Матфей 9

Иисустуң чартыктаан кижиниң бачыттарын өршээгени

(Мк. 2:1-12; Лк. 5:17-26)

1Иисус хөлдүң ол чарыынче хемелиг эжиндирип кеже бергеш, Бодунуң чурттаан хоорайынче ээп келген#Мф. 4:13. 2Ынчан элээн каш кижи Аңаа боттарының чартыктаан эжин дөжээниң кырынга#Мк. 6:55 көдүрүп эккелген. Иисус оларның бүзүрелин көргеш#Мф. 8:10; Мк. 10:52, чартыктаан кижиге: «Дидим бол, оглум! Бачыттарың өршээттинген-дир#Лк. 7:48» – дээн.

3Ынчан ном-хоойлу тайылбырлакчыларының чамдыызы иштинде мынча деп бодаан: «Бо кижи Бурганны дорамчылааны ол!»#Лев. 24:16; Мф. 26:65; Ин. 10:33

4Иисус оларның бодалдарын билир болгаш, мынча дээн: «Силерниң чүректериңерде чүге ындыг бак сагыш барыл? 5Чүү беленил? „Бачыттарың өршээттинген-дир“ – дээри бе азы: „Туруп келгеш, чорувут“ – дээри бе? 6Ынчаарга Кижи амытан Оглу чер кырынга бачыттарны өршээр эргелиг дээрзин билип алыңар...» – Иисус ынчан чартыктаан кижиге мынча дээн: «Туруп келгеш, дөжээңни алгаш, бажыңыңче чорувут». 7Ол кижи туруп келгеш, бажыңынче чорупкан. 8Чыылган чон ону көргеш, коргуп-сүртеп, ындыг эрге-чагырганы кижи амытанга хайырлаан Бурганны алдаржыдып турган.

Иисустуң Матфей Левийни кый дээни

(Мк. 2:13-17; Лк. 5:27-32)

9Иисус ол черден ыңай чорупкаш, Матфей дээр кижини көрүп каан. Ол кижи үндүрүг хавырар черинге бодунуң ажылын кылып олурган. Иисус аңаа: «Мени эдерип чорувут» – деп чугаалаан. Матфей туруп келгеш, Ону эдерип чорупкан.

10Ооң соонда Иисус бир-ле катап Матфейниң бажыңынга чемненип олурда, аңаа хөй үндүрүг хавырыкчылары база өске-даа бачыттыг кижилер чыглып келген. Олар Иисус болгаш Ооң өөреникчилери-биле кады чемненгеннер. 11Фарисейлер ону көргеш, Иисустуң өөреникчилеринден: «Силерниң Башкыңар чүге үндүрүг хавырыкчылары-биле база бачыттыг улус-биле кады чемненип олурарыл?» – деп айтырганнар#Мф. 11:19; Лк. 15:2.

12Ону дыңнап кааш, Иисус мынча дээн: «Эмчи кадык эвес, а аарыг улуска херек болгай. 13Баргаш: „Өргүлдү эвес, энерелдиг бооруңарны күзеп тур мен“#Ос. 6:6 – дээн сөстерниң утказын билип алыңар. Мен бо делегейге „Актыг, бачыт чок бис“ дээр улусту эвес#Лк. 15:7, а бачыттыг улусту кый дээр дээш келген мен!#1 Тим. 1:15»

Шээрленириниң дугайында

(Мк. 2:18-22; Лк. 5:33-39)

14Ооң соонда Иисуска Иоанның өөреникчилери#Мф. 11:2; 14:12; Лк. 11:1; Ин. 1:35 келгеш: «Чүге бис база фарисейлер үргүлчү шээрленир улус бис#Лк. 18:12, а Силерниң өөреникчилериңер чүге шуут ынчанмазыл?» – деп айтырыг салганнар. 15Иисус оларга мынча деп харыылаан: «Күдээ оол олар-биле кады турар шагда, куда доюнга ооң эштери оолдар кудараар деп бе?#Мф. 25:1-13; Ин. 3:29; Ажыд. 19:7; 21:2 Ынчалза-даа күдээ оолду олардан чарып аппаар хүннер чедип кээр#Мк. 14:7; Лк. 17:22; Ин. 16:20, чогум-на ынчан олар шээрлени бээр.

16Кым-даа эрги хепке чаа пөстен чамашкы салбас, ынчаар болза, чамашкы эрги пөстү чыырылдыр тыртыптар, а ойбак оон-даа улуг апаар. 17Кым-даа чаа дүшкен араганы эрги көгээржикче кутпас. Ынчаар болза, чаа арага көгээржикти деже тептер, ынчан арага-даа төктүп каар, көгээржик-даа сандан үнер. Чаа араганы чаа көгээржикче кудар херек, ынчан арага-даа, көгээржик-даа бүдүн-бүрүн артар».

