Teev Npe 26
26
Txheeb Npe Zaum Thib Ob
1Tomqab uas tej vijsub vijsw ntawd dhau lawm, tus TSWV hais rau Mauxes thiab povthawj hlob Aloos tus tub Ele-axas hais tias, #Teev 1:1-46 2“Neb ciali sau cov Yixalayees txhua tsev neeg npe, suav tagnrho cov txivneej uas hnubnyoog neesnkaum xyoo rov saud uas ua taus tubrog.”
3-4Mauxes thiab povthawj hlob Ele-axas nkawd thiaj ua rawsli tus TSWV hais; nkawd thiaj hu tagnrho cov txivneej uas muaj hnubnyoog li ntawd tuaj sibsau rau hauv lub tiaj Mau-am ntawm ntug Dej Yauladees uas nyob ncaj lub nroog Yelikaus sab tid.
Cov no yog cov Yixalayees uas tawm hauv tebchaws Iziv los:
5Xeem Lunpees (Lunpees yog Yakhauj tus tub hlob): yog cuab Hanauj, Palus, 6Hexeloos, thiab Khamis. 7Suav tagnrho lawv tej cuab kwvtij no, cov txivneej muaj 43,730 leej. 8Palus tus tub yog Eli-as; 9thiab Eli-as cov tub yog Nemuyees, Dathas, thiab Anpilas. (Cov pejxeem xaiv Dathas thiab Anpilas ua lawv ob tug thawjcoj. Nkawd tawv nyom Mauxes thiab Aloos, thiab mus koom nrog Kaulas ntxeevsiab tawmtsam tus TSWV. 10Ces av ciali qhib hlo thiab nqos nkawd lawm, mas nkawd thiaj tuag nrog Kaulas thiab nws cov phoojywg thaum uas hluavtaws poob los kub 250 leej txivneej tuag tag ntawd lawm; lawv thiaj dhau mus ua ib qho kev ceebtoom rau cov pejxeem sawvdaws. 11Tiamsis Kaulas cov tub tsis raug tuag ib tug li.)
12Xeem Xime-oos: yog cuab Nemuyees, Yamees, Yakhees, 13Xelas, thiab Sa-us. 14Suav tagnrho lawv tej cuab kwvtij no, cov txivneej muaj 22,200 leej.
15Xeem Nkaj: yog cuab Xefoos, Hankis, Sunis, 16Auxenis, Elis, 17Alaudis, thiab Alelis. 18Suav tagnrho lawv tej cuab kwvtij no, cov txivneej muaj 40,500 leej.
19-21Xeem Yudas: yog cuab Selas, Pelej, Xelas, Hexeloos, thiab Hamus. (Yudas ob tug tub uas hu ua Aws thiab Aunas, puavleej tuag rau tom tebchaws Kana-as lawm.) 22Suav tagnrho lawv tej cuab kwvtij no, cov txivneej muaj 76,500 leej.
23Xeem Ixakhas: yog cuab Taulas, Pu-as, 24Yasus, thiab Siloos. 25Suav tagnrho lawv tej cuab kwvtij no, cov txivneej muaj 64,300 leej.
26Xeem Xenpuloos: yog cuab Xeles, Eloos, thiab Yahelees. 27Suav tagnrho lawv tej cuab kwvtij no, cov txivneej muaj 60,500 leej.
28Yauxej muaj ob tug tub, Manaxes thiab Efalayees nkawd ncau mus ua ob xeem.
29Xeem Manaxes. Manaxes tus tub Makhaws yog Nkile-as txiv, thiab Nkile-as yog lawv tej cuab kwvtij nram no tus yawgkoob: 30cuab Ixes, Helej, 31Aliyees, Sekhees, 32Semidas, thiab Hefaws. 33Hefaws tus tub Xelaufehas tsis muaj ib tug tub li, tiamsis nws muaj ntxhais xwb; lawv cov npe hu ua Malas, Nau-as, Haunkelas, Milekas, thiab Tilexas. 34Suav tagnrho lawv cuab Manaxes no, cov txivneej muaj 52,700 leej.
