Filipis 2

Khetos Txoj Kev Txo Hwjchim Thiab Raug Tsa Ua Tus Loj

1Yog tias qhov uas nej nrog Khetos koom ib txojsia ntawd txhawb tau nej lub zog ntxiv, Nws txoj kev hlub ua rau nej txaussiab, ua rau nej nrog Vaj Ntsujplig sib raugzoo,#2:1: nej nrog Vaj Ntsujplig sib raugzoo; lossis Vaj Ntsujplig tau coj nej ib leeg nrog ib leeg sib raugzoo. ua rau nej muaj lub siabdawb siabzoo thiab ib leeg txawj tabncuab ib leeg, 2ces kuv thov kom nej ua rau kuv txoj kev zoosiab no tiavlog los ntawm qhov uas nej koom tib txoj kev xav, koom tib txoj kev hlub, thiab sawvdaws koomsiab koomntsws uake. 3Tsis txhob ua ib yam dabtsi kom zoo rau nej lossis ua kom neeg qhuas hais tias nej yog tus zoo, tiamsis los ntawm txoj kev txo hwjchim nej yuavtsum ncontsoov tias lwmtus zoo dua nej. 4Nej tsis txhob xav txog yam uas nej nyiam xwb, tiamsis nej yuavtsum xav txog yam uas lwmtus nyiam thiab. 5Tsimnyog nej yuavtsum muaj tus cwjpwm uas zoo ib yam li Yexus Khetos:

6Nws yeej ibtxwm muaj Vajtswv tus hwvxyeej,

tiamsis Nws tsis tau xav tias Nws yuav ua kom Nws muaj hwjchim sibluag zos li Vajtswv.

7Nws txaussiab hlo tso txhua yam tseg,

los ua lub neej zooli ib tug tubtxib.

Nws los yug ua tibneeg

thiab ua lub neej zooli tibneeg.

8Nws txo Nws lub hwjchim thiab mloog Vajtswv lus txog qib uas tuag taus,

txawm yog tuag saum ntoo khaublig los xij!

9Twb yog vimli no Vajtswv thiaj tsa Nws rau lub chaw uas siab dua ntais,

thiab tis lub npe uas zoo tshaj txhua lub npe huv tibsi rau Nws,

10kom nyob rau ntawm Yexus lub npe

txhua tus uas nyob saum ntuj ceebtsheej thiab hauv ntiajteb, thiab tej uas nyob hauv nruab tivtxwv#2:10: nruab tivtxwv: Qhov no yog qhia hais tias tseem muaj cov tuag uas nyob qhov tsausntuj nti hauv nruab tivtxwv thiab.

yuav txhoscaug pe Nws,

11thiab txhua tus nplaig yuav lees hais tias Yexus Khetos yog tus Tswv,

kom Vajtswv tus uas yog Leejtxiv tau koobmeej. #Yaxaya 45:23 (LXX)

Ci Li Cov Teeb Uas Nyob Hauv Lub Ntiajteb

12Yogli ntawd, cov kwvtij uas kuv hlub 'e, thaum kuv tseem nrog nej nyob, nej yeej ibtxwm mloog kuv lus; txawm yog nimno kuv tsis nrog nej nyob lawm los nej yuavtsum mloog kuv lus heev dua yav tas los. Nej yuavtsum kubsiab rau nej txoj kev dim txim los ntawm kev paub ntshai Vajtswv ua ibce tsheehnyo, 13rauqhov Vajtswv yog tus uas niajhnub ua haujlwm nyob hauv nej kom nej muaj lub siab xav ua thiab ua tau rawsli Vajtswv lub siab nyiam.

14Txhua yam uas nej ua nej tsis txhob sib yws thiab sibcav, 15kom nej thiajli tsis raug thuam thiab thiajli tsis muaj txim, ua tau Vajtswv cov menyuam uas zoo kawg nkaus nrog tiam neeg tsis ncaj thiab muaj txim nyob uake hauv ntiajteb no. Nej yuavtsum ci rau hauv lawv ib yam li cov hnubqub ci saum nruabntug, #2Kev 32:5 16yam nkaus li nej muab txojlus uas ciajsia pub rau lawv ntag. Yog nej ua li ntawd, thaum txog Hnub uas Khetos rovqab los kuv yuav txaussiab heev, vim qhov ntawd yuav qhia tau hais tias kuv tej kev khwv thiab tej haujlwm yeej tsis nkim zog kiag li.

17Txawm kuv cov ntshav yuav raug muab hliv tawm los fij rau Vajtswv es thiaj yuav ua rau nej txoj kev ntseeg tiav los kuv yeej txaussiab thiab yeej nrog nej sawvdaws zoosiab. 18Ib yam nkaus li ntawd, tsimnyog nej yuavtsum zoosiab thiab qhia kom kuv nrog nej zoosiab thiab.

Timautes Thiab Epafauditus

19Yog Tswv Yexus pomzoo, kuv ciasiab hais tias tsis ntev no kuv yuav txib Timautes tuaj xyuas nej, kom thaum kuv hnov xov txog nej lawm, yuav ua rau kuv zoosiab heev. 20Timautes tibleeg xwb thiajli xav ib yam li kuv thiab mobsiab txog nej tiag-tiag. 21Dua li lwmtus, lawv tsuas xav txog lawv tej haujlwm xwb, lawv yeej tsis xav txog Yexus Khetos tej haujlwm li. 22Tiamsis nej twb paub txog Timautes lawm hais tias nws muajnqis npaum licas; nws tau nrog kuv ua tes haujlwm uas qhia Txoj Moo Zoo ib yam li wb yog ob txitub. 23Yogli ntawd, thaum kuv paub kiag hais tias yuav muaj dabtsi tshwmsim rau kuv lawm, ces kuv yuav txib kiag Timautes tuaj cuag nej kom sai li sai tau. 24Thiab kuv ciasiab hais tias yog Vajtswv pomzoo, tsis ntev no kuv yuav tau tuaj xyuas nej thiab.

25Kuv xav tias, ntshe kuv yuav tau txib peb tus kwv Epafauditus uas tau nrog kuv ua haujlwm thiab nrog kuv ua tubrog, uas nej tau txib nws tuaj pab kuv ntawd, rovqab los tim nej. 26Nws yeej xav pom nej sawvdaws kawg li thiab nws nyuajsiab kawg vim nej tau hnov tias nws mob. 27Nws yeej mob tiag, thiab twb yuavluag tuag. Tiamsis Vajtswv tabncuab nws heev, tsis yog Vajtswv tabncuab nws ib leeg xwb, Vajtswv kuj tabncuab kuv thiab, kom kuv thiaj tsis ntsib ob-peb tom kev nyuajsiab.

28Yogli ntawd, kuv thiajli maj txib nws rovqab los tim nej, kom thaum nej rov sib pom lawm, nej thiaj yuav zoosiab thiab kuv tej kev nyuajsiab los thiaj yuav ploj zujzus mus. 29Nej yuavtsum zoosiab hlo tostxais nws, yam li nws yog ib tug kwvtij uas ntseeg tus Tswv, thiab yuavtsum hwm txhua tus neeg uas zooli nws, 30rauqhov nws tau nphavsiav tuag thiab muab kiag nws lub neej ua Khetos tes haujlwm, kom nws thiaj pab tau kuv ua tej uas nej pab tsis tau.

Currently Selected:

Filipis 2: MWW2022

Highlight

Copy