Mathais 24

Yexus Hais Txog Lub Tuamtsev Yuav Puastsuaj

(Malakaus 13:1-2; Lukas 21:5-6)

1Thaum Yexus tabtom tawm ntawm lub Tuamtsev mus, Nws cov thwjtim txawm los cuag Nws thiab taw tes kom Yexus saib tej tsev uas nyob ibncig ntawm lub Tuamtsev. 2Yexus hais tias, “Yog kawg, nej twb pom tagnrho tej tsev no lawm. Tiamsis Kuv qhia tseeb rau nej hais tias, tej txhibzeb uas luag muab tib ib lub tshooj ib lub ntawd, txhua lub yuav pluam nyias nyob nyias tag huv tibsi.”

Kev Txomnyem Thiab Kev Tsimtxom

(Malakaus 13:3-13; Lukas 21:7-19)

3Thaum Yexus nyob pem lub Roob Txiv Ntoo-Roj, Nws cov thwjtim los cuag Nws twjywm thiab nug hais tias, “Koj qhia rau peb seb thaum twg mamli muaj tej no? Thiab yuav muaj dabtsi tshwm los qhia rau peb paub tias twb yuav txog lub sijhawm uas Koj rov los thiab lub ntiajteb kawg?”

4Yexus teb tias, “Nej yuavtsum ceevfaj, tsis txhob cia leejtwg ntxias tau nej yuamkev. 5Yuav muaj ntau leej tuaj ntawm Kuv lub npe tuaj hais rau nej tias, ‘Kuv yog tus Mexiyas!’ Thiab lawv yuav ntxias ntau leej yuamkev. 6Nej yuav hnov kev tsov kev rog nyob ze nej thiab hnov moo txog tej tebchaws uas nyob deb nej uatsov uarog, tiamsis nej tsis txhob poobsiab. Yeej yuav muaj tej ntawd, tiamsis tsis tau txhais hais tias twb txog lub sijhawm kawg lawm. 7Ib lub tebchaws yuav sawv tawmtsam ib lub tebchaws, thiab ib haivneeg yuav sawv tawmtsam ib haivneeg. Yuav muaj kev tshaib kev nqhis thiab av yuav qeeg nyob rau txhua qhov. 8Txhua yam no zoo ib yam li tus pojniam uas nyuamqhuav pib mob plab yuav yug menyuam xwb.

9“Thaum ntawd yuav muaj neeg ntes nej, coj nej mus tsimtxom thiab muab nej tua. Txhua haivneeg yuav ntxub nej, vim nej yog cov uas ntseeg Kuv. #Math 10:22 10Lub sijhawm ntawd yuav muaj ntau leej tso lawv txoj kev ntseeg tseg; ib leeg yuav ntxeevsiab rau ib leeg thiab ib leeg yuav ntxub ib leeg. 11Yuav muaj cov xibhwb cevlus cuav coob leej ntxias ntau leej yuamkev. 12Vim tej kev phem kev qias no nthuav loj heev tuaj, ntau tus neeg txoj kev hlub yuav txias zujzus mus. 13Tiamsis tus uas ua siabntev tiv taus mus txog thaum kawg, tus ntawd yuav dim. #Math 10:22 14Thaum txoj Xov Zoo uas hais txog Vajtswv lub Ntuj Ceebtsheej no raug qhia mus thoob qabntuj uas yog ua timkhawv rau txhua haivneeg paub lawm, ces lub sijhawm kawg mamli los txog.

Yam Phem Kawg Nkaus

(Malakaus 13:14-23; Lukas 21:20-24)

15“Nej yuav pom yam uas Daniyees, uas yog tus xibhwb cev Vajtswv lus tau hais tias ‘Yam phem kawg nkaus’ yuav sawv hauv qhov chaw dawbhuv.” (Tus uas nyeem qhov no, nws yuavtsum totaub hais tias lub ntsiablus no yog txhais licas!) #Dani 9:27; 11:31; 12:11 16“Thaum ntawd cov neeg uas nyob hauv xeev Yudas yuavtsum khiav mus rau pem tej roob. 17Tus uas nyob saum rutsev, txheej tsev lastshav, tsis txhob nqis mus nqa ib yam dabtsi hauv tsev tawm. #Lukas 17:31 18Tus uas nyob tom teb, tsis txhob rov los nqa nws lub tsho ntev.

