Дуулал 66
66
Израилийг ивээсэн Бурхныг магтъя
Удирдаачид: Дуу. Дуулал.
1Бүх газар дэлхий,
Бурханд баяртайгаар хашхир!
2Түүний нэрийн сүр жавхланг дуул,
Магтаалыг нь сүр жавхлантай болго!
3Бурханд “Таны үйлс хэчнээн сүрдмээр вэ!
Таны хүч аугаа учраас
Дайснууд тань Таны өмнө бялдуучилна.
4Бүх дэлхий Танд мөргөж,
Таныг магтан дуулна
Тэд Таны нэрийг магтан дуулна” гэж хэл. Села
5Ирээд, Бурханы үйлсийг үз,
Хүний хөвгүүдэд үйлдсэн нь сүрдэм!
6 #
Гэт 14:21; Иош 3:14–17 Тэрээр далайг хуурай газар болгосон
Тэд хөлөөрөө алхаж голыг гаталсан.
Тэнд бид Түүнд баярлацгаав.
7Тэр эрх мэдлээрээ мөнхөд захирна.
Түүний мэлмий үндэстнүүдийг харсаар байна.
Тэрслэгчдэд өөрсдийгөө өргөмжлөхийг
Бүү зөвшөөр Села
8Хүмүүс ээ, бидний Бурханыг магтаж,
Магтаалынх нь дууг сонсгогтун!
9Тэр биднийг амьд байлгадаг.
Бидэнд хөл алдахыг зөвшөөрдөггүй.
10Бурхан, Та биднийг сорьсон.
Мөнгийг цэвэршүүлдэг мэт
Та биднийг цэвэршүүлсэн.
11Та биднийг торонд оруулсан.
Та ууц нуруунд маань
Дарах ачааг үүрүүлсэн.
12Та толгой дээгүүр маань
Хүмүүсийг мордуулсан.
Бид гал ба усан дундуур гарсан.
Гэлээ ч Та биднийг
Элбэг баян газарт авчирсан.
13Таны өргөөнд би
Шатаалт тахилуудыг авч орно.
Танд тангарагласнаа
Би биелүүлнэ.
14Намайг зовлон шаналалд байхад
Уруул минь өгүүлж,
Ам минь ингэж хэлсэн.
15Танд тарган малаар
Шатаалт тахилуудыг би
Хуцнуудын утаатай хамт өргөнө.
Бухыг ухнатай хамт өргөнө. Села
16Бурханаас эмээгч бүгд ээ, ирж сонс.
Тэгвэл миний сүнсний төлөө
Түүний юу үйлдсэнийг би өгүүлье.
17Би амаараа Түүнд хашхирсан агаад
Хэлээрээ Түүнийг өргөмжилсөн.
18Хэрэв би зүрхэндээ
Цөв мууг хүндэтгэсэн бол
Эзэн сонсохгүй байхсан.
19Харин Бурхан үнэхээр сонсож,
Залбирлын минь дуунд
Тэр чих тавьсан.
20Залбирлыг минь хаяагүй
Энэрэл хайраа ч надаас буцаагаагүй.
Бурхан магтагдах болтугай!
Currently Selected:
Дуулал 66: АБ2013
Highlight
Share
Copy
Want to have your highlights saved across all your devices? Sign up or sign in
Ariun Bible © Mongolian Union Bible Society 2013.