Дарганың уруун диргискени болгаш аарыг херээженни экирткени

(Мк. 5:21-43; Лк. 8:40-56)

18Иисус олар-биле чугаалажып турда, Аңаа бир дарга кижи чедип келгеш, дис кырынга олуруп, мөгейгеш: «Мээң уруум өлүрүнүң кырында тур, ынчалза-даа Силер чедип келгеш, холуңарны аңаа дегзип көрүңер – ол дириг артар» – дээн. 19Иисус өөреникчилери-биле кады ону эдерип чорупкан.

20Хенертен он ийи чыл дургузунда ханы төктүп аараан херээжен кижи Иисустуң артындан чедип келгеш, Ооң хевиниң ужунга дээй каапкан#Лев. 15:25. 21Ол иштинде: «Ооң оода-ла хевинге дээпсимзе, экирий бээр боор мен» – деп бодаан#Мк. 3:10. 22Иисус эргилгеш, ону көрүп кааш: «Кызым, дидим бол! Бүзүрелиң сени экиртип-камгалап кагды»#Мк. 10:52; Лк. 7:50; Эф. 2:8 – дээн. Шак ол өйден бээр демги херээжен кадык апарган.

23Иисус дарганың бажыңынче кирип келгеш, шоор ойнакчыларын#9:23 Ол үениң иудейлеринге хөөржүдүлге ёзулалын шоорга ойнап үдээр чаңчыл турган хире. база аймап-хөлзээн чонну көрүп каан. 24Ол: «Үнүп чоруңар! Бо уруг өлбээн, а удуп чыдар кижи ышкажыл#Ин. 11:11» – дээн. Ынчаарга улус Ону кочулап эгелээн.

25Хамык улусту албадап үндүрүптерге#Аж.-ч. 9:40, Иисус уругнуң өрээлинче киргеш, ооң холундан тудуп аарга#Мк. 1:31; 9:27; Аж.-ч. 3:7; 9:41, ол туруп келген. 26Болган чүүл дугайында дамчыыр чугаа ук черни бир кылдыр тарай берген.

Иисустуң ийи согур кижини база үнү чок кижини экирткени

27Иисус оортан чоруптарга, ийи согур кижи Ону эдерип: «Давидтиң Оглу#2 Хаан. 7:12-16; Мф. 22:42; Лк. 1:32, бисти кээргеп көрүңер!» – деп кыйгырып чораан#Мф. 20:29-34.

28Иисус бажыңче кире бээрге, согурлар Аңаа чоокшулап келген. Ол: «Силерге Мээң дузалап шыдаарымга бүзүреп тур силер бе?» – деп айтырган.

Согурлар: «Ийе, Дээрги!» – деп харыылааннар.

29Иисус ынчан оларның карактарынга деггеш: «Бүзүрелиңер аайы-биле ынчалдыр болгай аан» – дээн#Мф. 8:13. 30Ол-ла дораан оларның карактары көре берген. А Иисус оларга: «Кым-даа Мени кымыл дээрзин билбес болзун» – деп аажок шыңгыы чагып каан#Мф. 8:4; 12:16; 17:9; Мк. 1:44. 31Ынчалза-даа ол ийи кижи чоруй баргаш, Ооң дугайында чугааны чоок-кавыга тарадыпкан#Мк. 1:45; 7:36.

32Олар оон чаа-ла чоруп турда, кезек улус Иисуска букшуураан, үнү чок кижи эккелген. 33Букту үндүр сывырыптары билек, үнү чок кижи чугааланып эгелээн. Улус кайгап-харап: «Израильге ындыг чүвени улус кажан-даа көрбээн!» – дижип турган. 34А фарисейлер: «Иисус буктарны оларның ноянының күжү-биле үндүр сывырып турар-дыр» – деп турганнар#Мф. 10:25; 12:24.

Кадарчы чок хойлар

35Иисус бүгү хоорайларны, суурларны эргий кезип, синагогаларга улусту өөредип, Дээрниң Чагыргазының дугайында Буянныг Медээни суртаалдап база кандыг-даа аарыг-аржыктан экиртип чораан.

36Чыылган мөөң чонну көргеш, Иисус улусту кээргей берген#Мк. 8:2, чүге дээрге олар, кадарчызы чок хойлар дег#Сан. 27:17; 3 Хаан. 22:17; Иез. 34:5; Зах. 10:2; Мк. 6:34, канчаар-даа харык чок база могап-турупкан болганнар. 37Ол өөреникчилеринге мынча дээн: «Ажаар дүжүт хөй, а ажылдаар улус эвээш-тир. 38Ынчангаш дүжүт ажаалдазының Ээзинден дилеңер: Ол шөлдерже ажылдаар улустан ам-даа чорутсун#Лк. 10:2; Ин. 4:35».

Currently Selected:

Матфей 9: TUV

Highlight

Copy