Дуулал 146
146
Бурханы ач тусыг магтагтун!
1ЭЗЭНийг магтагтун!
Сэтгэл минь ээ, ЭЗЭНийг магтагтун!
2Амьддаа ЭЗЭНийг би магтана.
Байх зуураа Бурхандаа магтан дуулна.
3Ноёдод, авралгүй хүний хүүд ч бүү итгэ.
4Сүнс нь гарч явах үед тэд газар шороо уруу буцдаг.
Яг тэр өдөр бодлууд нь мөхдөг билээ.
5Иаковын Бурханаар туслуулдаг,
Бурхан ЭЗЭНдээ найдагч ерөөлтэй еэ!
6Тэнгэр ба газар,
Далай хийгээд түүн дотор байгч бүхнийг бүтээсэн Тэрээр
Итгэлийг мөнхөд сахидаг.#Үйл 4:24, 14:15
7Дарлагдагсдад шударга ёсыг гүйцэлдүүлж,
Өлсөгчдөд ч талхыг өгдөг.
ЭЗЭН, хоригдлуудыг чөлөөлдөг.
8ЭЗЭН, сохруудад хараа оруулж,
ЭЗЭН, сөхрөгсдийг босгодог.
Зөвт хүмүүсийг ЭЗЭН хайрладаг.
9ЭЗЭН, ирмэл хүмүүсийг хамгаалж,
Эцэггүй болоод бэлэвснийг тэтгэдэг,
Харин гэм буруутнуудын замыг тахирлуулдаг.
10Сион оо, Бурхан ЭЗЭН чинь
Үеэс үед, мөнхөд захирна.
ЭЗЭНийг магтагтун!
Currently Selected:
Дуулал 146: АБ2013
Highlight
Share
Copy
Want to have your highlights saved across all your devices? Sign up or sign in
Ariun Bible © Mongolian Union Bible Society 2013.