Mathais 28

Yexus Sawv Hauv Qhovtuag Rov Los

(Malakaus 16:1-10; Lukas 24:1-12; Yauhas 20:1-10)

1Tomqab hnub Xanpataus uas yog Hnubkaj thaum kajntug txoog, Malis Madalas nrog rau ib tug hu ua Malis no thiab, tau mus saib lub ntxa. 2Tamsim ntawd ntiajteb uazog koog, tus Tswv ib tug timtswv nqis saum ntuj los muab daim lagzeb uas npog lub rooj ntxas dov tawm thiab zaum rau saum daim lagzeb ntawd. 3Nws lub ntsejmuag ci ib yam li xob laim thiab nws cev ristsho dawbpaug ib yam li daus. 4Cov fajxwm uas zov lub qhovntxa ntshai ua ibce tsheehnyo thiab txhav tas ib yam li cov neeg uas twb tuag lawm.

5Tus timtswv ntawd hais rau ob tug pojniam tias, “Neb tsis txhob ntshai; kuv paub tias neb tuaj nrhiav Yexus tus uas luag muab ntsia rau saum ntoo khaublig. 6Nws tsis nyob ntawm no; Nws twb sawv rawsli Nws tau hais tseg lawm. Neb ciali los saib qhov chaw uas luag muab Nws lub cev tso cia. 7Ciali ceevnrooj tamsim no rov mus qhia rau Nws cov thwjtim hais tias, ‘Nws twb sawv hauv qhovtuag rov los lawm. Nws yuav ua nej ntej mus rau pem Kalilais; nej yuav ntsib Nws ped!’ Ncontsoov tej uas kuv hais rau neb no!”

8Nkawd txawm rov nrawm nroog ntawm lub qhovntxa mus, ntshai los ntshai, zoosiab los zoosiab, thiab khiav mus qhia rau Yexus cov thwjtim paub.

9Tamsim ntawd Yexus txawm los ntsib nkawd thiab hais rau nkawd tias, “Thov kom neb nyob kajsiab lug.” Nkawd txawm mus tuav nkaus Yexus ob txhais kotaw thiab pehawm Nws. 10Yexus hais rau nkawd tias, “Neb tsis txhob ntshai. Ciali mus qhia Kuv cov kwvtij kom lawv mus rau pem Kalilais, lawv yuav pom Kuv nyob ped.”

Cov Fajxwm Kev Tshabxo

11Thaum ob tug pojniam ntawd tabtom taug kev mus lawm, ces qeeleej fajxwm txawm rov mus rau hauv nroog thiab qhia txhua yam uas tshwmsim ntawd rau cov thawj povthawj hlob mloog. 12Thaum cov thawj povthawj hlob sablaj nrog cov txwjlaug thiab tuav tswvyim tag, lawv txawm muab ib cov nyiaj ntau tsawv rau cov tubrog 13thiab hais tias, “Nej yuavtsum hais tias, ‘Thaum tsausntuj uas peb tsaugzog lawm, ces Nws cov thwjtim txawm tuaj nyiag Nws lub cev lawm.’ 14Nej tsis txhob txhawj, yog tus tswvxeev hnov txog zaj no, peb mam nrog nws tham thiab yuav tsis pub nej raug teebmeem.”

15Cov tubrog txais cov nyiaj ntawd, ces lawv txawm ua rawsli cov thawj povthawj hlob hais. Zaj no tau raug xyav nyob rau hauv cov neeg Yudais los txog rau niajhnub no.

Yexus Los Tshwm Rau Nws Cov Thwjtim Pom

(Malakaus 16:14-18; Lukas 24:36-49; Yauhas 20:19-23; Tes Haujlwm 1:6-8)

16Kaum-ib tug thwjtim txawm nce mus rau pem lub roob uas nyob hauv Kalilais, qhov chaw uas Yexus tau qhia rau lawv lawm. #Math 26:32; Malak 14:28 17Thaum lawv pom Yexus, lawv txawm txhoscaug ntua pehawm Nws, tiamsis tseem muaj qeeleej ua xyemxyav. 18Yexus txawm los rau ntawm lawv thiab hais rau lawv tias, “Vajtswv twb muab tagnrho tej hwjchim saum ntuj thiab hauv ntiajteb no rau Kuv lawm. 19Yogli ntawd, nej ciali mus rau txhua haivneeg hauv qabntuj no thiab coj lawv los ua Kuv cov thwjtim: muab lawv ua kevcai rausdej hauv Vaj Leejtxiv, Vaj Leejtub, thiab Vaj Ntsujplig tus Dawbhuv lub npe, #Teshl 1:8 20thiab qhia kom lawv coj ua rawsli txhua yam uas Kuv tau xaaj rau nej lawm. Kom nej ncontsoov tias Kuv yeej yuav nrognraim nej, mus txog hnub uas lub ntiajteb no kawg.”

Currently Selected:

Mathais 28: MWW2022

Highlight

Copy