غُرْتَاکِ 16
16
اَللَّه ࢩَامْنِ يِمْࢡٜ ندٜرْ لَدّٜ
1يِمْࢡٜ جَمَعَارٜ إِسْرَاءِيلَ ڢُو عُمِّ عٜلِمْ، نجٛتِّ لَدّٜ سِينْ حَکُّندٜ عٜلِمْ عٜ سِنَ، طُمْ ࢩَنْدٜ سَݠّٛ عٜ جٛوَࢡْرٜ ندٜرْ لٜوْرُ طِطَࢡْرُ، ࢡَاوٛ غُرْتَاکِ مَࢡّٜ دِغَ مِصْرَ؞ 2حَا لَدّٜ تٛنْ، ࢡٜ ڢُو ࢡٜنغُرْنغُرْتِ دٛوْ مُوسَى عٜ هَـٰرُونَ؞ 3ࢡٜمبِعِ ࢡٜ: «ندِکَّ تٛ جَوْمِرَاوٛ مبَرِ مِنْ ندٜرْ لٜسْدِ مِصْرَ! تٛنْ مِنْ طٛنّٛ نجٛوطِ کٛمْبِ ݠَيَنْطٜ کٜىٰوْطٜ کُسٜلْ، مِنْ ࢩَامِ حَا مِنْ شَڢْتِ! عَمَّا عٛنْ نغُرْتِنِ مِنْ، عٛنْ نغَدِّ مِنْ ندٜرْ لَدّٜ ندٜعٜ نغَمْ حَا جَمَعَارٜ ندٜعٜ ڢُو مَايْرَ وٜىٰلٛ!» 4جَوْمِرَاوٛ وِعِ مُوسَى: «مِتٛࢡْنَنَنْ عٛنْ ࢩَامْدُ دِغَ عَسَمَ؞ ندٜ وٜىٰتِ ڢُو يِمْࢡٜ نجَحَنْ ࢡٛڢْتَ ࢩَامْدُ دٜيْدٜيْ ࢩَلَادٜ مَنْ؞ بَنَ نٛنْ ݠٛونْدِرَنْمِ عٛنْ، حَا مِلَارَ تٛ عٛنْ طٛوْتَنْتٛ عُمْرٛورٜ عَمْ مَلَّ عٛنْ طٛوْتَنْتَاکٛ ندٜ#يُحَنَّ 6:31؞؞ 5ࢩَنْدٜ جٛوٜىٰغٛعٛورٜ، تٛ عٛنْ طٛنْ ندٜڢَ کٛ عٛنْ ࢡٛڢْتِ، عٛنْ تَوَنْ طُمْ شٛوِ طِطِ دٛوْ کٛ عٛنْ ࢡٛڢْتَتَ ࢩَلَادٜ ࢩَلَادٜ ڢُو؞» 6مُوسَى عٜ هَـٰرُونَ مبِعِ إِسْرَاءِيلَعٜنْ ڢُو: «کِيکِيطٜ عٛنْ عَنْدَنْ جَوْمِرَاوٛ، کَنغْکٛ وُرْتِنِ عٛنْ لٜسْدِ مِصْرَ؞ 7ڢَجِرِ بٛو عٛنْ نغِعَنْ تٜدُّنغَلْ جَوْمِرَاوٛ#لِمْلٜ 16:19؛ 17:7؛ 20:6؞؞ عٛنَنِ نغُرْنغُرْتٛلْ مٛوطٛنْ دٛوْ مَاکٛ؞ نغَمْ مِنِنْ مِنْ ࢡٜيٜ، حَا عٛنْ نغُرْنغُرْتَ دٛوْ عَمِنْ؟» 8مُوسَى وِعِ: «ندَا نِي عَنْدِرْتٛنْ طُمْ: کِيکِيطٜ جَوْمِرَاوٛ ࢩَامْنَنْ عٛنْ کُسٜلْ، ڢَجِرِ بٛو عِرِنْ تَمْسٜىٰجٜ، حَا عٛنْ کَارَ؞ نغَمْ جَوْمِرَاوٛ نَنِ نٛ عٛنْ نغُرْنغُرْتِرِ دٛوْ مَاکٛ؞ نغَمْ مِنِنْ، مِنْ ࢡٜيٜ؟ نغُرْنغُرْتٛلْ مٛنْ لَاتَاکِ دٛوْ عَمِنْ، عَمَّا دٛوْ جَوْمِرَاوٛ؞»
