لَاتَانٛوجِ 25

دَࢩْغٛلْ إِبْرَاهِيمَ بٜى کٜتُرَ

1إِبْرَاهِيمَ تٜعِ دٜبّٛ ڢٜىٰرٜ، عِنْدٜ مَاکٛ کٜتُرَ#1 حَبَرُوجِ ࢩَلَاطٜ 1‏:32‏-33؞؞ 2عٛدَࢩَنِمٛ زِمْرَنْ عٜ يٛکْسَنْ عٜ مٜدَانْ عٜ مٜدِيَنْ عٜ يِسْبَکْ عٜ سُحَکْ؞ 3يٛکْسَنْ دَࢩِ سٜبَ عٜ دٜدَنْ؞ ࢡِࢡّٜ دٜدَنْ نغٛنِ‏: عَسُّورِعٜنْ عٜ لٜتُسِعٜنْ عٜ لٜوْمِعٜنْ؞ 4ࢡِࢡّٜ مٜدِيَنْ نغٛنِ‏: عٜڢَ عٜ عٜڢٜرْ عٜ حَنٛکْ عٜ عَبِدَ عٜ عٜلْدَعَ؞ ࢡٜ ڢُو ࢡٜ يِمْࢡٜ دَࢩْغٛلْ کٜتُرَ؞ 5إِبْرَاهِيمَ حٛکِّ إِسْحَاقَ مَرْدِ مُوطُمْ ڢُو؞ 6ࢡِࢡّٜ سُلَاࢡٜ مَاکٛ بٛو، عٛحٛکِّ ࢡٜ دٛکّٜ؞ حِدّٜکٛ عٛمَايَ عٛنٜلِ ࢡٜ حَا ڢُونَانغٜ، دَايِيطُمْ بٜى ࢡِيِيکٛ إِسْحَاقَ؞

مَايْدٜ عٜ عُوٜىٰکِ إِبْرَاهِيمَ

7إِبْرَاهِيمَ وَطِ دُوࢡِ تٜىٰمٜرّٜ عٜ شَݠَّنْطٜ جٛوٜىٰطِطِ عٜ جٛوِ (175)؞ 8ࢡَاوٛ ندٛتَّاکُ مبٛوطْنغُ کٜىٰوْنغُ عٜ شَڢْتُکِ بَلْطٜ، عٛمَايِ، عٛحَوْتٛيِ بٜى کَاکِرَاࢡٜ مَاکٛ؞ 9ࢡِࢡّٜ مَاکٛ‏: إِسْحَاقَ عٜ إِسْمَـٰعِيلَ عُوِمٛ ندٜرْ لٛوٛلْ مَکْݠٜلَ حَا نغٜسَ عٜڢْرُونَ ࢡِي شٛحَرْ حٜتِيجٛ، حَا ڢُونَانغٜ مَمْرٜ؞ 10إِبْرَاهِيمَ سٛودْنٛ نغٜسَ کَعَ حَا حٜتِعٜنْ؞ تٛنْ إِبْرَاهِيمَ عٜ دٜبّٛ مُوطُمْ سَارَةُ عُوَ#لَاتَانٛوجِ 23‏:3‏-16؞؞ 11ࢡَاوٛ مَايْدٜ إِبْرَاهِيمَ، اَللَّه بَرْکِطِنِ إِسْحَاقَ، ࢡِيِيکٛ؞ إِسْحَاقَ جٛوطِ حَا کٛمْبِ ࢡُلْندُ لَحَيْ-رٛيْ؞#25‏:11لَارْ لَاتَانٛوجِ 16‏:14؛ 24‏:62؞

دَࢩْغٛلْ إِسْمَـٰعِيلَ

12ندَا حَبَرُ دَࢩْغٛلْ إِسْمَـٰعِيلَ ࢡِي إِبْرَاهِيمَ، مٛ حَجَرَ مِصْرَاجٛ، کٛرْطٛ سَارَةُ، دَࢩَنِ طُمْ؞ 13ندَا عِنْطٜ ࢡِࢡّٜ إِسْمَـٰعِيلَ بٜى تٛکِّنْدِرْکِ‏: نٜبَيٛتْ وٛنِ عَڢٛ إِسْمَـٰعِيلَ، ندٜنْ کٜىٰدَرْ عٜ عَدْبٜىٰلْ عٜ مِݠْسَامْ 14عٜ مِسْمَ عٜ دُومَ عٜ مَسَّ 15عٜ حَدَتْ عٜ تٜىٰمَ عٜ يٜتُورُ عٜ نَاڢِسْ عٜ کٜدُمَ؞ 16کَمْࢡٜ نغٛنِ ࢡِࢡّٜ إِسْمَـٰعِيلَ سَݠّٛ عٜ طِطٛ، ࢡٜعِنْدِ غُرٜ مَࢡّٜ عٜ شَنغٜىٰجٜ مَࢡّٜ بٜى عِنْطٜ مَࢡّٜ؞ 17إِسْمَـٰعِيلَ وَطِ دُوࢡِ تٜىٰمٜرّٜ عٜ شَݠَّنْطٜ تَتِ عٜ جٛوٜىٰطِطِ (137)؞ ندٜنْ عٛمَايِ، عٛحَوْتٛيِ بٜى کَاکِرَاࢡٜ مَاکٛ؞ 18دَࢩْغٛلْ مَاکٛ جٛوطِ حَکُّندٜ حَوِلَ بٜى سُرَ، غَلْ ڢُونَانغٜ مِصْرَ، غَلْ لَاوٛلْ يَحُغٛ عَسُّورَ؞ ࢡٜنجٛوطِ دَايِيطُمْ بٜى بَنْدِرَاࢡٜ مَࢡّٜ ڢُو؞

