Матфей 19

Иисустуң өг-бүле тудары база чарлыышкын дугайында чугаалааны

(Мк. 10:1-12)

1Чугаалап дооскаш, Иисус Галилеяны каггаш, Иордан хемниң ол чарыында Иудеяның черлеринче чорупкан. 2Мөөң чон Ону эдерип чораан, а Ол аңаа улусту экиртип турган.

3Чамдык фарисейлер Иисуска чедип келгеш, Ону шенээр сагыштыг, айтырыг салган: «Эр кижи кандыг-даа чылдагаан-биле кадайындан чарлып болур бе?»

4Харыызынга Ол мынча дээн: «А силер Чаяакчы эң эгезинде эр биле кыс кижини чаяаган#Э. д. 1:27 дээнин номчувааныңар ол бе? 5Оон мынча дээн болгай: „Эр кижи ада-иезин каапкаш, кадайы-биле катчы бээр, олар ам ийи эвес, а чаңгыс мага-бот апаар“#Э. д. 2:24; Эф. 5:31. 6Ынчангаш олар ам ийи эвес, а чаңгыс мага-бот боор-дур#1 Кор. 6:16. Бурганның каттыштырган чүвезин кижи чарып болбас ужурлуг#Мал. 2:16; 1 Кор. 7:10».

7А олар Оон айтырыг салган: «Ынчаарга Моисей чүге эр кижиге кадайынга чарлыр дугайында бижик бергеш, ону чандырыптар деп чарлык болганыл?»#Ы. х. к. 24:1

8«Чүректериңер доң дош боорга, Моисей силерге кадайларыңардан чарлырын чөпшээрээн-дир – деп, Иисус харыылаан. – Ынчалза-даа эгезинде ындыг эвес турган. 9Кадайының самыыраанындан өске, кандыг-бир чылдагаан-биле оон чарылгаш, өске кадай алган кижи ашак-кадайның шынчы чоруун үрээни ол болур деп тур мен#Мф. 5:32; 1 Кор. 7:10»#19:9 Өске бурунгу сөзүглелдерде бо сөстерге «Ашаандан чарылган херээженни кадайланып алган кижи база ашак-кадайның шынчы чоруун үрээни ол болур» деп сөстерни немээн (Лк. 16:18 көр). .

10А өөреникчилери Аңаа мынча дээн: «Кадайының мурнунга эр кижиниң хүлээлгелери ындыг боор болза, шуут өгленмээни дээре-дир оң!»

11Иисус: «Мээң чугаалаан чүвемни шупту улус эвес, а чүгле Бурганның ындыг арга бергени улус хүлээп ап шыдаар#Мк. 4:11; 1 Кор. 7:7; 1 Тим. 5:14 – деп харыылаан. – 12Эр улустуң өг-бүле тудуп шыдавазында элээн каш чылдагаан бар: чамдык улус төрүмелинден эр чаяаны чок боор, чамдыктарын өске улус акталап каан боор, а чамдыызы Дээрниң Чагыргазы дээш өг-бүле тударындан ойталаар. Ону хүлээп ап шыдаар кижи хүлээп алгай аан!»

Иисустуң бичии уругларны алгап-йөрээгени

(Мк. 10:13-16; Лк. 18:15-17)

13Ол үеде Иисус оларга холун дегзип, мөргүзүн дээш, бир улус Аңаа бичии уруглар эккелген. А Ооң өөреникчилери оларны эккелген улусту эрттирбейн турганнар. 14Иисус ынчан мынча дээн: «Бичии уруглар Меңээ кээп турзун, оларга шаптыктап, эртерин хоруваңар! Дээрниң Чагыргазы олар ышкаш улустуу боор#Мф. 18:3». 15Иисус оларга холун дээскеш, ол черден чоруй барган.

