JOAN 21:15-17

Edílo bulu donamem doyintodí, delo Jisu bí Simon Pitorme poto, “Joanke oo Simon, no sike simpemílo aropakpe ngom ayang yadunía? “Ruutum ngo nom ayadung” emla bí poyansuto. Jisu bí pokai, “Ngokke mérbéno kídíem usaa langka.” Lekoda Jisu bí pokai, “Joanke oo, Simon, no ngom arope ayadunía?” Bí poyansukai, “E, Ruutum, ngokke nom ayanamem no kénsudung.” Jisu bí pokai, “Ngokke mérbeno kídíem kaabom langka.” Lengum nape bí bím pokai, “Joanke oo Simon, no ngom ayang dunía?” Pitor bí ayéme emla míngkai kapeila Jisu bí bím lengumnape “No ngom ayadunía” emla íngkíto. Bí poto, “Ruutume, no takam atíem kénsudung, ngokke nom ayanamem no kénsudung.” Jisu bí poto, “Ngokke mérkídíem usaa langka.