Yaxayas 23

Cov Los Uas Hais Txog Lub Nroog Thailes

1No yog cov lus uas hais txog lub nroog Thailes.

Cov neeg uas ua haujlwm hauv tej nkoj tom plawv hiavtxwv, nej ciali quajntsuag! Nej lub chaw nres nkoj hauv Thasis puastsuaj tag; tej vajtse hauv Thailes thiab tej chaw nres nkoj tub puastsuaj tag lawm. Nej yuav hnov xov thaum nej cov nkoj rov tim tebchaws Xaipas los. #Exek 26:1—28:19; Yau 3:4-8; Amaus 1:9-10; Xekhali 9:1-4; Math 11:21-22; Lukas 10:13-14 2Cov neeg uas ua lag ua luam hauv Xidoos, nej ciali quajntsuag! Nej txib neeg 3hla hiavtxwv mus yuav thiab muag tej nplej uas luag cog hauv tebchaws Iziv, thiab mus cog kev lag kev luam nrog ntau haivneeg.

4Lub nroog Xidoos, koj raug kev txajmuag lau! Hiavtxwv thiab tej qabthu hiavtxwv uas tob heev tsis lees paub koj thiab hais tias, “Kuv yeej tsis tau muaj dua ib tug menyuam li. Kuv yeej tsis tau tu dua tub lossis ntxhais li.”

5Thaum cov Iziv hnov tej xwmtxheej no, lawv yuav ceeb thiab nyuajsiab txog lub nroog Thailes tej chaw nres nkoj uas raug puastsuaj tag lawm.

6Cov neeg hauv lub povtxwv, ciali quajntsuag thiab nrhiav kev khiav hla kom dhau lawm tim Xapees! 7Lub nroog Thailes no tsis yog lub nroog uas thaum ub nyob kajsiab lug lov? Lub nroog no tsis yog lub uas txib neeg hla hiavtxwv mus tsimtsa dua lwm lub tebchaws nyob lov? 8Leejtwg yog tus npajsiab li no tawmtsam lub nroog Thailes, uas yog lub nroog nom nroog tswv, thiab cov tublag tubluam uas nyob hauv puavleej yog cov nomtswv uas muaj meejmom tshajplaws hauv ntiajteb no? 9Tus TSWV uas muaj Hwjchim Loj Kawg Nkaus yog tus uas tau npaj tej no. Nws npaj li ntawd kom thiaj rhuav tau lawv tej kev khavtheeb txog tej uas lawv tau ua los, thiab muab cov neeg uas muaj meejmom txo kom poob ntsejmuag.

10Nej cov neeg uas nyob hauv Xapees, ciali mus ua teb kom thoobplaws lub tebchaws! Tsis muaj leejtwg yuav tivthaiv nej lawm.#23:10: Nqe 10 no paub tsis meej tias lolus Henplais yog txhais licas tiag. 11Tus TSWV tau tsa Nws txhais tes rau saum hiavtxwv thiab ua rau ntau lub tebchaws uazog koog. Nws tau xaaj kom muab cov neeg uas nyob hauv lub xeev Faunikias tej chaw ua lag ua luam rhuav kom puastsuaj. 12Nws hais tias, “Lub nroog Xidoos, koj txoj kev zoosiab tau xaus lawm; thiab koj cov neeg puavleej raug tsimtxom. Txawm yog lawv khiav mus rau tim Xaipas los lawv yeej tsis tau so lossiav li.”

13(Twb yog cov neeg Npanpiloos, tsis yog cov neeg Axilias, yog cov muab lub nroog Thailes ua tej tsiaj qus lub chaw nyob. Twb yog cov neeg Npanpiloos tuaj tsa tej chaw tsomfaj rau hauv, lawv muab lub nroog Thailes tej vajtse tseemceeb uas txhim zeb rhuav povtseg, thiab muab lub nroog ntawd ua puastsuaj tag.#23:13: Nqe 13 no paub tsis meej tias lolus Henplais yog txhais licas tiag.)

14Cov neeg uas ua haujlwm hauv tej nkoj tom plawv hiavtxwv, nej ciali quajntsuag! Lub nroog uas nej tsosiab rau twb puastsuaj tag lawm.

15Thaum txog hnub ntawd lawv yuav tsis nco lub nroog Thailes txog xyacaum xyoo, uas yog tas ib tug vajntxwv simneej. Thaum tas xyacaum xyoo lawm, lub nroog Thailes yuav zoo li tus niamntiav uas nyob hauv zaj nkauj uas hais tias:

16Nqa koj lub nkauj nogncas mus ncig kom thoob lub moos,

tus niamntiav uas tsis muaj neeg nco txog lawm!

Ciali ntaus nkauj nogncas thiab hu koj tej nkauj

kom coj tej txivneej rovqab los dua ib zaug ntxiv!

17Thaum dhau xyacaum xyoo lawm, tus TSWV yuav cia lub nroog Thailes rovqab los ua nws cov lagluam qub dua, thiab nws yuav xa nws tuskheej mus ua niamntiav rau txhua lub tebchaws hauv ntiajteb. 18Tej nyiaj uas nws ua lag ua luam tau los, yuav muab fij rau tus TSWV. Nws yuav tsis muab khaws cia, tiamsis cov neeg uas pehawm tus TSWV yuav siv nws cov nyiaj ntawd mus yuav zaub-mov thiab tej tsoostsho uas zoo-zoo los hnav.

Currently Selected:

Yaxayas 23: MWW2022

Highlight

Copy