غُرْتَاکِ 22

1‏-3«تٛ ࢡٜتَوِ غُجّٛ جٜمَّ طٛنْ وُجَّ، ࢡٜݠِيِمٛ حَا عٛمَايِ، طُمْ لَاتَتَاکٛ مبَرْ-حٛورٜ، عَمَّا تٛ نَانغٜ ڢُطِ طُمْ وَطِ، طُمْ مبَرْ-حٛورٜ؞ تٛ ندَبَّاوَ نغُجَّانغَ، کٛو نَغّٜ مَلَّ وَمْندٜ مَلَّ ندَمّٛووَ، حٜࢡْتَامَ بٜى يٛنغْکِ حَا غُجُّطٛ نغَ، سٜيْ غُجّٛ عٛو يٛࢡَ، عٛيٛࢡَ ندَبَّاوَ مَنْ شٛوِ طِطِ؞ تٛ عٛوَلَا کٛ عٛيٛࢡْرَ کٛ عٛوُجِّ مَنْ، ࢡٜشٛورَّ مٛ، عٛلَاتٛ مَشُّطٛ؞

4«تٛ غٛطّٛ دُرِ دَبَّاجِ مُمْ ندٜرْ نغٜسَ مَلَّ ندٜرْ نغٜسَ عِنَبٛوجٜ غٛطّٛ ڢٜىٰرٜ، سٜيْ عٛيٛࢡْرَ طُمْ بٜى ࢡُرْطُمْ وٛوطُغٛ حَا نغٜسَ مَاکٛ مَلَّ نغٜسَ عِنَبٛوجٜ مَاکٛ؞

5«تٛ غٛطّٛ طٛنْ وُلَ وُمْرٜ مُمْ عٜ تٛ يِيتٜ عُمَّکٜ، وُلِ کَࢡّٜ عَلْکَمَارِ غٛطّٛ، وَعَاندِ عٜ عَلْکَمَارِ ندِ وَعَاکَ تَوٛنْ مَلَّ نغٜسَ، سٜيْ کُࢡُّطٛ يِيتٜ يٛࢡَ جَوْمُ نغٜسَ کَعَ؞

6«تٛ غٛطّٛ حَلْڢِنِ کٜىٰدِّطُّمْ شٜىٰدٜ مَلَّ کُوجٜ نغَمْ عٛسِغَنٛ مٛ طُمْ، تٛ طُمْ وُجَّامَ ندٜرْ سَارٜ غٛطّٛ عٛو، سٜيْ غُجّٛ عٛو يٛࢡَ شٛوِ طِطِ، تٛ ࢡٜتَوِمٛ؞ 7تٛ ࢡٜتَوَايْ غُجّٛ مَنْ، سٜيْ جَوْمُ سَارٜ دَرٛ يٜىٰسٛ اَللَّه، نغَمْ سٜىٰدُغٛ نَا کَنغْکٛ ࢩَامِ جَوْدِ غٛطّٛ عٛو؞ 8کٛو ندٜيْ نغَابَ عُمِّ ڢُو، کٛو دٛوْ نغَارِ کٛو دٛوْ وَمْندٜ کٛو دٛوْ ندَمّٛووَ کٛو دٛوْ لِمْشٜ مَلَّ دٛوْ کٛو طُمٜ مَجُّطُمْ ڢُو کٛ غٛطّٛ وِعَنْتَ طُمْ مَرْدِ مُوطُمْ، حَالَ طِطٛ ࢡٜعٜ ڢُو وَرَ يٜىٰسٛ اَللَّه؞ مٛ اَللَّه عَيْبِنِ طُمْ، يٛࢡَ کٜىٰدِّطُّمْ شٛوِ طِطِ؞

