1 Korị́ndo Ledre gɨ ro mɨzefị bụ́kụ bɨ Korị́ndo ní
Ledre gɨ ro mɨzefị bụ́kụ bɨ Korị́ndo ní
Páwulo bɨ ꞌyịmɨkása ní eké ledre ba ne zɨ́ ꞌyị ga bɨ ꞌbɨ Kɨ́résịto sɨmɨ Korị́ndo bɨ ngúru mongụ́ gara sɨmɨ Gɨrị́sị ní. Páwulo ꞌdodo kóo bɨlámá ledre ꞌbɨ Yésụ zɨ́ ꞌyị e sɨmɨ Korị́ndo rómo do sɨmɨbi kị́éꞌdo. Sɨmɨ Moko ꞌbɨ ꞌyịmɨkása e kápita 18, zɨ́ tụ́ꞌdụ́ ꞌyị e kóo ṇgúṇgu ledre Yésụ. Sɨmɨ bɨ Páwulo nderéokpó do ngíti bi ní, zɨ́ bɨsinyí ledre e ógụyé dongará ꞌyị ga bɨ ꞌbɨ Kɨ́résịto ní íri. Née éyị́ bɨ oto Páwulo éké ledre ba kása a sɨmɨ korị́ndo ní gɨ ro zɨ́ye ótoómo kɨ́ méngị bɨsinyí ledre káa zɨ́ ga gére née ꞌdáꞌba.
Sɨmɨ kápita 1-4 Páwulo eké kɨ́dí ndaá bɨlámáne zɨ́ ꞌyị ga bɨ ꞌbɨ Kɨ́résịto ní ífi sɨmɨyé ndị́sị ófụ́ye dongaráye wá. Sɨmɨ kápita 5-6 esị sị́lị́ne komo yée ga bɨ ndịsịnɨ́ méngị kéyị kenée káa zɨ́ éyị́ bɨ owonɨ́ aka Lomo wá ní. Sɨmɨ kápita 7, ꞌdodo ledre gɨ ro toso ndị́sị ꞌbɨ ꞌyị ga bɨ ṇguṇgunɨ́ ledre Kɨ́résịto go ní nɨyí ndị́sị kɨ́ meꞌbeyé e, yaꞌdá ꞌbɨ eyé e kɨ́ ꞌyị ꞌbɨ ꞌbe ꞌbɨ eyé e mbá ní. Zɨ́a íꞌbí lorụ zɨ́ye gɨ ro ꞌyị ga bɨ ṇguṇgunɨ́ ledre ꞌbɨ Lomo go ní nɨyí ndị́sị kɨ́ yée ga bɨ ṇguṇgunɨ́ eyé ledre ꞌbɨ mbigí Lomo wá ní káa be ꞌdi. ꞌYị ga bɨ ṇguṇgunɨ́ ledre ꞌbɨ Lomo go ní nɨyí ndị́sị íni ini zɨ́ Lomo káa be ꞌdi? Zɨ́a kpá úku ledre kɨ́dí ꞌDówụ́ Lomo iꞌbí úndru moko go zɨ́ze tụ́ꞌdụ́ mɨngúngúcua, kɨ́ngaya sɨmɨ kápita 13 uku ledre úndru ꞌbɨ óto ꞌbú lafú ꞌyị e. ꞌDówụ́ Lomo née nɨ sáká zée zɨ́ze ndị́sịzé íni ini zɨ́ Lomo do bɨlámá mɨsiꞌdiné tɨ́ káa zɨ́ ꞌyị ga bɨ ṇguṇgnɨ́ ledre Kɨ́résịto go ní. Née ní zɨ́a úku ledre zɨ́ye kɨ́dí káa zɨ́ bɨ Lomo uru kóo Kɨ́résịto go gɨ sɨmɨ umbu ní togụ́ karanée uyuzé go yá nɨ kpá úru zée.
Currently Selected:
1 Korị́ndo Ledre gɨ ro mɨzefị bụ́kụ bɨ Korị́ndo ní: bdh
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.