لَاتَانٛوجِ 17
17
عِنْدٜ عَبْرَامَ وَرْتِ إِبْرَاهِيمَ
1ندٜ عَبْرَامَ وَطِ دُوࢡِ شَݠَّنْطٜ جٛوٜىٰنَيِ عٜ جٛوٜىٰنَيِ (99)، جَوْمِرَاوٛ وَنغَنِمٛ، وِعِمٛ: «مِنْ وٛنِ اَللَّه بَاوْطٛ، يٜىٰطُ يٜىٰسٛ عَمْ عَ تِمُّطٛ! 2مِحَࢡَّنْ عَلْکَوَلْ بٜى مَاطَ، مِطُطِّنَنْ دَࢩْغٛلْ مَ مَسِنْ؞» 3عَبْرَامَ سُجِدِ دٛوْ يٜىٰسٛ مُوطُمْ؞ اَللَّه تٛکِّ وِعُغٛ مٛ: 4«ندَا، عَلْکَوَلْ عَمْ بٜى مَاطَ؞ عَلَاتٛتٛ بَابَ عُمَّاتٛوجٜ طُوطّٜ؞ 5عَعٜوْنٛرْتَاکٜ ڢَحِنْ عَبْرَامَ، عَمَّا إِبْرَاهِيمَ#17:5 إِبْرَاهِيمَ يِطِ وِعْغٛ بَابَ يِمْࢡٜ طُوطْࢡٜ؞، نغَمْ مِوَطِ مَ عَ بَابَ عُمَّاتٛوجٜ طُوطّٜ#رٛمَعٜنْ 4:17؞؞ 6مِوَطٜتٜ عَ طُوطَ-عَسْنغٛلْجٛ مَسِنْ؞ دَࢩْغٛلْ مَ بٛو لَاتٛتٛ عُمَّاتٛوجٜ، لَامِيࢡٜ عِوَنْ حَا مَاطَ؞ 7مِحَࢡَّنْ عَلْکَوَلْ بٜى مَاطَ عٜ ࢡَاوٛ مَاطَ بٛو بٜى دَࢩْغٛلْ مَ، ندٜرْ غِدٜ مَࢡّٜ ڢُو؞ عَلْکَوَلْ نغَعَلْ دُومٛتٛ حَا ڢٛرٛيْ، حَا مِلَاتٛ اَللَّه مَاطَ عٜ اَللَّه دَࢩْغٛلْ مَاطَ ࢡَاوٛ مَ#لُکَ 1:55؞؞ 8مِمَرْنٜتٜ مَرَلْ دُومِينغَلْ لٜسْدِ کَنَانَ ڢُو، لٜسْدِ ندِ جٛوطِطَ ندٜرْ مُوطُمْ بَنَ کٛطٛ، عَنْ عٜ دَࢩْغٛلْ مَاطَ ࢡَاوٛ مَاطَ بٛو#کُوطٜ نٜلَاࢡٜ 7:5؞؞ مِلَاتٛتٛ اَللَّه مَࢡّٜ؞»
عَلَامَ عَلْکَوَلْ
9اَللَّه وِعِ إِبْرَاهِيمَ ڢَحِنْ: «عَنْ، حَکِّلَنْ عَلْکَوَلْ عَمْ، عَنْ عٜ دَࢩْغٛلْ مَاطَ ࢡَاوٛ مَ، ندٜرْ غِدٜ مَࢡّٜ ڢُو؞ 10ندَا بَنَ نٛيْ عٛنْ کَکِّلِرَنْتَ عَلْکَوَلْ نغَلْ کَࢡَّنْمِ بٜى مٛوطٛنْ، وَاتٛ دَࢩْغٛلْ مَاطَ ࢡَاوٛ مَ: نغٛرْکٛيْ مٛوطٛنْ ڢُو جُولْنٜ؞ 11جُولْنٛلْ نغٛعٛلْ لَاتٛتٛ عَلَامَ عَلْکَوَلْ حَکُّندٜ عَمْ بٜى مٛوطٛنْ؞ 12غٛرْغٜلْ شَکَ مٛوطٛنْ ڢُو، تٛ وَطِ بَلْطٜ جٛوٜىٰتَتِ، نغٜلْ جُولْنٜ، طُمْ لَاتٛ نٛنْ حَا غِدٜ مٛوطٛنْ ڢُو#کُوطٜ نٜلَاࢡٜ 7:8؛ رٛمَعٜنْ 4:11؞؞ عَجُولْنٛ بٛو مَشُّࢡٜ دَࢩَاࢡٜ حَا سَارٜ مَاطَ ڢُو، نٛنْ بٛو سٛودَاࢡٜ بٜى شٜىٰدٜ دِغَ ࢡِࢡّٜ جَنَنْࢡٜ ࢡٜلَاتَاکِ لٜࢩٛلْ مَاطَ؞ 13مَشُّطٛ دَࢩَاطٛ حَا سَارٜ عٜ شٛودَاطٛ بٜى شٜىٰدٜ، ࢡٜنجُولْنٜ؞ نغَمْ حَا عَلْکَوَلْ عَمْ لَاتٛ حَا ࢡَلِّ مٛوطٛنْ بَنَ مَانْدٛرْدٜ عَلْکَوَلْ دُومِينغَلْ؞ 14غٛرْکٛ مٛ جُولْنَاکِ، عٛ غُرْتِنْتٜىٰطٛ دِغَ جَمَعَارٜ مَاکٛ، نغَمْ عٛࢨَࢡَّکٜ عَلْکَوَلْ عَمْ؞»