Иисус болгаш бай кижи

(Мк. 10:17-31; Лк. 18:18-30)

16Бир кижи Иисуска чедип келгеш, айтырыг салган: «Башкы!#19:16 Өске бурунгу сөзүглелдерде «Башкы» эвес, «Буянныг Башкы» деп бижээн (Мк. 10:17; Лк. 18:17 көр). Мөңге амыдырал чедип аар дизимзе, мен кандыг буян кылыйн?»#Лк. 10:25

17«Чүге буян дугайында Менден айтырдың? – деп, Иисус харыылаан. – Чүгле чаңгыс Бурган буянныг#Ыд. ыр. 105:1; 118:68. А мөңге амыдыралды алыр дизиңзе, Бурганның айтыышкыннарын сагып чор»#Лев. 18:5; Неем. 9:29; Иез. 20:11; Рим. 10:5; Гал. 3:12.

18«А кандыгларын?» – деп, демгизи айтырган.

Иисус мынча дээн: «Кижи өлүрбе, кады чурттаан эжиңге өскерилбе, оорлава, мегелеп херечилеве, 19ада-иеңни хүндүлеп чор, чаныңда кижиге бодуңга бодуң дег ынак бол»#Хост. 20:12-16; Лев. 19:18.

20Аныяк эр Аңаа: «Мен ол бүгүнү сагып келдим#19:20 Өске бурунгу сөзүглелдерде «Бичиимден-не» деп сөстерни немээн. . Меңээ ам чүү четпейн турары ол?» – дээн#Флп. 3:6.

21Иисус аңаа мынча деп харыылаан: «Болбаазыраңгай кижи болуксазыңза#Мф. 5:48, хамык эт-хөреңгиңни барып садыпкаш, акшазын ядыыларга үлеп беривит#Лк. 12:33, ынчан дээрлерге эртине-байлактыг боор сен#Мф. 6:20; 1 Пет. 1:4. А ооң соонда келгеш, Мени эдерип чорувут».

22Ол сөстерни дыңнааш, аныяк эр муңгаргай чорупкан, чүге дээрге ол аажок бай кижи турган. 23Иисус ынчан Бодунуң өөреникчилеринге мынча дээн: «Алыс шынны силерге чугаалап тур мен: бай кижиге Дээрниң Чагыргазынче кирери дыка-ла берге!#Ыд. ыр. 48:7-8 24База катап чугаалаайн: бай кижиниң Бурганның Чагыргазынче киреринден тевениң тевене үдүн өттүр өде бээри белен».

25Өөреникчилери ону дыңнааш, аажок кайгап: «Ынчаарга кым камгалалды ап шыдаарыл?» – деп айтырганнар.

26Иисус оларже топтап көргеш, мынча дээн: «Кижи ону шыдавас, ынчалза-даа Бурганның шыдавас чүвези чок#Э. д. 18:14; Иов 42:2; Иер. 32:17; Мк. 14:36».

27Пётр ынчан Аңаа: «Көрүңер даан, бис хамык бар чүвевисти каапкаш, Силерни эдерип чоруптувус#Мф. 4:20-22. Ынчаарга биске ол дээш, чүү боорул?» – дээн.

28А Иисус оларга мынча дээн: «Алыс шынны силерге чугаалап тур мен: ам кээр чаа делегейге Кижи амытан Оглу Бодунуң чайынналган дүжүлгезинге саадаптарга#Мф. 16:27; 25:31, силер – мени эдерген улус – Израильдиң он ийи аймаан шиидери-биле он ийи дүжүлгеге олургулаптар силер#Дан. 7:9; Лк. 22:30; 1 Кор. 6:2; Ажыд. 3:21. 29Мен дээш, бажыңнарын, ха-дуңмазын, ада-иезин#19:29 Өске бурунгу сөзүглелдерде бо сөстерге «кадайын» деп сөстү немээн (Лк. 18:29-30 көр). , ажы-төлүн азы черин кааптар кижи бүрүзү#Мф. 16:25 оон чүс катап хөйнү алыр база мөңге амыдыралды салгап алыр.

30Ынчалза-даа хөй ам баштайгылар бооп турарлар – сөөлгүлер апаар, а ам сөөлгүлер бооп турарлар – баштайгылар апаар»#Мф. 20:16; Лк. 13:30.

Currently Selected:

Матфей 19: TUV

Highlight

Copy