عِبْرَنِنغْکٜعٜنْ 11‏:20؞»

يَعْقُوبُ دٛغِّ حَا لَبَنْ

41عِسُوَ وَࢩِ يَعْقُوبُ نغَمْ دَلِيلَ بَرْکَ کَ بَابَ مَاکٛ بَرْکِطِنِمٛ؞ عٛنُمِ‏: «ࢩَلْطٜ وٛيُغٛ بَابَ عَمْ طٛنْ ࢡَدِتٛ؞ سَاعِ مَنْ مِمبَرَنْ دٜىٰرْطِرَاوٛ عَمْ يَعْقُوبُ؞» 42ندٜ رٜبٜکَّ عَنْدِنَامَ نُڢَيٜ عَڢٛ مُمْ عِسُوَ، عٛنٜلِ عٜوْنٛيَاغٛ يَعْقُوبُ، ࢡِيِيکٛ مِࢩِرَاوٛ، عٛوِعِمٛ‏: «ندَا، دٜىٰرْطِرَاوٛ مَ عِسُوَ طٛنْ طَࢡَّ وَاتَاغٛ بٜى مبَرُغٛ مَ؞ 43جٛنْتَ، ࢡِنغٜلْ عَمْ، نَنَنَمْ، عُمَّ، دٛغُّ حَا دٜىٰرْطِرَاوٛ عَمْ لَبَنْ، حَا حَرَنْ؞ 44ڢَࢡُّ حَا مَاکٛ، سٜيْ تٛ تِکّٜرٜ دٜىٰرْطِرَاوٛ مَ ڢٜىٰوْتِ، 45سٜيْ تٛ عٛيٜجِّتِ کٛ مبَطَنْطَ مٛ؞ ندٜنْ مِنٜلَنْ نغَمْ طَࢡِّتٛيْغٛ مَ دِغَ تٛنْ؞ نغَمْ طُمٜ شٛويِرَنْمِ ࢡِࢡّٜ عَمْ طِطٛ ڢُو ࢩَلَادٜ وٛورٜ؟»

إِسْحَاقَ نٜلِ يَعْقُوبُ حَا لَبَنْ

46رٜبٜکَّ وِعِ إِسْحَاقَ‏: «مِسَڢْتِ نغٜىٰندَمْ نغَمْ دَلِيلَ ࢡِࢡّٜ رٜوْࢡٜ حٜتِعٜنْ ࢡٜعٜ؞ تٛ يَعْقُوبُ بٛو تٜعِ غٛوتٛ شَکَ ࢡِࢡّٜ لٜسْدِ ندِعِ کَمْ، طُمٜ يٜىٰطُغٛ نَڢَتَمِّ ڢَحِنْ؟»

Currently Selected:

لَاتَانٛوجِ 27: داَ

Highlight

Copy