Mateo 20:26-28

Qami', qalaxayi sa ishit da nachi 'eetec de'eda da qadataxaqui. Chaqdata da ca nshitaique da 'amaqtaqaic da qoñiita, qalaq camayi huapegue' na laÿipi, qataq camachicague't 'oonolec da qoñiita da nshitaique da l'auaxanec, qalaq camayi nachica ca l-latac na laÿipi. Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.