35Xeem Efalayees: yog cuab Suthelas, Npekhaws, thiab Tahas. 36Cuab Elas yog Suthelas cajces. 37Suav tagnrho lawv tej cuab kwvtij no, cov txivneej muaj 32,500 leej.
Tagnrho tej cuab kwvtij uas hais los no puavleej yog Yauxej cajces.
38Xeem Npeeyamees: yog cuab Npelas, Asenpees, Ahilas, 39Sefufas, thiab Hufas. 40Cuab Aledis thiab cuab Na-amas yog Npelas cajces. 41Suav tagnrho lawv tej cuab kwvtij no, cov txivneej muaj 45,600 leej.
42Xeem Das: yog cuab Suhas, 43uas tagnrho cov txivneej muaj 64,400 leej.
44Xeem Asaws: yog cuab Imenas, Isivis, thiab Npeliyas. 45Cuab Henpaws thiab cuab Makhiyees yog Npeliyas cajces. 46Asaws muaj ib tug ntxhais hu ua Xelas. 47Suav tagnrho lawv tej cuab kwvtij no, cov txivneej muaj 53,400 leej.
48Xeem Nathalis: yog cuab Yahexees, Nkunis, 49Yexaws, thiab Silees. 50Suav tagnrho lawv tej cuab kwvtij no, cov txivneej muaj 45,400 leej.
51Suav tagnrho haivneeg Yixalayees, cov txivneej muaj 601,730 leej.
52Tus TSWV hais rau Mauxes tias, 53“Muab lub tebchaws faib rau tej xeem rawsli qhov uas lawv coob thiab tsawg. 54-56Muab lub tebchaws rho ntawv faib; muab thaj av dav rau tej xeem uas muaj neeg coob nyob thiab muab thaj av nqaim rau tej xeem uas muaj neeg tsawg.” #Teev 34:13; Yaus 14:1-2
57Nov yog xeem Levis uas suav rawsli cuab Nkawsoos, Kauhas, thiab Melalis. 58Lawv cajces yog muaj rawsli no: cuab Linpenis, Henploos, Mahelis, Musis, thiab Kaulas. Kauhas yog Aslas txiv, 59uas yuav Levis tus ntxhais Yaukhenpes uas yug hauv tebchaws Iziv, ua pojniam. Yaukhenpes thiaj yug tau ob tug tub uas yog Aloos thiab Mauxes, thiab yug tau ib tug ntxhais hu ua Mili-as rau Aslas. 60Aloos muaj plaub tug tub, Nadas, Anpihus, Ele-axas thiab Ithamas. #Teev 3:2 61Nadas thiab Anpihus nkawd tuag thaum nkawd muab cov ncaigtaws uas tsis dawbhuv hlawv khoom fij rau tus TSWV lawm. #Levi 10:1-2; Teev 3:4 62Cov Levis tej txivneej uas hnubnyoog ib hlis rov saud muaj 23,000 leej. Tsis muab lawv suav nrog cov Yixalayees, vim lawv tsis tau txais ib qho qubtxeeg qubteg hauv lub tebchaws Yixalayees los ua lawv tug.
63Tagnrho tej cuab Yixalayees no puavleej yog Mauxes thiab povthawj hlob Ele-axas ua ob tug uas sau lawv tej npe nyob hauv lub tiaj Mau-am ntawm ntug Dej Yauladees uas nyob ncaj lub nroog Yelikaus sab tid. 64Cov neeg uas Mauxes thiab povthawj hlob Aloos nkawd sau npe thawjzaug nram tiaj Suabpuam Xinais yeej tsis tshuav ib tug seem li lawm. 65Tus TSWV yeej hais tias, tagnrho lawv cov ntawd yuav tuag tag rau hauv tiaj suabpuam, tsuas tshuav Yefunes tus tub Kalej thiab Noos tus tub Yausuas nkaus xwb thiaj tsis tuag. #Teev 14:26-35
Currently Selected:
Teev Npe 26: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
