Исаиа 26
26
Иудагийн ялалтын дуу
1Тэр өдөр Иудагийн нутагт энэ дуу дуулагдана.
“Бидэнд хүчирхэг хот байна.
Авралд зориулан Тэрээр
Хэрэм, бэхлэлт босгожээ.
2Үүд хаалгаа нээн итгэмжит байдлыг сахигч,
Зөвт үндэстнийг оруул!
3Танд итгэдгийн улмаас
Санаа бат хүмүүнийг
Та амрын амар байлгана.
4ЭЗЭНд үүрд итгэгтүн!
Учир нь ЭЗЭН БУРХАН дотор
Мөнхийн хад бий.
5Өндөрт залрагчдыг
Тэрээр номхтгож,
Халдашгүй хотыг доройтуулан
Газарт унаган шороонд шиднэ.
6Түүнийг зүдрэгсэд, ядуусын хөл
гишгэлж дэвсэлнэ”.
7Зөв шударгын зам нь чигч шулуун ажээ.
Аяа Зөвт Нэгэн ээ,
Зөвт хүний замыг тэгшхэн тавиач.
8ЭЗЭН минь, Таны шүүлтийн замаар алхахдаа
Таныг хүсэн хүлээнэ.
Таны нэр, Таныг дурсан магтах нь
Сэтгэлийн маань хүсэл болой.
9Шөнөөр сэтгэл минь
Таныг хүсэмжлэн сүнс минь
Таныг шаргуу эрэлхийлнэ.
Дэлхий Таны шүүлтийг эдлэх үед
Ертөнцийн суугчид зөв явдалд суралцана.
10Буруу муу хүн энэрэл хайрыг ававч
Зөв явдлыг сурдаггүй.
Зөв шударгын газарт бурууг тэрээр үйлдэн
ЭЗЭНий цог жавхланг эс олж харна.
11ЭЗЭН, Таны мутар өргөгдөвч
тэд үл үзнэ.
Хүмүүсийн төлөөх зүтгэлээ Та тэдэнд харуулж,
Тэднийг ичээгээч.
Үнэхээр Таны дайснуудыг гал залгина.#Евр 10:27
12ЭЗЭН, Та мөн бидний төлөө бүх үйлсийг минь бүтээсэн учраас
Та бидэнд энхийг тогтооно.
13Аяа Бурхан ЭЗЭН,
Танаас өөр эзэд биднийг захирсан боловч
Зөвхөн Танаар дамжуулан
Нэрийг тань дурдах болно.
14Үхдэл нь амьдрахгүй, сүүдрүүд босохгүй.
Тиймээс Та тэднийг шийтгэн устгаж,
Тэдний аливаа дурсамжийг арилгасан.
15ЭЗЭН минь, Та үндэстнийг олшруулж,
Үндэстнийг өсгөж,
Та алдаршлаа.
Газрын бүх хязгаарт
Та хүрсэн.
16ЭЗЭН минь, тэд шаналахдаа
Таныг эрсэн.
Таны гэсгээлт дээр нь байхад
Шивнэсэн залбирал л гарна.
17Жирэмсэн эмэгтэй төрөхдөө зовон,
Өвдөх шаналлаасаа болж орилдог шиг
ЭЗЭН минь бид чинь
Таны өмнө ийм л байсан.
18Жирэмслэн өвдсөн боловч
Салхи төрүүлж байгаа мэт байна.
Бид дэлхийн төлөөх чөлөөлөлтийг гүйцээж чадсангүй.#26:18 ЭНО-д Бидэнд ялалт үгүй.
Ертөнцийн суугчид ч төрүүлсэнгүй.
19Таны үхэгсэд амилж,
Цогцос минь босно.
Тоосонд хэвтэгчид ээ!
Бос, баярлан хашхирагтун.
Таны шүүдэр нь гэрлүүдийн шүүдэр мэт билээ.
Газар нь сүгүүдийг гаргана.#Дан 12:2
20Ард түмэн минь, ирцгээ,
Өрөөндөө ороод хаалгаа хаагтун!
Уур хилэн өнгөртөл,
Түр зуур нуугдагтун!
21Учир нь ЭЗЭН дэлхийн оршин суугчдыг
Хилэнцийнх нь төлөө шийтгэхээр
Өөрийнхөө газраас ирэх гэж байна.
Дэлхий асгарсан цусаа илчлэн
Алагдагсдыг дахин далдлахгүй.
Currently Selected:
Исаиа 26: АБ2013
Highlight
Share
Copy
Want to have your highlights saved across all your devices? Sign up or sign in
Ariun Bible © Mongolian Union Bible Society 2013.