Róma Ledre gɨ ro bụ́kụ bɨ Róma ní
Ledre gɨ ro bụ́kụ bɨ Róma ní
Páwulo bɨ ꞌyịmɨkása ní eké ledre ba ne zɨ́ ꞌyị ga bɨ ꞌbɨ Kɨ́résịto sɨmɨ Róma ní. Eké gɨ ro ótoyéme ledre gɨ ro ledre ga bɨ née ꞌdodo kóo yée sɨmɨ ngíti géyị bi e ní zɨ́ye. Uku kɨ́dí bɨlámá ledre ꞌbɨ Yésụ ꞌdodo kɨ́dí Lomo oto ꞌyị e do sogo káṇgá mbá káa do mbigí ꞌyị ené e kacɨ́ mɨméngị ledre eyé e kpá kɨ́ ledre ené bɨ ṇguṇgunɨ́ ní káa be ꞌdi? Uku zɨ́ Yụ́da ga bɨ ṇguṇgunɨ́ kpá ledre ꞌbɨ Kɨ́résịto go ní kɨ́dí bɨlámá ledre née nɨ kpá bo sɨmɨ kuṛú bụ́kụ, zɨ́ ꞌyị máa yée ga bɨ ngárá ndanɨ́ Yụ́da e wá ní, kɨ́dí bɨlámá ledre née oto yée go zɨ́ye kpá ídíye mbigí ꞌyị ga bɨ ꞌbɨ Lomo ní. Uku kpá kɨ́dí utúasázé go kacɨ́ komo Lomo káa do mbigí ꞌyị ené e, éyị́ ndaá lolụ íri bɨ kɨ́dí azé óto Lomo kɨ́ rokinyi sɨmɨ bɨ azé ndị́sị lódụ́ kacɨ́ lorụ ené kɨ́ rokoꞌbụzé ní wá. Togụ́ otoomozé ꞌDówụ́ Lomo go zɨ́a ndị́sịné sɨmɨzé kɨ́ ꞌdodo mbigí ledre e zɨ́ze yá, azé ndị́sị méngị ledre e káa zɨ́ bɨ Lomo ili ní.
Sɨmɨ kápita ga bɨ 12-15 ní, Páwulo íꞌbí lorụ zɨ́ ꞌyị e ro mɨsiꞌdi bɨ nɨyí útúásá ídí doa káa do mbigí ꞌyị ga bɨ ꞌbɨ Kɨ́résịto ní. Uku ledre gɨ ro óto ꞌbú lafú ꞌyị e, ndro kɨ́ yée ga bɨ ilinɨ́ ledre ezé e wá, kpá kɨ́ yée ga bɨ ndịsịnɨ́ méngị lárá ze ní. Kɨ́dí idízé kpá óto úndru yée ga bɨ sɨmɨ akúma Lomo óto yée dozé ní. Odụ a sɨmɨ kápita 16 iꞌbí mandá zɨ́ ezelámáne ga bɨ sɨmɨ Róma ní kɨ́ ịrịyé kékị́éꞌdo mbá.
Currently Selected:
Róma Ledre gɨ ro bụ́kụ bɨ Róma ní: bdh
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.