Иов 23
23
Иовын хариу: Гомдлол минь гашуун
1Тэгэхэд Иов хариулан
2—Өнөөдөр ч гэсэн гомдлол минь гашуун байна.
Ёолохыг минь харгалзахгүйгээр
Түүний мутар хүнд байна.
3Түүний сэнтийд очихын тулд би,
Түүнийг хаанаас олж болохыг мэддэг ч болоосой!
4Түүний өмнө би хэргээ танилцуулж,
Амаа өмгөөллүүдээр дүүргэхсэн.
5Хариулах үгсийг нь би мэдэж,
Айлдахыг нь сонсохсон.
6Тэрээр хүч чадлын аугаагаараа
надтай тэмцэлдэх байсан уу?
Үгүй, Тэрээр заавал надад анхаарал тавихсан.
7Тэгвэл зөв шударга хэн боловч
Түүнтэй мэтгэлцэхсэн.
Би ч өөрийн Шүүгчээс мөнхөд чөлөөлөгдөхсөн.#23:7 Тэр намайг гэмгүй гэж зарлана эсвэл тэгээд миний эрх хамгаалагдана.
8Үзэгтүн, би урагш явдаг боловч Тэр алга,
хойш явавч би Түүнийг ажиглаж чаддаггүй.
9Тэрээр зүүн талд ажиллахад би үзэж чаддаггүй.
Тэрээр баруун тал уруу эргэхэд би Түүнийг харж чаддаггүй.
10Гэвч Тэр миний замыг мэддэг.
Тэр намайг шалгасан бөгөөд би алт мэт урагш гарч ирнэ.
11Түүний замаар хөл минь бат замнаж
Түүний замыг би сахиж, хажуу тийш хазайсангүй.
12Түүний уруулын тушаалаас би холдоогүй.
Түүний амнаас гардаг үгсийг би
өөрт минь хэрэгтэй хоолноос ч илүүгээр нандигнасан.
13Гэвч ганцаар зогсогч
Түүнийг хэн саатуулах вэ?
Сэтгэлдээ хүссэнээ Тэрээр үйлддэг билээ.
14Надад товлогдсон зүйлсээ
Тэр хэрэгжүүлдэг бөгөөд
Үүнээс гадна олон зүйл
Түүний санаанд буй.
15Тиймээс Түүний оршихуйн өмнө
би айдаг.
Эргэцүүлэх бүрдээ би
Түүнээс эмээнэ.
16Зүрхийг минь Бурхан доройтуулсан бөгөөд
Төгс Хүчит Нэгэн намайг түгшээсэн билээ.
17Гэсэн ч харанхуйд ч,
намайг нөмөрдөг гүн харанхуйд ч
би дуугүй байхгүй.
Currently Selected:
Иов 23: АБ2013
Highlight
Share
Copy
Want to have your highlights saved across all your devices? Sign up or sign in
Ariun Bible © Mongolian Union Bible Society 2013.