دَࢩٜىٰکِ عِسُوَ عٜ يَعْقُوبُ

19ندَا حَبَرُ دَࢩْغٛلْ إِسْحَاقَ ࢡِي إِبْرَاهِيمَ‏: 20إِسْحَاقَ وٛودِنٛ دُوࢡِ شَݠَّنْطٜ نَيِ يَاکٜ عٛتٜعِ رٜبٜکَّ، ࢡِي بٜتُعِيلَ عَرَمِيجٛ، مٛ لٜسْدِ ݠَدَّنْ-عَرَمْ، دٜىٰرْطِرَاوٛ لَبَنْ؞ 21عٛتٛرِ جَوْمِرَاوٛ نغَمْ دَلِيلَ دٜبّٛ مَاکٛ، نغَمْ عٛ دِمَرٛ؞ جَوْمِرَاوٛ جَࢡِ تٛرْندٜ مَاکٛ، دٜبّٛ مَاکٛ رٜبٜکَّ رٜىٰدِ؞ 22ࢡِکّٛيْ شِوْتُکٛيْ طٛنّٛ لُکِّندِرَ ندٜرْ رٜىٰدُ مَاکٛ؞ عٛوِعِ‏: «تٛ نٛنْ طُمْ لَاتَکٜ کَمْ، نغَمْ طُمٜ طُمْ وَرَنِ يَمْ؟» عٛيٜحِ ࢨَمُغٛ جَوْمِرَاوٛ؞ 23جَوْمِرَاوٛ وِعِمٛ‏: «عُمَّاتٛوجٜ طِطِ نغٛنِ ندٜرْ رٜىٰدُ مَ، جَمَعَاجٜ طِطِ شٜنْدٛتٛ دِغَ وُرْتَاغٛ مَاجٜ ندٜرْ رٜىٰدُ مَ؞ جَمَعَارٜ وٛورٜ ࢡُرَنْ ندٜيَ سٜمْبٜ، مَوْنِرَاوٛ حُووَنَنْ مِࢩِرَاوٛ؞#رٛمَعٜنْ 9‏:12؞»

24سَاعِ دَࢩُغٛ مَاکٛ يٛتِّ، طُمْ سِوْتُࢡٜ نغٛنِ ندٜرْ رٜىٰدُ مَاکٛ؞ 25عَرَنٛ وُرْتِ، عٛ بٛطٜىٰجٛ، عٛڢُو مَاکٛ بَنَ عَلْکِبَّارٜ سَنْࢩَاندٜ بٜى غَاسَ؞ ࢡٜعِنْدِمٛ عِسُوَ#25‏:25 عِسُوَ يِطِ وِعْغٛ طُوطَ-غَاسَاجٛ؞ ؞ 26ࢡَاوٛ مَنْ دٜىٰرْطِيکٛ وُرْتِ، جُنغٛ مَاکٛ جٛغِ تٜݠّٜرٜ عِسُوَ؞ ࢡٜعِنْدِمٛ يَعْقُوبُ#25‏:26 يَعْقُوبُ يِطِ وِعْغٛ تٜݠّٜرٜ؞؞ إِسْحَاقَ مَرِ دُوࢡِ شَݠَّنْطٜ جٛوٜىٰغٛ، سَاعِ ࢡٜندَࢩَ؞

27ࢡِࢡّٜ وٛرْࢡٜ ࢡٜعٜ مَوْنِ؞ عِسُوَ لَاتِ غَوْجٛ بَاوْطٛ، غٛطّٛ لَدّٜ؞ يَعْقُوبُ لَاتِ دٜعُّطٛ، مٛ طٛنّٛ تُمْ حَا سَارٜ؞ 28إِسْحَاقَ يِطِ عِسُوَ، نغَمْ کُسٜلْ لَدّٜ وٜلَنِ حُنْدُکٛ مَاکٛ؞ عَمَّا رٜبٜکَّ يِطِ يَعْقُوبُ؞

29ࢩَنْدٜرٜ غٛ يَعْقُوبُ وَطِ ࢩَامْدُ، عِسُوَ بٛو وَرْتِ لَدّٜ، عٛ شٛمْطٛ؞ 30عِسُوَ وِعِ يَعْقُوبُ‏: «عَشُّ مِࢩَامَ بٛطٜىٰجُمْ طُعُمْ نغَمْ مِ شٛمْطٛ؞» نغَمْ مَاجُمْ عٛعٜوْنَ عٜدٛومْ#25‏:30 عٜدٛومْ يِطِ وِعْغٛ بٛطٜىٰجُمْ؞؞ 31يَعْقُوبُ جَابِ‏: «سٛورَّنَمْ دَرَجَ عَڢَاکُ مَ حَنْدٜ ندٜنْ تَوٛنْ؞» 32عِسُوَ وِعِ‏: «ندَا، مِطٛنْ مَايَ، طُمٜ عَڢَاکُ مَنْ نَڢَتَمِّ؟» 33يَعْقُوبُ وِعِ‏: «حُنَنَمْ تَوٛنْ‏!» عٛحُنَنِمٛ، عٛسٛورَّنِ يَعْقُوبُ دَرَجَ عَڢَاکُ مَاکٛ#عِبْرَنِنغْکٜعٜنْ 12‏:16؞؞ 34ندٜنْ يَعْقُوبُ حٛکِّ عِسُوَ تَمْسٜىٰرٜ بٜى عِرِنْ ࢩٜبّٜ دٜڢَاطٜ؞ عٛࢩَامِ، عٛيَرِ، ندٜنْ عٛعُمِّ، عٛدِلِّ؞ بَنَ نٛنْ عِسُوَ يَوْرِ دَرَجَ عَڢَاکُ مُوطُمْ؞

Currently Selected:

لَاتَانٛوجِ 25: داَ

Highlight

Copy