9«تٛ غٛطّٛ حَلْڢِنِ کٜىٰدِّطُّمْ وَمْندٜ مَلَّ نغَارِ مَلَّ ندَمّٛووَ مَلَّ ندَبَّاوَ نغٛطْنغَ حَا عٛعَيْنَ طُمْ، تٛ طُمْ وَاتِ مَلَّ يٜوِ کٛسْنغَلْ مَلَّ وُيْࢡٜ نغُجِّ، وَلَا غِيطٛ طُمْ 10سٜيْ حُنَيٜىٰرٜ بٜى عِنْدٜ جَوْمِرَاوٛ لَاتٛ حَکُّندٜ مَࢡّٜ طِطٛ ڢُو نغَمْ سٜىٰدُغٛ نَا کَنغْکٛ ࢩَامِ مَرْدِ کٜىٰدِّطُّمْ؞ ندٜنْ جَوْمِيجُمْ جَࢡَ عَسَرْ مَاجُمْ، عٛيَ بٛو يٛࢡَتَا؞ 11عَمَّا تٛ طُمْ وُجَّامَ حَا مَاکٛ ڢَکَتْ، سٜيْ عٛيٛࢡَ طُمْ جَوْمِيجُمْ؞ 12تٛ ندَبَّاوَ لَدّٜ ڢَطِّ طُمْ، سٜيْ عٛوَدَّ طُمْ نغَمْ سٜىٰدَمْکُ، عٛيٛࢡَتَا ݠَطَّاطُمْ؞

13«تٛ غٛطّٛ وُعِ ندَبَّاوَ کٜىٰدِّطُّمْ، تٛ نغَ يٜوِ کٛسْنغَلْ مَلَّ نغَ وَاتِ، سَاعِ جَوْمِيغَ وَلَاطٛنْ، سٜيْ عٛيٛࢡَ طُمْ؞ 14عَمَّا تٛ جَوْمِيغَ طٛنْ وٛنْدِ بٜى مَاغَ، مٛ وُعِ نغَ يٛࢡَتَا؞ تٛ نغَ حٛوعَامَ بٜى عَکِرِ، عٛحٛکَّ سَمَنْ عَکِرِ مَاغَ؞»

عُمْرٛوجٜ دٛوْ کَوْتَلْ يِمْࢡٜ

15«تٛ غٛطّٛ عٜسْتِ ݠَاࢩٛ دٜبّٛ مٛ مُويَاکَ تَوٛنْ، وَالْدِ بٜى مَاکٛ، سٜيْ عٛيٛࢡَ شٜىٰدٜ سَدَاکِ عٜ عٛتٜعَ مٛ؞ 16تٛ بَابَ ݠَاࢩٛ سَلِ تٜعْنُغٛ مٛ، سٜيْ عٛيٛࢡَ شٜىٰدٜ ڢٛدّٜ سَدَاکِ ڢَاࢩْࢡٜ رٜوْࢡٜ#تٛوکْتَاکِ تَوْرٜىٰتَ 22‏:28‏-29؞؞

17«تَا عَشّٜ حِيلَاجٛ دٜبّٛ يٜىٰطَ#تٛوکْتَاکِ تَوْرٜىٰتَ 18‏:10‏-11؞؞

18«کٛو مٛيْ وَالْدِ بٜى ندَبَّاوَ، عٛ مبَرٜتٜىٰطٛ#ڢَرِلَّاجِ لٜوِعٜنْ 18‏:23؛ 20‏:15‏-16؛ تٛوکْتَاکِ تَوْرٜىٰتَ 27‏:21؞؞

19«کٛو مٛيْ لِيعَنِ لَبِّ کِرْسَاطِ، نَا حَا جَوْمِرَاوٛ عٛلِيعَنِ، عٛ مبَرٜتٜىٰطٛ#تٛوکْتَاکِ تَوْرٜىٰتَ 17‏:2‏-7؞؞

