Salmow 26
26
SALM 26.
Judica me, Domine.
1Breus vy, A Arloedh, rag my re gerdhas yn tivlam : ha my re drestyas y'n Arloedh heb trebuchya.
2Hwither vy, A Arloedh, ha prov vy : assay ow lonethi ha'm kolonn.
3Rag yma dha dregeredh a-dherag ow dewlagas : ha my re gerdhas y'th wirder.
4Ny esedhis vy gans koegyon : ha ny gowethyav gans tus fekyl.
5My re gasas kuntelles an dhrogoberoryon : ha ny esedhav gans an debeles.
6My a wolgh ow diwleuv yn gwiryonsys : ha mos a-dro dhe'th alter, A Arloedh,
7Ow kana kan a rasyans : hag ow terivas dha varthusyon oll.
8Arloedh, my re garas trigva dha ji : an tyller mayth annedh dha wolewder.
9Na guntell ow enev gans peghadoryon : na'm bewnans gans tus woesek;
10Yma dregynn yn aga diwleuv : ha'ga leuv dhyghow yw leun a falswobrow.
11Ha my, my a gerdh heb namm : daspren vy, ha bydh grassyes orthiv.
12Ow throes a sev yn tyller kompes : y'n kuntellesow my a'th vennik, A Arloedh.
Currently Selected:
Salmow 26: ASK
Highlight
Share
Copy
Want to have your highlights saved across all your devices? Sign up or sign in
© Kesva an Taves Kernewek 1997, 2019
© Cornish Language Board 1997, 2019