عِنْدٜ سَرَيْ وَرْتِ سَارَةُ
15ندٜنْ اَللَّه وِعِ إِبْرَاهِيمَ: «تَا تٛکَّ عٜوْنَاغٛ دٜبّٛ مَاطَ سَرَيْ؞ عِنْدٜ مَاکٛ وَرْتَ سَارَةُ؞ 16مِبَرْکِطِنَنْ مٛ، مِحٛکّٜتٜ ࢡِطّٛ بٜى مَاکٛ؞ مِبَرْکِطِنَنْ مٛ، عٛلَاتٛتٛ دَادَ عُمَّاتٛوجٜ؞ لَامِيࢡٜ عُمَّاتٛوجٜ عِوَنْ حَا مَاکٛ؞» 17إِبْرَاهِيمَ سُجِدِ دٛوْ يٜىٰسٛ مُمْ، عٛجَلِ، عٛوٛلْوِ ندٜرْ ࢡٜرْندٜ مَاکٛ: «بَنَ نٛيْ مَرْدَنْمِ ࢡِنغٜلْ مِنْ مٛ دُوࢡِ تٜىٰمٜرّٜ (100)؟ مَلَّ سَارَةُ مٛ دُوࢡِ شَݠَّنْطٜ جٛوٜىٰنَيِ (90) دَࢩَنْ نَ؟» 18ندٜنْ إِبْرَاهِيمَ وِعِ اَللَّه: «إِسْمَـٰعِيلَ يٜىٰطَ يٜىٰسٛ مَاطَ!» 19اَللَّه جَابِ: «نَا نٛنْ! دٜبّٛ مَاطَ سَارَةُ دَࢩَنْتٜ ࢡِطّٛ غٛرْکٛ، عَعِنْدَنْ مٛ: إِسْحَاقَ؞ مِحَࢡَّنْ عَلْکَوَلْ بٜى مَاکٛ، نٛنْ بٛو بٜى دَࢩْغٛلْ مَاکٛ ࢡَاوٛ مَاکٛ؞ نغَلْ دُومٛتٛ ڢٛرٛيْ؞ 20نغَمْ إِسْمَـٰعِيلَ کَمْ، مِنَنِ دٛعَ مَاطَ؞ ندَا، مِبَرْکِطِنَنْ مٛ؞ مِوَطَنْ مٛ عٛ طُوطَ-عَسْنغٛلْجٛ، مِطُطِّنَنْ دَࢩْغٛلْ مَاکٛ مَسِنْ؞ عٛدَࢩَنْ لَامِيࢡٜ سَݠّٛ عٜ طِطٛ؞ مِلَاتِنَنْ مٛ عُمَّاتٛورٜ مَوْندٜ؞ 21عَمَّا عَلْکَوَلْ عَمْ کَمْ، مِحَࢡَّنْ نغَلْ بٜى إِسْحَاقَ، مٛ سَارَةُ دَࢩَنْتٜ مَوْرِ بَنَ نِي؞»
22ندٜ اَللَّه تِمِّنِ وٛلْوَنْغٛ مٛ، عٛعٜىٰنغِ، عَشِّ إِبْرَاهِيمَ؞ 23ندٜنْ إِبْرَاهِيمَ حٛوعِ ࢡِيُمْ إِسْمَـٰعِيلَ عٜ دَࢩَاࢡٜ ندٜرْ سَارٜ مُوطُمْ ڢُو عٜ سٛودَاࢡٜ بٜى شٜىٰدٜ، وٛرْࢡٜ ندٜرْ سَارٜ مُوطُمْ ڢُو، عٛجُولْنِ ࢡٜ ندٜرْ ࢩَلَادٜ مَاجُمْ، بَنَ نٛ اَللَّه عُمْرِمٛ؞ 24إِبْرَاهِيمَ مَرِنٛ دُوࢡِ شَݠَّنْطٜ جٛوٜىٰنَيِ عٜ جٛوٜىٰنَيِ (99)، سَاعِ عٛجُولْنٛ؞ 25ࢡِيِيکٛ إِسْمَـٰعِيلَ بٛو مَرِنٛ دُوࢡِ سَݠّٛ عٜ تَتِ، سَاعِ عٛجُولْنٛ؞ 26ندٜرْ ࢩَلَادٜ وٛورٜ إِبْرَاهِيمَ عٜ ࢡِيُمْ إِسْمَـٰعِيلَ نجُولْنَ؞ 27وٛرْࢡٜ سَارٜ مَاکٛ ڢُو، دَࢩَاࢡٜ ندٜرْ سَارٜ عٜ سٛودَاࢡٜ بٜى شٜىٰدٜ حَا جَنَنْࢡٜ، نجُولْنٛدِ بٜى مَاکٛ؞
Currently Selected:
لَاتَانٛوجِ 17: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
