2 Yauhas 1
1
1Los ntawm tus Txwjlaug:
Xa mus rau tus pojniam uas raug xaiv lawm thiab nws cov menyuam#1:1: tus pojniam … thiab nws cov menyuam: Qhov no tejzaum yog hais txog ib pawg ntseeg thiab lawv cov tswvcuab (ib yam li ntawm nqe 4, 5 thiab). uas kuv hlub tshajplaws. Tsis yog kuv ib leeg thiaj hlub xwb, tiamsis txhua tus uas paub qhov tseeb puavleej hlub koj, 2rauqhov qhov tseeb ntawd yeej nyob rau hauv peb thiab yuav nrog peb nyob mus ibtxhis.
3Thov Vajtswv tus uas yog Leejtxiv thiab Yexus Khetos tus uas yog Leejtxiv tus Tub, pub txoj hmoovhlub, kev tabncuab thiab kev nyabxeeb rau peb; thov kom tej ntawd nrog peb nyob, uas yog nyob rau hauv qhov tseeb thiab txoj kev hlub.
Qhov Tseeb Thiab Kev Hlub
4Thaum kuv pom koj cov menyuam qeeleej ua lawv lub neej nyob rau hauv qhov tseeb, uas yog ua rawsli Leejtxiv tau qhia rau peb lawm, mas kuv zoosiab kawg li. 5Yogli ntawd, kuv thiaj thov koj uas yog tus Pojniam uas kuv hlub hais tias, thov kom peb ib leeg hlub ib leeg. Tej uas kuv sau rau koj no tsis yog tej lus qhia tshiab, tiamsis kuv sau tej uas peb yeej ibtxwm muaj thaum chivthawj los lawm xwb. #Yauh 13:34; 15:12, 17 6Txoj kev hlub no lub ntsiab yog tias, kom peb yuavtsum ua peb lub neej rawsli Vajtswv tej lus qhia. Tej lus qhia ntawd nej twb hnov thaum chivthawj los lawm, uas hais tias nej yuavtsum ua nej lub neej nyob rau hauv txoj kev hlub.
7Muaj cov ntxeev ntxias ntau leej uas tsis lees paub tias Yexus Khetos tau los yug ua neeg, lawv tau tawm mus rau txhua qhov hauv lub ntiajteb no lawm. Tus uas zooli ntawd, nws yog neeg dag-ntxias thiab yog tus tawmtsam Yexus Khetos. 8Yogli ntawd, nej yuavtsum ua tibzoo ceevfaj, kom tej haujlwm uas nej tau ua los lawm thiaj yuav tsis nkim lub zog, tiamsis nej yuav tau tagnrho nej tej nqizog huv tibsi.
9Tus uas tsis qhia rawsli Khetos tej lus qhia, tiamsis tseem qhia tshaj ntawd thiab, tus ntawd yeej tsis muaj Vajtswv. Tus uas tsuas qhia rawsli Yexus Khetos tej lus xwb, tus ntawd muaj Leejtxiv thiab Leejtub huv tibsi. 10Yog leejtwg tuaj saib nej thiab nws tsis qhia rawsli Yexus Khetos tej lus no, nej tsis txhob coj tus ntawd los hauv nej tsev lossis tostxais nws. 11Rauqhov tus uas tostxais tus ntawd, ces kuj ib yam li nws nrog tus ntawd koom ua tes haujlwm phem lawm thiab.
Cov Lus Xaus
12Muaj ntau yam uas kuv xav sau tuaj rau nej, tiamsis kuv tsis xav siv ntawv thiab kua mem sau tuaj; kuv xum tuaj saib nej thiab nrog nej tham timntsej timmuag kiag, mas tseem yuav ua rau peb zoosiab dua.
13Koj tus vivncaus uas raug xaiv lawm cov menyuam#1:13: Koj tus vivncaus uas raug xaiv lawm cov menyuam: Qhov no tejzaum yog hais txog cov tswvcuab hauv pawg ntseeg uas tus sau tsab ntawv no yog ib tug tswvcuab hauv pawg ntseeg ntawd thiab. hais nojqab nyobzoo tuaj rau koj thiab.
Currently Selected:
2 Yauhas 1: MWW2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.