JOBA 26
26
ഇയ്യോബിന്റെ മറുപടി
1അപ്പോൾ ഇയ്യോബ് പറഞ്ഞു:
2“ഇങ്ങനെയാണോ നീ ദുർബലനെ സഹായിക്കുന്നത്?
ബലഹീനമായ കരങ്ങളെ രക്ഷിക്കുന്നത്?
3അജ്ഞനു നീ എന്ത് ഉപദേശം നല്‌കി?
എത്ര ഉദാരമായിട്ടാണ് നീ വിജ്ഞാനം പകർന്നത്!
4ആരുടെ സഹായത്തോടെയാണു നീ ഈ വാക്കുകൾ ഉച്ചരിച്ചത്?
ആരുടെ ആത്മാവാണ് നിന്നിൽനിന്നു പുറത്തുചാടിയത്?
5പാതാളവാസികൾ വിറകൊള്ളുന്നു.
ജലവും അതിലെ ജീവികളും നടുങ്ങുന്നു.
6പാതാളം ദൈവമുമ്പാകെ തുറന്നിരിക്കുന്നു;
നരകത്തെ ഒന്നും മറയ്‍ക്കുന്നില്ല.
7ഉത്തരദിക്കിനെ ദൈവം ശൂന്യതയുടെമേൽ വിരിക്കുന്നു;
ഭൂമിയെ ശൂന്യതയ്‍ക്കുമേൽ തൂക്കിയിട്ടു.
8അവിടുന്നു ജലത്തെ കാർമേഘങ്ങളിൽ ബന്ധിക്കുന്നു;
അതു വഹിക്കുന്ന കാർമുകിൽ ചീന്തിപ്പോകുന്നില്ല.
9അവിടുന്നു ചന്ദ്രന്റെ മുഖത്തെ മറയ്‍ക്കുന്നു.
അതിനു മീതെ മേഘത്തെ വിരിക്കുന്നു.
10ഇരുളും വെളിച്ചവും സന്ധിക്കുന്നു.
സമുദ്രമുഖത്ത് അവിടുന്ന് ഒരു വൃത്തം വരച്ചു.
11ആകാശത്തിന്റെ തൂണുകൾ കുലുങ്ങുന്നു;
അവിടുത്തെ ശാസനയാൽ അവ നടുങ്ങുന്നു.
12അവിടുന്നു മഹാശക്തിയാൽ സമുദ്രത്തെ നിശ്ചലമാക്കി;
അവിടുത്തെ ജ്ഞാനത്താൽ രഹബിനെ തകർത്തു.
13അവിടുത്തെ ശ്വാസത്താൽ ആകാശം ശോഭയുള്ളതായി;
അവിടുത്തെ കരങ്ങൾ പാഞ്ഞുപോകുന്ന സർപ്പത്തെ പിളർന്നു.
14ഇവയൊക്കെ അവിടുത്തെ നിസ്സാര പ്രവർത്തനങ്ങൾ മാത്രമാണ്;
അവിടുത്തെ ഒരു നേരിയ സ്വരമേ നാം കേട്ടിട്ടുള്ളൂ.
അവിടുത്തെ ശക്തിയുടെ മുഴക്കം ആർക്കു ഗ്രഹിക്കാൻ കഴിയും?”
Currently Selected:
JOBA 26: malclBSI
Highlight
Share
Copy
Want to have your highlights saved across all your devices? Sign up or sign in
Malayalam C.L. Bible, - സത്യവേദപുസ്തകം C.L.
Copyright © 2016 by The Bible Society of India
Used by permission. All rights reserved worldwide.
