Romanos 14

Ma tiqabꞌen chi ngetzaq ri kꞌa maneq ok ruchuqꞌaꞌ kánima rikꞌin ri Ajaw

1Tikꞌamaꞌ apu kiwech ri hermanos ri kꞌa maneq ok ruchuqꞌaꞌ kánima rikꞌin ri Ajaw,#1Co. 8:9 pero ma chin ta ndichuquchaꞌ iwiꞌ chi tzij kikꞌin roma ma junan ta ndinojij pa ruwiꞌ jun achike. 2Porque ekꞌo kitaqin chi nojel utz chin ndikꞌuxeꞌ, pero ekꞌo chuqaꞌ ri kꞌa maneq ok ruchuqꞌaꞌ kánima, ri kitaqin chi xe ok verduras utz chi ndikikꞌux. 3Ri nojel ruwech achike ndukꞌux, ma itzel tutzꞌet ri ma ndukꞌux ta nojel ruwech achike.#Col. 2:16 Keriꞌ chuqaꞌ ri ma nojel ta ruwech achike ndukꞌux, ma tiwalal chirij ri jun ri nojel ruwech achike ndukꞌux, porque ri Dios rukꞌamon apu chuqaꞌ ruwech rijaꞌ. 4Jakꞌa rat, ¿achike kꞌa rat chin ndabꞌij si utz o ma utz ta ndajin rikꞌin rusamajel jun chik?#Stg. 4:12 Xaxe ri rajaw kꞌo ruqꞌaꞌ chi ndubꞌij si utz o ma utz ta ndajin rikꞌin. Y jun rusamajel ri Ajaw kin xtitzꞌetetej chi utz ndajin rikꞌin, porque ri Ajaw rikꞌin ri ruchuqꞌaꞌ nditiker ndubꞌen chi ri samajel utz ndubꞌen chuwech.

5Ekꞌo chuqaꞌ kitaqin chi ekꞌo qꞌij más enimalej chikiwech chꞌaqa chik, pero ekꞌo chuqaꞌ ndikinojij chi nojel teq qꞌij ejunan, pero chiꞌijununal titaqij ri ndunaꞌ iwánima chi más utz nditaqij pa ruwiꞌ reꞌ. 6Ri ndikibꞌilaꞌ chi ekꞌo qꞌij más enimalej chikiwech chꞌaqa chik qꞌij, chin ndikiyaꞌ ruqꞌij ri Ajaw ndikichajij ri qꞌij riꞌ. Ri ndikinaꞌ chi utz ndikꞌuxeꞌ nojel, chin ndikiyaꞌ ruqꞌij ri Ajaw ndikikꞌux nojel y ndikimatioxij#1Ti. 4:3, 4 chare ri Dios. Keriꞌ chuqaꞌ ri ma nojel ta ruwech achike ndikikꞌux, keriꞌ ndikibꞌen chin ndikiyaꞌ ruqꞌij ri Ajaw y jajun rejeꞌ ndikimatioxij chare ri Dios ri achike ndikikꞌux.

7Porque ri roj kꞌes, ma roj rajaw ta ri qakꞌaslen,#2Co. 5:15; Gá. 2:20 y ri ngojken e, ma roj rajaw ta ri qakamik. 8Roma kꞌa riꞌ, si kꞌa roj kꞌes, chin ndiqayaꞌ ruqꞌij ri Ajaw, y si ngojken e, chin ndiqayaꞌ chuqaꞌ ruqꞌij ri Ajaw. Si kꞌa roj kꞌes o ngojken e, kin roj richin ri Ajaw.#Fil. 1:20 9Porque ri achike roma xken ri Cristo y xkꞌojeꞌ chi pe rukꞌaslen, jareꞌ: Chin xok Ajaw#Hch. 10:36 pa kiwiꞌ ri animaꞌiꞌ y pa qawiꞌ roj ri kꞌa kꞌo qakꞌaslen.

10Jakꞌa rat ri kꞌa maneq ok ruchuqꞌaꞌ awánima rikꞌin ri Ajaw, ¿achike roma ngawalal chirij ri a-hermano? Y keriꞌ chuqaꞌ rat ri kꞌo ruchuqꞌaꞌ awánima rikꞌin ri Ajaw, ¿achike roma itzel ndatzꞌet ruwech ri a-hermano? Porque nderilaꞌ qꞌij atoq roj qonojel ngojbꞌeqaqa chuwech ri Dios chin ndiqꞌat tzij pa qawiꞌ.#2Co. 5:10 11Achel tzꞌibꞌan kan chupan ri rutzij ri Dios:

Kin qetzij chi riyin kꞌo nukꞌaslen, ndichajeꞌ ri Ajaw,

Y keriꞌ chuqaꞌ qetzij chi konojel ngetuxukeꞌ chinuwech,

Y konojel ndukibꞌilaꞌ chi ja riyin ri Dios.#Is. 45:23; Fil. 2:11

Keriꞌ tzꞌibꞌan kan.

