Ntawv Nkauj 92
92
Zaj Nkauj Qhuas Vajtswv#92:0: Lus Henplais lub ntsiablus: Ib zaj nkauj hu rau hnub Xanpataus.
1Tus TSWV, kev ua Koj tsaug thiab hunkauj qhuas Koj, uas yog tus Vajtswv muaj Hwjchim Tshajplaws,
yog qhov uas zoo.
2Qhov uas niaj tagkis qhia Koj txoj kev hlub uas ruaj-khov
thiab niajhmo qhia Koj txoj kev ncajncees,
3nrog tej suab nkauj nogncas uas muaj kaum txojhlua thiab tej suab raj,
yog qhov uas zoo.
4Tus TSWV, tej uas Koj ua, ua rau kuv zoosiab heev;
kuv hunkauj zoosiab rau txhua yam uas Koj tau ua los.
5Tus TSWV, Koj tej haujlwm loj kawg nkaus!
Koj txoj kev xav mas nyob tob heev!
6Nov yog tej uas tus neeg tsis thoobtsib tsis muaj peevxwm paub;
thiab tus neeg ruam tsis muaj peevxwm totaub txog:
7Cov neeg siabphem yuav lojhlob yam li tej nrojtsuag,
cov neeg ua phem yuav vammeej,
tiamsis lawv yuav raug kev puastsuaj mus tas ibtxhis,
8rauqhov Koj, uas yog tus TSWV, yog tus uas muaj hwjchim loj mus ibtxhis li.
9Peb paub tias Koj cov yeebncuab yuav tuag,
thiab txhua tus neeg siabphem yuav swb.
10Koj tau pub rau kuv muajzog ib yam li tus nyuj qus;
Koj tau muab cov roj uas zoo tshajplaws los hliv rau kuv.
11Kuv pom tias kuv cov yeebncuab swb tag lawm,
thiab hnov cov neeg siabphem lub suab quaj.
12Cov neeg ncajncees yuav lojhlob mosnyoos li tej ntsuag txoob;
lawv yuav hlob zoo li tej ntoo ciab pem Lenpanoos.
13Lawv zoo li cov ntoo uas cog hauv tus TSWV lub tsev
uas lojhlob mosnyoos nyob hauv peb tus Vajtswv lub Tuamtsev,
14uas txawm yog twb laus lawm los tseem txitxiv,
tseem ntsuab thiab khov heev.
15Qhov no qhia hais tias tus TSWV yeej ncajncees,
Nws yog kuv lub Pobzeb, yeej tsis muaj ib qho phem nyob rau hauv Nws li.
Currently Selected:
Ntawv Nkauj 92: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