20«تَا تٛوࢩٜ کٛطٛ، تَا ࢡِلّٜ مٛ، نغَمْ عٛنٛنْ بٛو عٛنْ حٛطْࢡٜنٛ ندٜرْ لٜسْدِ مِصْرَ؞ 21تَا تٛوࢩٜ بٛو رٜوْࢡٜ يُرُمْࢡٜ مَلَّ عَتِيمٜعٜنْ#غُرْتَاکِ 23‏:9؛ ڢَرِلَّاجِ لٜوِعٜنْ 19‏:33‏-34؛ تٛوکْتَاکِ تَوْرٜىٰتَ 24‏:17‏-18؛ 27‏:19؞؞ 22تٛ عٛنْ تٛوࢩِ ࢡٜ، کَمْࢡٜ بٛو ࢡٜمبٛيَنِ يَمْ، مِنَنَنْ بٛجِّ مَࢡّٜ؞ 23مِتِکَّنْ، مِمبَرَنْ عٛنْ بٜى کَاڢَحِ، رٜوْࢡٜ مٛوطٛنْ لَاتٛتٛ يُرُمْࢡٜ، ࢡِکّٛيْ مٛوطٛنْ بٛو عَتِيمٜعٜنْ؞

24«تٛ عَحٛکِّ ࢩَمَاندٜ شٜىٰدٜ حَا غٛطّٛ عُمَّاتٛورٜ عَمْ، تَلَکَاجٛ غٛنْطٛ حَا مَاطَ، تَا طَࢡُّ رِبَ حَا مَاکٛ، تَا يٛوَنْ مٛ ندِيَمْ#ڢَرِلَّاجِ لٜوِعٜنْ 25‏:35‏-38؛ تٛوکْتَاکِ تَوْرٜىٰتَ 15‏:7‏-11؛ 23‏:20‏-21؞؞ 25تٛ عٛنْ نجَࢡِ تٛغّٛورٜ کٜىٰدِّطِّرَاوٛ مٛوطٛنْ جٜنغِنَ#22‏:25 جٜنغِنَ مَلَّ رَنْ؞، ندٛکِّتٜ مٛ ندٜ حِدّٜکٛ نَانغٜ مُتَ، 26نغَمْ عٛوَلَا سُدَّارٜ وٛطْندٜ حَا عٛسُدّٛرٛ؞ تٛ عٛسٜنْدِرِ بٜى مَارٜ، طُمٜ عٛسُدّٛرْتٛ تٛ عٛطٛنْ وَالٛ؟ عٛوٛوکَنْتَمْ، مِنَنَنْ وٛوکَاندُ مَاکٛ، نغَمْ مِ اَللَّه کِنّٛتٛوطٛ#تٛوکْتَاکِ تَوْرٜىٰتَ 24‏:10‏-13؞؞

27«تَا مبٛلْوٜ کَلُّکَ دٛوْ عَمْ، مِنْ وٛنِ اَللَّه؞ تَا نَالٜ عَرْدِيطٛ عُمَّاتٛورٜ مٛوطٛنْ#کُوطٜ نٜلَاࢡٜ 23‏:5؞؞

28«تَا سَبِّتٜ حٛکُّغٛ يَمْ دٛکَّلْ حَا طُوطٜىٰنغَ ࢨَامْلٜ مٛوطٛنْ عٜ عِنَبٛوجَمْ عٜ نٜبَّمْ مٛوطٛنْ؞ ندٛکّٜىٰطَمْ عَڢْࢡٜ مٛوطٛنْ وٛرْࢡٜ؞ 29بَنَ نٛنْ مبَطٛتٛنْ بٛو بٜى نَعِ عٜ دَمّٛوجِ مٛنْ؞ سٜيْ عٛنْ عَشِّدَ طُمْ بٜى دَادَ مَاجُمْ ࢩَلْطٜ جٛوٜىٰطِطِ؞ ࢩَنْدٜ جٛوٜىٰتَتَࢡْرٜ لِيعَنٜىٰطَمْ طُمْ؞

30«لَاتٜ سٜنَاࢡٜ نغَمْ عَمْ؞ تَا ࢩَامٜ کُسٜلْ ندَبَّاوَ ݠَطَّانغَ حَا لَدّٜ، شَکِّنَنٜ نغٜلْ دَوَاطِ#ڢَرِلَّاجِ لٜوِعٜنْ 17‏:15؞؞

Currently Selected:

غُرْتَاکِ 22: داَ

Highlight

Copy