12Romariꞌ, nderilaꞌ qꞌij atoq chiqajununal ndeqabꞌij#Mt. 12:36; 1P. 4:5 chuwech ri Dios ri xqabꞌen pa qakꞌaslen.

13Y romariꞌ, roj qonojel chiqajununal ma qojwalal chik chirij jun. Ri más utz chi ndiqabꞌen roj ri kꞌo ruchuqꞌaꞌ qánima rikꞌin ri Ajaw jareꞌ: Kin tiqayaꞌ pa qánima chi ma ndiqabꞌen jun achike ri ndubꞌen chare jun hermano chi ndiril jun roma xtuyaꞌ kan ri Dios#1Co. 8:9 o xtisach ri bꞌey chuwech. 14Riyin roma xe jun nubꞌanun rikꞌin ri Ajaw Jesús, kin wetaman y nunaꞌon pa wánima chi nojel ri erubꞌanun ri Dios chin ngekꞌuxeꞌ, kin echꞌajchꞌaj wi, pero si kꞌo jun ndunaꞌ pa ránima chi ekꞌo ri ebꞌanun roma ri Dios ma echꞌajchꞌaj ta chin ngekꞌuxeꞌ, chare rijaꞌ kin keriꞌ wi kꞌa riꞌ.#1Co. 8:7 15Pero si roma ri achike ndakꞌux, ndapoyisaj ránima jun hermano porque pa ruwech rijaꞌ xajan ri ngatajin rikꞌin, ndiqꞌalajin chi ri akꞌaslen ma ukꞌuan chi ta roma ri ajowabꞌel. Ma tabꞌen chi roma ri achike ndakꞌux, xtitzaq#1Co. 8:11 jun hermano ri achoq roma xken ri Cristo. 16Romariꞌ titijaꞌ iqꞌij chi ma roma ri achike ndibꞌen xkewalal ri wineq chiwij,#Tit. 2:5 maske pa iwech rix kin utz ri ngixtajin rikꞌin. 17Porque rukꞌuꞌx ri utz chi ndiqabꞌen roj ri rojkꞌo pa ru-reino ri Dios, ma ja ta ri achike ndiqakꞌux o ndiqatij, xa kin ja ri ndiqakꞌuaj jun chojmilej kꞌaslen, ri ndikꞌojeꞌ uxlanen chiqakajal kikꞌin konojel, y ri ngojkikot roma kꞌo ri Espíritu Santo pa qánima. 18Porque ri keriꞌ rukꞌaslen rukꞌuan, ndubꞌen rusamaj ri Cristo, kin ndiqaꞌ wi chuwech ri Dios, y utz rutzijol ndibꞌan chikikajal ri wineq.#2Co. 8:21

19Y roma kꞌa riꞌ, tiqatijaꞌ qaqꞌij chi ndiqabꞌen ri ndukꞌen pe uxlanen#Sal. 34:14; Ro. 12:18 chiqakajal, y tiqakanoj achike ndiqabꞌen chin ndiqatoꞌ qiꞌ chiqawech chin ngojkꞌiy pa qakꞌaslen#Ef. 4:12, 29 chiraqen ri Ajaw. 20Ma tayuj ri samaj rubꞌanun ri Dios pa ránima jun hermano roma ri achike ndakꞌux. Qetzij wi chi nojel ri erubꞌanun ri Dios chin ndikꞌuxeꞌ, utz chin ndikꞌuxeꞌ, pero ri ma utz ta, ja ri ndakꞌux jun achike ri ndubꞌen chare jun hermano chi nduyaꞌ kan ri Dios. 21Romariꞌ nibꞌij chiwa: Más utz ma tiqakꞌux tiꞌij, nixta tiqatij vino, nixta tiqabꞌen jun achike ri ndubꞌen chare jun hermano chi nduyaꞌ kan ri Dios. 22Si ataqin pa awánima chi utz abꞌanun chuwech ri Dios rikꞌin ri ndakꞌux o ndatij, xe pa awánima rat tikꞌojeꞌ chi keriꞌ. ¡Kin jabꞌel roruqꞌij ri ndunaꞌ chi nojel ri ndubꞌen, kin utz chuwech ri Dios!#1Jn. 3:21 23Jakꞌa ri kakaꞌ rukꞌuꞌx pa ruwiꞌ ri achike ndukꞌux, mak ndajin rikꞌin, porque ma rikꞌin ta nojel ránima ndukꞌux. Y nojel ri ndabꞌen rikꞌin kakaꞌ akꞌuꞌx, kin mak chuwech ri Dios.

Currently Selected:

Romanos 14: cakX

Highlight

Copy