Matiye 1
1
Ka shihɛnyɛa Yɛsə
(LWK 3.23-38)
1Wa nyi sləa ka shihɛnyɛa Yɛsə Kriste, wəzege ta David, wəzege ta Abraham nyi:
2Abraham nde yake Izak, Izak nde yake Zhakob, Zhakob nde yake yɛ Zhəwda le kweci ka kesaka yitenyɛ. 3Zhəwda nde yake Pɛrɛs ba'a Zɛra sawa hwa Tamar. Pɛrɛs nde yake Hɛsron, Hɛsron nde yake Ram. 4Aram nde yake Aminadab, Aminadab nde yake Nashon, Nashon nde yake Salman. 5Salman nde yake Bowoz sawa hwa Rahab, Bowoz nde yake Obɛd sawa hwa Rət, Obɛd nde yake Zhɛsɛ, 6Zhɛsɛ nde yake David nya kameghe.
David nde yake Salomon sawa hwa male ta Əwri. 7Salomon nde yake Robowam, Robowam nde yake Abiya, Abiya nde yake Asaf, 8Asaf nde yake Zhozafat, Zhozafat nde yake Zhoram, Zhoram nde yake Ozias, 9Ozias nde yake Yotam, Yotam nde yake Ahaz, Ahaz nde yake Ɛzɛkiyas, 10Ɛzɛkiyas nde yake Manasɛ, Manasɛ nde yake Amon, Amon nde yake Zhozias, 11Zhozias nde yake Yekoniya ba'a kweci ka kesaka yitenyɛ vəa ŋkwa nya fəhwe ka Israyɛl ka Babilone.
12Ma kwa sebe ta nya fəhwe geva ka Israyɛl kadzeme Babilone ne, pa Yekoniya yake Shɛyaltiyɛl, Shɛyaltiyɛl nde yake Zorobabɛl, 13Zorobabɛl nde yake Abihəwd, Abihəwd nde yake Ɛliyakim, Ɛliyakim nde yake Azor, 14Azor nde yake Sadok, Sadok nde yake Akim, Akim nde yake Ɛliyəwd, 15Ɛliyəwd nde yake Ɛlɛyazar, Ɛlɛyazar nde yake Matan, Matan nde yake Zhakob, 16Zhakob nde yake Zhozɛf, za makwa ta Mari nya kameghekɛa Yɛsə nya nza sləa ŋkɛ ka Kriste.
17Ma pɛtɛa mbelia shɛhɛ, se te Abraham hwa'a te David ne, ka shihɛ meŋe wəfaɗeghəmbe, zhɛne ne, ka shihɛ meŋe wəfaɗeghəmbe, hwa'a te və nya fəhwe ka Israyɛl ka Babilone, zhɛne ne, ka shihɛ meŋe wəfaɗeghəmbe hwa'a te ya ta Kriste.
Ya ta Yɛsə
(LWK 2.1-7)
18Fa mə ghena ta ya ta Yɛsə Kriste. Ma Mari meghekɛa Yɛsə ne, makwa ta Zhozɛf ŋkɛ kwa ghwa, ma tewə mbeli keŋzlete ŋkɛ ne, pa nde dzawa hwə nda laka Sefəa Shala. 19Wəndə nya nza mehele ve Zhozɛf za makwa shɛ, kese ŋkɛ kave nda fete ke Mari kwa kema ta mbeli we. Le ntsehwele ɗe ŋkɛ kasərəakɛ ŋkɛ. 20Ma mba ŋkɛ kazəzə ghena shɛ ne, pɛkwe nde ghwene ta Shala se shɛ te shiwə. Ma ke: «Zhozɛf hwelefe ta David, ghazlənəma na va ŋzle Mari, makwa ta ŋa ma, laka berete ta Sefəa Shala dzawa hwə nde yitea wəzegea shɛ. 21Kateya wəzege nde, Yɛsə teheka nda slə na kwa nza ŋkɛ gheŋkɛ nde tembele mbelia ŋkɛ va jaɗafa ta nci.»
22Pɛtɛ menete geva wəshi nyi kala nyi kezha yipə ghena nya gezete Shala laka nde mɛ ŋkwa ta ŋkɛ:
23Katedzawa hwə degheli, kateya wəzege nde nya teheka mbeli kaƐmanəwɛl, geze ta ŋkɛ, Shala le gheɓəmə.
24Ma kwa feɗeghe Zhozɛf ne, pa ŋkɛ menete kala nya gezete nda nde ghwene ta Shala, pa ŋzlete Mari makwa ta ŋkɛ. 25Ama kegha ŋkɛ kaɓelahe le Mari nda yake geva wəzege nya hekate Zhozɛf kaYɛsə we.
Currently Selected:
Matiye 1: BEK12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
