Los Hechos 13:38-39

Jã'ajekʉna chʉ'ʉ mʉsanʉkonare iere chʉ'vamʉ, masia'jʉ chini: Jesús maire jũni ro'ikaisi'ejekʉna mai cu'ache cho'oche tʉ'nesokaiche pa'imʉ maire chura. Dios chʉ̃'ʉsi'e rʉa pa'imʉ. Jã'ata'ni mai cuhejʉ cho'oma'me repa. Dios chiiche re'oja'chere cho'omapʉ si'arʉmʉ cu'ache cho'ojʉ pa'inaa'me mai. Jã'aja'ñe cho'onajejʉ Dioni pojoñu chini jo'cha va'iva'nare si'arʉmʉ vani ʉojʉ pa'ime mai, cu'are tʉnoñu chini. Jã'ata'ni tĩ'ama'mʉ jã'a. Jã'ata'ni Jesucristoji mai cu'a peore ro'isokaisi'ejekʉna Dios mai cu'ache cho'osi'e jo'e cuasamaneja'mʉ, maipi Jesucristo'te cuasato.