9ندٜنْ مُوسَى وِعِ هَـٰرُونَ: «وِعْ يِمْࢡٜ جَمَعَارٜ إِسْرَاءِيلَ ڢُو ࢡٜنغَرَ ࢡٜندَرٛ يٜىٰسٛ جَوْمِرَاوٛ، نغَمْ عٛنَنِ نغُرْنغُرْتٛلْ مَࢡّٜ؞» 10سَاعِ هَـٰرُونَ طٛنْ وٛلْوَنَ يِمْࢡٜ جَمَعَارٜ إِسْرَاءِيلَ، ࢡٜطٛنّٛ نغَيْلِتٛ غَلْ لَدّٜ؞ لَوْ، تٜدُّنغَلْ جَوْمِرَاوٛ وَنغِ ندٜرْ رُولْدٜ؞ 11جَوْمِرَاوٛ وِعِ مُوسَى: 12«مِنَنِ نغُرْنغُرْتٛلْ إِسْرَاءِيلَعٜنْ؞ يٜشُّ ࢡٜندَا نِي مبِعْمِ: مَنغَرِبَ ࢩَلَادٜ مَنْ، عٛنْ ࢩَامَنْ کُسٜلْ، جَنغٛ ڢَجِرِ بٛو عٛنْ کَارَنْ تَمْسٜىٰجٜ؞ بَنَ نِي عٛنْ عَنْدَنْ مِنْ وٛنِ جَوْمِرَاوٛ، اَللَّه مٛوطٛنْ؞»
13ندٜ حِيرِ، غٜرْلٜ نغَرِ، شُدِّ سَنغٜىٰرٜ؞ ڢَجِرِ بٛو سَاوَوْرٜ سُدِّ لٜسْدِ تَارِيندِ سَنغٜىٰرٜ؞ 14ندٜ سَاوَوْرٜ جِنِّ، وٛودِ کٛ لُتِّ دٛوْ لٜسْدِ بَنَ کٛࢡٜ طِغُّطٜ مَسِنْ، بَنَ حُوندٜ رَنٜىٰرٜ سُدِّ لٜسْدِ؞ 15إِسْرَاءِيلَعٜنْ نغِعِ طُمْ، ࢡٜࢨَمْࢨَمْتِرِ: «طُمْ طُمٜ؟» نغَمْ ࢡٜعَنْدَا طُمْ؞ مُوسَى جَابِ ࢡٜ: «طُمْ تَمْسٜىٰرٜ ندٜ جَوْمِرَاوٛ حٛکِّ عٛنْ نغَمْ ࢩَامُغٛ#1 کٛرِنْتُعٜنْ 10:3؞؞ 16ندَا کٛ جَوْمِرَاوٛ عُمْرِ: کٛو مٛيْ ڢُو ࢡٛڢْتَ دٜيْدٜيْ کٛ حٜعَتَ طُمْ، غٛوتٛ ڢُو بَاکِنْ رٜىٰتَ مُودٛورٜ، ڢٛدّٜ لِمْغَلْ يِمْࢡٜ وٛنْࢡٜ ندٜرْ لَيْمَارُ مُوطُمْ ڢُو؞» 17إِسْرَاءِيلَعٜنْ مبَطِ بَنَ نٛنْ؞ ࢡٜࢡٛڢْتِ، وٛطْࢡٜ ࢡٛڢْتِ طُوطُّمْ، وٛطْࢡٜ بٛو ࢡٛڢْتِ سٜطَّ نٛنْ؞ 18عَمَّا ندٜ ࢡٜݠٛونْدِ طُمْ، ࢡٛڢْتُنٛوࢡٜ طُوطُّمْ غٛ ࢡُرْنَايْ، ࢡٛڢْتُࢡٜ سٜطَّ نٛنْ بٛو نغَکِّنَايْ، کٛو مٛيْ حٜࢡِ دٜيْدٜيْ حَاجٜ مُمْ#2 کٛرِنْتُعٜنْ 8:15؞؞ 19ڢَحِنْ مُوسَى وِعِ ࢡٜ: «تَا کٛو غٛوتٛ مٛوطٛنْ سِغٛ طُمْ حَا ڢَجِرِ؞» 20عَمَّا وٛطْࢡٜ نَنَنَايْ مُوسَى ࢡٜشِغِ طُمْ حَا ڢَجِرِ؞ غِلْطِ ندِمِ ندٜرْ مَاجُمْ، طُمْ ࢩٛلِ، طُمْ حَشِّ؞ مُوسَى تِکَّنِ ࢡٜ؞ 21دِغَ سَاعِ مَنْ، ڢَجِرِ ڢُو ࢡٜطٛنْ ࢡٛڢْتَ ࢩَامْدُ دٜيْدٜيْ نغَمْ ࢩَلَادٜ مَنْ؞ عَمَّا تٛ نَانغٜ وُلِ، لُتُّطُمْ طٛنْ ࢡٛلْوَ؞
22ࢩَنْدٜ جٛوٜىٰغٛعٛورٜ ࢡٜطٛنْ ࢡٛڢْتَ ࢩَامْدُ شٛوِ طِطِ، بَاکِنْ مُودٛورٜ نغَمْ غٛوتٛ ڢُو؞ عَرْدِيࢡٜ جَمَعَارٜ نغَرِ، عَنْدِنِ طُمْ مُوسَى؞ 23عٛوِعِ ࢡٜ: «کَنْجُمْ وٛنِ کٛ جَوْمِرَاوٛ عُمْرِ، جَنغٛ وٛنِ سِوْتَارٜ، ࢩَلَادٜ سِوْتٛرْدٜ سٜنَاندٜ نغَمْ جَوْمِرَاوٛ؞ تَمْسٜ کٛ نغِطّٛنْ تَمْسُغٛ، ندٜڢٜ کٛ نغِطّٛنْ دٜڢُغٛ؞ کٛ لُتِّ ڢُو، شِغٜ طُمْ حَا مٛوطٛنْ حَا جَنغٛ ڢَجِرِ؞#غُرْتَاکِ 20:8-11؞» 24ࢡٜشِغِ لُتُّطُمْ مَنْ حَا جَنغٛ ڢَجِرِ بَنَ مُوسَى عُمْرُنٛ ࢡٜ، طُمْ حَشَّايْ، نغِلْنغُ بٛو نَسْتَايْ؞ 25جَنغٛ مَنْ مُوسَى وِعِ ࢡٜ: «ࢩَامٜ طُمْ حَنْدٜ، نغَمْ حَنْدٜ وٛنِ سِوْتٛرْدٜ نغَمْ جَوْمِرَاوٛ؞ حَنْدٜ عٛنْ تَوَتَا طُمْ حَا لَدّٜ؞ 26ࢡٛڢْتٜ طُمْ ࢩَلْطٜ جٛوٜىٰغٛ، عَمَّا ࢩَنْدٜ جٛوٜىٰطِطَوْرٜ وٛنِ سِوْتٛرْدٜ، ندٜرْ مَارٜ طُمْ تَوَتَاکٜ؞» 27نغَمْ ࢩَنْدٜ جٛوٜىٰطِطَوْرٜ وٛطْࢡٜ نغُرْتِ ندِلِّ ࢡٛڢْتٛيْغٛ، عَمَّا ࢡٜتَوَايْ کٛو طُمٜ؞ 28جَوْمِرَاوٛ وِعِ مُوسَى: «حَا ندٜيْ عٛنْ تٛکّٛتٛ سَلَاغٛ طٛوْتَنَاغٛ عُمْرٛوجٜ عَمْ عٜ سَرْطِيجِ عَمْ؟ 