LUK KANGKÉNNANE
KANGKÉNNANE
Lukke Atnam Tatpona Dooying si Israel kídí kelang tani banggo lokke Mopítkuna Ruutumpe Jisume lengkantung. Luk bí Jisume “Opan kídílo Tatpona Ngiitomem pogoodope” Ruutumke Deena Aidlok tomlenname emla attung, delokke si Dooyisi tani takamke pííramnam legangem kape ikandodí dem attung. Ashéng angam emnam agomsi Lukke agomso bojédung, apekrupe Jisuke aanam legangem pokan biko kerang gomle kídídelo, delokke Jisuke teyong amope sangkunam luyin agomlo kadung. Jisuke teyong amope saarongkuem kristan kídílokke gerepnam delokke goobyaknam legangem atna ami íying kolang annyi Tomlíknam kídíke kitab sokom attung.
Ole annyi delokke akké (Kitab sokke legang rumkílo atbinamem kaalangka) abíd abíd dooyilo kamana so petom kana, agomeke kadung, de idung teyong kotoki miri legang; mér kaabomna kídíke Jisume oduem kangaanam, Jisuke koope kumkeng ekumlo yénam, delokke Aina Samari amilo luyii sunam elang Nyokna Oo legang kídíe. Dooying tabuso kumnam legang, Deena Aid, Jisuke agérlo mime yémín genam, delokke Shédíke paab kídíem mesam binam legang kídí sim aabanyape lutung.
Kitab Sokke Orege
Kangkénnane 1:1-4
Joan Baptist kelang Jisuke ojiipe inam legange 1:52:52
Baptist Joanke Agére 3:1-20
Jisuke Baptist Laanam elang bím Darkaaname 3:21–4:13
Jisuke Galil Doolung Keralo Agér Iname 4:14–9-50
Galil lokke Jirusalem loope 9:51–19:27
Adínlok Yénamem Yéyindí Longe delokke Jisuke Jirusalemlo
anín Kuname 19:28–23:56
Ruutumke gerepkunam, lengkannam, delokke teyong amope
sangkuname 24:1-53
Currently Selected:
LUK KANGKÉNNANE: adiBSI
Highlight
Share
Copy
Want to have your highlights saved across all your devices? Sign up or sign in
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.