Матфей 10

Иисустуң он ийи элчинни шилип алганы

(Мк. 3:13-19; 6:7-13; Лк. 6:12-16; 9:1-6; 10:1-12)

1Иисус Бодунуң эң чоок он ийи өөреникчизин чыып алгаш, оларга буктарны үндүр сывырар база кандыг-даа аарыг-аржыктан экиртир эрге-күштү берген. 2Он ийи элчинниң аттары бо-дур: оларның баштайгызы боор Пётр деп адаткан Симон биле ооң дуңмазы Андрей, Зеведейниң оглу Иаков биле ооң дуңмазы Иоанн, 3Филипп биле Варфоломей, Фома биле үндүрүг хавырыкчызы Матфей, Алфейниң оглу Иаков биле Фаддей#10:3 Өске бурунгу сөзүглелдерде «Фаддей» эвес, а «Фаддей деп адаткан Леввей» деп бижээн. , 4Симон Кананит#10:4 Кананит – арамей дылдан укталган бо сөс Кана хоорайның адынга дүүшпес, а «Төрээн чурту дээш, чүткүлдүг демисекчи» дээн уткалыг бооп чадавас (Лк. 6:15 көр). биле сөөлүнде барып Христосту садыпкан Иуда Искариот.

5Иисус он ийи элчинин чорудуп тура, мындыг айтыышкын берген: «Өске чоннар улузунче-даа, Самарияның хоорайларынче-даа барбаңар. 6Хамыктың мурнунда израиль чоннуң азып читкен хойлар дег улузунче#Ыд. ыр. 118:176; Иса. 53:6; Иер. 50:6; Зах. 10:2; Мф. 15:24; 1 Пет. 2:25 барыңар. 7Баргаш: „Дээрниң Чагыргазы чоокшулап келген-дир!“ – деп суртаалдаңар#Мф. 3:2; 4:17. 8Аарыг улусту экиртиңер, өлүглерни катап диргизиңер, кеш аарыглыг улусту арыглаңар#Лев. 13:3; Мф. 8:2, буктарны үндүр сывыртаңар. Халаска алган силер – халаска бериңер#Аж.-ч. 20:35. 9Орукче үнерде, бодуңарга алдын, мөңгүн, чес чоостар албаңар. 10Орукче үнерде, диленир хап-сава-даа, солуттунар хеп-даа, кедер идик-даа, даянгыыш-даа албаңар, чүге дээрге ажылдаан кижи амыдыраар аъш-чеминге төлептиг боор#1 Тим. 5:18.

11Кандыг-бир хоорайга азы суурга чедип келгеш, ында төлептиг кым барын билип алгаш, чоргужеге чедир ооң бажыңынга туруңар. 12Ол бажыңче кирип келгеш, ээлерин мендилеңер#10:12 Өске бурунгу сөзүглелдерде бо домакка «„Бо бажыңга амыр-тайбың доктаазын!“ – деп чугаалаңар» деп немээн (Лк. 10:5 көр). . 13Олар силерниң мендиңерге төлептиг болза, күзээн амыр-тайбыңыңар орта артып калзын, а төлептиг эвес болза, аңаа күзээн амыр-тайбыңыңар чогуп бүтпезин. 14А кандыг-бир кижи силерни хүлээп албас база сөзүңерни дыңнавас болза, ол бажыңдан азы хоорайдан чоруп тура, будуңарда довуракты-даа кактап кааптыңар#Аж.-ч. 13:51. 15Силерге алыс шынны чугаалап тур мен: ол хоорайга көөрде, Содом биле Гоморрага безин#Э. д. 18:20; 19:24; Иер. 23:14; Иез. 16:48 шииткел хүнүнде өршээл улуг боор».

Истеп-сүрүүшкүннер дугайында сагындырыг

(Мк. 13:9-13; Лк. 12:2-12; 21:12-17)

16«Дыңнаңар, Мен силерни кокайлар аразынче хураганнарны дег чорудуп тур мен#Лк. 10:3. Ынчангаш чыланнар дег кажар#Э. д. 3:1, көге-бугалар дег кем чок болуңар. 17Улустан кичээниңер. Олар силерни шиидери-биле дээди Чөвүлелдерге хүлээдип, синагогаларга эриидей бээр. 18Мен дээш силерни чагырыкчылар болгаш хааннар мурнунга эккеп тургузуптар#Аж.-ч. 17:6; 18:12; 24:1; 25:6, ынчан оларга база өске чоннар улузунга Мээң дугайымда херечилээр силер#Ыд. ыр. 118:46. 19Олар силерни эккээрге, чүнү база канчаар чугаалаарыл деп сагыш човаваңар. Чүнү чугаалаарыңар силерге ол шакта илерей бээр. 20Чүге дээрге силер эвес, а Адаңарның Сүлдези силерни дамчыштыр чугаалай бээр#У. ч. 16:1.