29ݠَامٜ بٛوطُّمْ، مِنْ جَوْمِرَاوٛ مِحٛکِّ عٛنْ ࢩَلَادٜ سِوْتٛرْدٜ، نغَمْ مَاجُمْ ندٛکُّمِ عٛنْ ࢩَنْدٜ جٛوٜىٰغٛعٛورٜ ࢩَامْدُ شٛوِ طِطِ؞ ࢩَلَادٜ جٛوٜىٰطِطَوْرٜ، کٛو مٛيْ مٛوطٛنْ جٛوطٛ حَا سَارٜ مُمْ، تَا غٛطّٛ وُرْتٛ ࢩَلَادٜ جٛوٜىٰطِطَوْرٜ سَمْ؞» 30بَنَ نٛنْ يِمْࢡٜ شِوْتٛرِ ࢩَنْدٜ جٛوٜىٰطِطَوْرٜ؞
31إِسْرَاءِيلَعٜنْ عٜوْنِ ࢩَامْدُ ندُعُ مَنُّ#16:31 مَنُّ يِطِ وِعْغٛ طُمٜ؞؞ طُمْ نَنْدِ بٜى عَاوْدِ ݠَمَرِ، ندَنٜىٰرِ، طُمْ دَکْمِ بَنَ تَمْسٜىٰجٜ نجُمْرِ#لِمْلٜ 11:7-8؞؞ 32مُوسَى وِعِ: «ندَا کٛ جَوْمِرَاوٛ عُمْرِ: شِغٜ مَنُّ رٜىٰتَ مُودٛورٜ، نغَمْ يِمْࢡٜ غِدٜ مٛوطٛنْ غَرَنْطٜ، نغَمْ ࢡٜنغِعَ ࢩَامْدُ ندُ ࢩَامْنُمِ عٛنْ ندٜرْ لَدّٜ، سَاعِ مِوُرْتِنِ عٛنْ لٜسْدِ مِصْرَ؞» 33مُوسَى وِعِ هَـٰرُونَ: «حٛوعُ ݠَيَنغٜلْ، لٛووْ مَنُّ ندٜرْ مَاغٜلْ دٜيْدٜيْ رٜىٰتَ مُودٛورٜ؞ سِغَ نغٜلْ يٜىٰسٛ جَوْمِرَاوٛ نغَمْ غِدٜ مٛوطٛنْ غَرَنْطٜ؞#عِبْرَنِنغْکٜعٜنْ 9:4؞» 34هَـٰرُونَ جٛعِّنِ نغٜلْ يٜىٰسٛ سٜىٰدَمْکُ عَلْکَوَلْ نغَمْ سِغَاغٛ نغٜلْ، بَنَ جَوْمِرَاوٛ عُمْرُنٛ مُوسَى؞ 35إِسْرَاءِيلَعٜنْ ࢩَامِ مَنُّ دُوࢡِ شَݠَّنْطٜ نَيِ، حَا ࢡٜنجٛتِّ لٜسْدِ حَا يِمْࢡٜ طٛنْ نجٛوطِ؞ ࢡٜتٛکِّ ࢩَامُغٛ حَا ندٜ ࢡٜنجٛتِّ کٜىٰرٛلْ لٜسْدِ کَنَانَ#يٛسُوَ 5:12؞؞ 36ࢩَامْدُ مَنُّ رٜىٰتَ مُودٛورٜ وَطَنْ بَاکِنْ کِلٛ طِطِ؞
Currently Selected:
غُرْتَاکِ 16: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