19“Lub sijhawm ntawd tej pojniam uas suab menyuam thiab tej pojniam uas muaj menyuam mos noj mis yuav txomnyem kawg nkaus li! 20Thov Vajtswv pab kom nej tsis txhob tau khiav rau lub caij ntuj no lossis hnub Xanpataus! 21Rauqhov lub sijhawm ntawd yuav txomnyem kawg nkaus, txij thaum tsim ntuj tsim teb los txog niajhnub no, yeej tsis tau muaj kev txomnyem uas yuav heev npaum li zaum no, thiab yav tomntej los yuav tsis muaj li zaum no lawm. #Dani 12:1; Tshwm 7:14 22Tiamsis Vajtswv twb txiav hnubnyoog ntawm lub sijhawm ntawd kom luv lawm. Yog Nws tsis ua li ntawd yeej yuav tsis muaj leejtwg dim li. Qhov uas Vajtswv txiav hnubnyoog kom luv li ntawd, twb yog vim Nws hlub Nws haivneeg uas Nws tau xaiv cia lawm.

23“Thaum ntawd yog leejtwg hais rau nej hais tias, ‘Nej saib seb, tus Mexiyas nyob ntawm no!’ Lossis hais tias, ‘Nws nyob tod!’ Nej tsis txhob ntseeg tej ntawd. 24Rauqhov yuav muaj tej Mexiyas cuav thiab tej xibhwb cevlus cuav tshwm tuaj. Lawv yuav los ua tej txujci tseemceeb ntxias Vajtswv haivneeg uas Nws twb xaiv lawm, seb lawv puas yuamkev tau. 25Nej yuavtsum ncontsoov tej lus uas Kuv twb qhia uantej rau nej no lawm.

26“Yog leejtwg hais rau nej hais tias, ‘Nej saib seb, Nws nyob tom roob mojsab qhua!’ Nej tsis txhob mus rau tod; lossis hais tias, ‘Nej saib seb, Nws nkaum ntawm no!’ Nej tsis txhob ntseeg tej ntawd. #Lukas 17:23-24 27Rauqhov Neeg Leejtub yuav los zoo ib yam li xob laim tim sab hnubtuaj ci mus txog rau tim sab hnubpoob.

28“Lub cev tuag nyob qhovtwg, ces dav lwjhau yuav sau nthwv mus rau qhov ntawd. #Lukas 17:37

Neeg Leejtub Yuav Los

(Malakaus 13:24-27; Lukas 21:25-28)

29“Tomqab tej kev txomnyem ntawd dhau kiag xwb, lub hnub yuav tsaus, lub hli yuav tsis ci, tej hnubqub saum ntuj yuav poob los, thiab tej uas muaj hwjchim nyob saum nruabntug yuav uazog koog huv tibsi. #Yaxaya 13:10; Yau 2:10, 31; 3:15; Tshwm 6:12; Yaxaya 13:10; Exek 32:7; Yau 2:10; 3:15; Yaxaya 34:4; Tshwm 6:13 30Thaum ntawd Neeg Leejtub lub cim yuav tshwm saum nruabntug; thiab txhua haivneeg hauv qabntuj no yuav quaj-nyiav ntsoogqees thaum lawv pom Neeg Leejtub los saum cov huab nrog Nws lub hwjchim thiab tus tshwjchim uas ci ntsa-iab los. #Dani 7:13; Xekhali 12:10-14; Tshwm 1:7 31Thaum lub suab rajxyu nrov, Nws yuav txib Nws cov timtswv ceebtsheej mus txhuanrho plaub cegkaum ntuj, lawv yuav mus qaws cov neeg uas Nws twb xaiv cia lawm, tagnrho qabntuj kawg mus txog rau hauvntuj kawg, los nyob uake.

Kawm Los Ntawm Tsob Txiv Ncuavpias

(Malakaus 13:28-31; Lukas 21:29-33)

32“Nej ciali kawm los ntawm tsob txiv ncuavpias. Thaum nws tej ceg rov nthaw kaus ntsuab thiab chiv hlav nplooj mosnyoos tuaj, nej paub tias twb yuav txog lub caij ntuj kub. 33Ib yam nkaus li ntawd, thaum nej pom txhua yam ntawd, nej yuav paub tias lub sijhawm twb los yuav txog, twb nyob ntawm qhovrooj lawm.#24:33: lub sijhawm twb los yuav txog, twb nyob ntawm qhovrooj lawm; lossis Nws twb yuav los sai-sai no, Nws twb npaj txhij yuav los lawm. 34Ncontsoov tias txhua yam no yuav tshwmsim los uantej cov neeg tiam no tuag tas. 35Lub ntuj thiab lub ntiajteb yuav ploj mus, tiamsis Kuv tej lus qhia yuav tsis ploj hlo li.