21Акызы дуңмазын, ачазы ажы-төлүн өлүрери-биле бериптер. Ажы-төлү база ада-иезинге удур тура халааш, оларны өлүрери-биле бериптер#Мф. 24:10. 22Хамык улус Мен дээш силерни көрбестей бээр#Мф. 24:9; Ин. 15:18. Ынчалза-даа эчизинге чедир шыдашкан кижи камгалалды алыр#Иак. 5:11; Гал. 6:9; Ажыд. 2:10. 23Силерни бир хоорайга истеп-сүре берзе, өскезинче дезиптиңер#Аж.-ч. 8:1; 14:6. Силерге алыс шынны чугаалап тур мен: Израильдиң хамык хоорайларын эргий кезип четтикпээниңерде-ле, Кижи амытан Оглу чедип кээр.

24Өөреникчи башкызындан бедивес, а чалча дээргизинден бедивес#Лк. 6:40; Ин. 13:16. 25Өөреникчи башкызынга деңнешсе, сеткили ханар, а чалча дээргизинге деңнешсе, сеткили ханар. Бажың ээзин Веелзевул#4 Хаан. 1:2; Мф. 9:34; 12:24 деп адаар болза, ооң өг-бүлезиниң улузун оон-даа дора кылдыр адавас бе?

26Ынчангаш олардан кортпаңар. Көстү бербес хире чажыт чүү-даа чок база илерей бербес хире бүдүү чүү-даа чок#Мк. 4:21; Лк. 8:17; 12:2. 27Мээң силерге караңгыда чугаалаан чүвемни хүннүң чырыында чугаалаңар, силерниң кулааңарга сымыранган чүвемни шупту улуска дыңналдыр медеглеңер. 28Кижилерден кортпаңар: олар мага-ботту өлүрзе-даа, сеткилиңерни өлүрүп шыдавас#Ыд. ыр. 55:5; 117:6; У. ч. 29:25; Иса. 51:7, 12. Сеткилиңерни-даа, мага-бодуңарны-даа тамыже киир октааш, узуткап шыдаар Бургандан коргуңар.

29Ийи бора-хөкпешти бир чес чоос-биле садып албас ийикпе? Ындыг-даа болза, Адаңарның күзел-соруу чокта, оларның чаңгызы-даа черже кээп дүшпес. 30А силерниң бажыңар дүгүн безин санап каан болдур ийин! 31Ынчангаш кортпаңар: силер эңдерик хөй бора-хөкпештен үнелиг силер!#Мф. 6:26; 12:12

32Мени улус мурнунга ажыы-биле хүлээп көөр кижи#Рим. 10:9; Ажыд. 3:5 бүрүзүн Мен база Дээрде Адамның мурнунга хүлээп көөр мен. 33А Менден улус мурнунга ойталаар кижиден Мен база Дээрде Адамның мурнунга ойталаар мен#Мф. 25:12; 1 Ин. 2:23; 2 Тим. 2:12».

Христоска бүрүн шынчы болуңар

(Лк. 12:51-53; 14:26-27)

34«Мени бо делегейже амыр-тайбың эккээр дээш келген деп бодаваңар. Амыр-тайбың эвес, а аңгылажыг хылыжы эккээр дээш келген мен#Аж.-ч. 14:4. 35Мен оглун ачазындан, уруун авазындан, кеннин кунчуундан аңгылаар дээш келген мен. 36Кижиге өг-бүлезиниң улузундан өжээнниг дайзыннар турбас апаар#Мих. 7:6.

37Ава-ачазынга Менден артык ынак кижи Меңээ таарышпас. Оглу-кызынга Менден артык ынак кижи Меңээ таарышпас. 38Бодунуң шаажылал ыяжын чүктевес база Мени эдерип чорбас кижи Меңээ таарышпас#Мф. 16:24-25; Мк. 8:34-35; Лк. 9:23. 39Бодунуң амы-тынын камгалап алыксаан кижи амы-тынын ышкынып алыр. Ынчаарга амы-тынын Мен дээш ышкынар кижи амы-тынын тып алыр#Ин. 12:25.

40Силерни хүлээп аар кижи Мени хүлээп ап турары ол, а Мени хүлээп аар кижи Мени айбылап чоруткан Адамны хүлээп ап турары ол#Мф. 25:40; Лк. 10:16; Ин. 12:44; 13:20; Гал. 4:14. 41Бурганның медээчизин, медээчи-дир сен дээш, хүлээп аар кижи медээчи кижинии дег шаңнал алыр#3 Хаан. 17:10-15; 4 Хаан. 4:8. А чөптүг-шынныг кижини, чөптүг-шынныг-дыр сен дээш, хүлээп аар кижи ооң алыры дег шаңнал алыр. 42Бо ынай, кошкак улустуң бирээзинге, Мээң өөреникчим болганы дээш, аяк ишти-даа соок суг кудуп бээр кижи бар болза, ол бодунуң шаңналын канчап-даа чидирбес дээрзин силерге чугаалап тур мен»#Мк. 9:41; Евр. 6:10.

Currently Selected:

Матфей 10: TUV

Highlight

Copy