Ntawv Nkauj 93
93
Vajtswv Yog Vajntxwv
1Tus TSWV yog Vajntxwv.
Lub hwjchim thiab tus zogloj zognchav yog Nws li tsoostsho hnav.
Lub ntiajteb yeej nyob ruaj nrees,
yeej tsis muaj leejtwg yuav muaj peevxwm muab txav tau li.
2Tus TSWV, Koj lub zwmtxwv yeej nyob khovkho txij thaum chivkeeb los lawm,
thiab Koj yeej muaj nyob uantej lub sijhawm pib los lawm.
3Tus TSWV, tej hiavtxwv tsa lawv lub suab;
tej suab ntawd nrov ntxhe ntws tuaj.
4Tus TSWV yog tus uas muaj hwjchim loj,
loj tshaj tej suab hiavtxwv nrov,
muaj hwjchim tshaj hiavtxwv tej nthwv dej uas ntas nphau nphwv.
5Tus TSWV, Koj tej kevcai nyob mus ibtxhis,
Koj lub Tuamtsev yeej dawbhuv tiag-tiag,
thiab yuav nyob mus ibtxhiab ibtxhis.
Currently Selected:
Ntawv Nkauj 93: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