Tsis Muaj Leejtwg Paub Hnub Thiab Sijhawm

(Malakaus 13:32-37; Lukas 17:26-30, 34-36)

36“Tsis muaj leejtwg paub tias yog hnub ntawd lossis lub sijhawm ntawd, txawm yog cov timtswv ceebtsheej lossis Leejtub#24:36: Tej phau ntawv qub uas xuas tes sau tsis muaj lossis Leejtub. los yeej tsis paub; tsuas yog Leejtxiv tibleeg thiaj paub xwb.

37“Lub sijhawm uas Neeg Leejtub los, yuav zoo ib yam li tej uas tshwmsim rau tiam Nau-as nyob. #Chiv 6:5-8 38Thaum dej tseem tsis tau nyab ntiajteb, sawvdaws noj thiab haus, ua tshoob ua kos mus txog ntua hnub uas Nau-as nce mus rau hauv nkoj; 39tiamsis lawv tsis paub tias yuav muaj dabtsi tshwmsim los, mus txog thaum uas dej twb los nyab thiab kuav lawv mus tag huv tibsi. Thaum Neeg Leejtub los, yuav zoo ib yam li ntawd. #Chiv 7:6-24

40“Lub sijhawm ntawd muaj ob tug txivneej tabtom ua haujlwm uake tom teb los yuav coj ib tug mus, yuav tseg ib tug cia. 41Muaj ob tug pojniam tabtom zomzeb uake los yuav coj ib tug mus, yuav tseg ib tug cia. 42Yogli ntawd, nej yuavtsum ceevfaj zov tos, rauqhov nej tsis paub tias hnub twg nej tus Tswv yuav los. 43Kom nej ncontsoov tias yog tus tswvtsev xub paub tias thaum twg tubsab yuav tuaj, nws yeej yuav zov tos tsis pub kom tubsab tsoo thiab nkag tau los rau hauv nws tsev. #Lukas 12:39-40 44Yogli ntawd, nej los yuavtsum npaj kom txhij, rauqhov Neeg Leejtub yuav los lub sijhawm uas nej tsis nco ceevfaj txog Nws.

Tus Tubtxib Uas Ncajncees Lossis Tus Uas Tsis Ncajncees

(Lukas 12:41-48)

45“Yogli ntawd, leejtwg thiaj yog tus tubtxib uas ncajncees thiab ntse? Nws yog tus uas tus tswv muab tsa ua tus loj saib tus tswv cov tubtxib, thiab ua tus faib zaub faib mov rau lawv noj rawsli lub sijhawm. 46Thaum tus tswv rov los tsev thiab pom tus tubtxib ntawd tabtom ua tej haujlwm no, ces tus tubtxib ntawd yuav tau txais txoj kev kajsiab! 47Kuv qhia tseeb rau nej hais tias, tus tswv yuav tsa tus tubtxib ntawd ua tus saib txhua yam uas yog tus tswv li. 48Tiamsis yog nws yog ib tug tubtxib uas siabphem thiab xav tias tseem tshuav ntev nws tus tswv mam rov los, 49ces nws txawm pib muab nws cov tubtxib ntawd ntaus thiab mus nrog cov neeg quavcawv nojhaus uake. 50Muaj ib hnub, thaum tus tubtxib ntawd tsis ceevfaj thiab tsis paub txog, ces tus tswv yuav rov los lub sijhawm ntawd ntag. 51Tus tswv yuav muab nws hlais ua tej dwb daim#24:51: muab nws hlais ua tej dwb daim; lossis muab nws pov rau sabnraud. thiab muab nws mus nrog cov neeg uas ntsejmuag ncaj siabnkhaus nyob. Nws yuav quaj qw tom hniav qees qhov ntawd.

Currently Selected:

Mathais 24: MWW2022

Highlight

Copy