:Jororn' 21:15-17

:Yeh on gweh-a deh :di-eh 'i, :yee' :Yusu' dhele: Samor' :Piteh'-: dih, or 'dae:, :Jororn'-a' 'yu, Samor'. :On :ybeh 'on-' 'weh deh 'jeh, :eh :zi 'o deh⧾ :daa-' :e? 'De :Piteh' 'da, Keen', :Gwlor :baa'. :On yubo-eh', :ka 'on :ybeh-a :on. :Yeh or 'da :ao', :yee' :Yusu' :wlu-' 'de or bo, or 'dae:, 'Nyi 'an-a: 'blae'⧾-nynuu dii-deh. 'De :Yusu' dhele-or dih :neheh', or 'dae:, :Jororn'-a' 'yu, Samor'. :On :ybeh 'on-' 'weh deh 'jeh :e? 'De :Piteh' 'da, Keen', :Gwlor :baa'. :On yubo-eh', :ka 'on :ybeh-a :on. :Yeh or 'da :ao', :yee' :Yusu' 'dae:, 'Dhu 'an-a: 'blae'⧾ 'yli-eh bo. :Yee' :Yusu' :wlu-' 'de or bo, 'do kpor⧾-a' taan neh 'di, or 'dae:, :Jororn'-a' 'yu, Samor'. :On :ybeh 'on-' 'weh :e? :Yeh :Yusu' 'da :ao', :yee' eh 'tuh :Piteh'-: dih, deh no-eh, :Yusu' dhele-or-: dih, or no kpor⧾ taan, or 'da, :On :ybeh 'on-' 'weh :e? 'De or :wlu 'de :Yusu' bo, or 'dae:, :Gwlor :baa', :on yubo: deh⧾-a' klehkpeh 'weh. 'De mor :on yubo-eh', :ka 'on :ybeh-a :on. 'De :Yusu' :wlu 'de or bo, or 'dae:, 'Nyi 'an-a: 'blae'⧾ dii-deh.