Ũcuarʉmʉ Jesús ija'che che'chosi'kʉa'mʉ: —Mʉsanʉkonapi ãu ãima'ñe pa'ijʉ Dioni sẽejʉ pañu chini, sẽ'sevʉchi'a re'oja'cheja'che ñoñe pa'ina cho'ocheja'che cho'omanejʉ̃'ʉ. Repana pãi ãu ãima'ñe pa'ijʉ Dioni sẽni repana chiña, sʉmava'na ñoñe pa'inaa'me, pãipi ña, “Dioni sẽejʉ ãu ãima'ñe pa'inajejʉ re'onaa'me ina”, chiapʉ chini. Pãi repanare re'oja'che i'kasimakarʉchi'api ro'isi'eja'chea'me repanare. Ũcuarepaa'me jã'a. Mʉsanʉkonapi ãu ãima'ñe pa'ijʉ Dioni sẽni chʉova'na ñoñe pa'imanejʉ̃'ʉ. Ãu ãisina pa'icheja'che pojojʉ pa'ijʉ̃'ʉ. Mʉsanʉkonapi ũcuaʉakʉji ãu ãima'ñe pa'iʉ Dioni sẽeʉ pasa chini charo mʉsanʉkona chiña sĩ'sisõ cʉ̃'ʉ veni care'vajʉ̃'ʉ raña, pãipi mʉsanʉkona Diore sẽejʉ ãu ãima'ñe pa'iche'te ña masimanea'jʉ. Jã'aja'ñe cho'oto mai Ja'kʉ, Dios, Ñoma'kʉpi mʉsanʉkona kʉama'ñe re'oja'che cho'oche ña ro'ija'mʉ mʉsanʉkonare —chiisi'kʉa'mʉ repaʉ.
Read San Mateo 6
Listen to San Mateo 6
Share
Compare All Versions: San Mateo 6:16-18
Save verses, read offline, watch teaching clips, and more!
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos