Marcos 11
11
Jerusalém mae ewapa anu Jesus hikinikiaki, na hãtxarã
(Mt 21.1-11; Lc 19.28-40; Jo 12.12-19)
1hanua Jesus Jerusalém anu kai Betfagé inũ Betânia ha mae dabe anu kemai Oliveiras Mati tetãbaĩkĩ hawẽ tsumabu dabe yunukĩ:
2—Ha mae besuuri kayãbis bushũ burro neshea tsua haki katsaumeriama betxitã tepetã beyutãkãwẽ. 3Haska inũ, tsuãra matu yukakĩ: “Hawakatsi mã tepeai?” matu wa yuikĩ: “Nukũ Shanẽ Ibũ biyukatsis ikikiki. Samama habianuri nuku bemashanikiki”, atãkãwẽ— hatu wa
4ha dabe bushũ hiwe beputi dapi burro neshea bai namaki nia betxitã tepeaibũ
5habianuri manishũ yukakĩ:
—Haskakĩ burro mã tepeai?— hatu waya
6hanushũ Jesusũ haska hatu yuishukiri yuiabu:
—Peki. Bushũyutãkãwẽ— hatu wa 7tepetã hanushũ hatũ bemakia tari burro kamaki kabekãbaĩ Jesus anu bushuãbu Jesus haki inatã katsaumekainaya 8itxapabũ hatũ bemakia tari bai namaki nabekãbainaibũ hanua ana betsabũri shẽpã meshteshũ habiaskari wakĩ nabekãshũriabainaibũ
9bebubainaibu inũ txipu beaibũ hui kuxipawẽ hawẽtxaĩs yuibaĩkĩ:
—Aitxu! Aitxu! Ha Deusũ kuxipaya huairã, benimawakĩ duawanãkãwẽ. 10Nukũ shenipabu Davi ipauni keska shanẽ ibuhairai huikiki. Deus kẽwãshunãkãwẽ— akubaini bui
11hanu Jerusalém anu hikishũ hanushũ Deus kẽwãmisbu Templo hemaĩtĩ anuri Jesus hikiriashũ hanua hawẽ hamapai dasibi uĩbaũkĩ keyutã hanua ma bari kaya kaĩkaini hawẽ 12 tsumabube Betânia anu bua
Hi bimiuma Jesusũ yupubaĩ Templo hemaĩtĩ Jesusũ pewakĩ shũpĩ wanikiaki, na hãtxarã
(Mt 21.12-22; Lc 19.45-48)
12ushaxini shaba betsatiã mexukiri Betânia anua bunikaĩkĩ 13hi betsa figueira benãta tupã nia Jesusũ betxitã haska bimiyamẽkaĩ uĩtanũ ika kashũ hawa bimi hayama hawẽ peihaira besti uĩkĩ hanu bimimistiã iriamakẽ 14hanushũ Jesusũ hi bimiuma yupukĩ:
—Hau tsuã taska mĩ bimi ana piyamashanũbũwẽ— akai hawẽ tsumabũ nĩkabaini buaibũ
15hanua Jerusalém anu Jesus ana hikituxitã hanu Templo hemaĩtĩ kenekawananu hikikaĩ hanushũ hawẽ Deus daewati inabu txashuwã inũ, ina awa inũ, deiwã inãnãnaĩbu inũ biaibu hatu nitxĩkĩ taewakĩ pei biananãmisbũ tapu narabekĩ deiwã haki aduti hiwe naraberiakĩ keyutã 16hanu hawẽ hemaĩtĩ kapukekĩ hau hawara iabaũyamanũbũ hatu nemashũ 17ana shanẽ ibubu hatu txitekĩ yuikĩ:
—Hawẽ Templokiri hawẽ hãtxa yuishunika Isaías Deusũ kenemani matu yuinũ nĩkakãwẽ: “Ẽ hiwerã, hanua yura betsa betsapabu ebe hãtxakĩ ea kẽwãshãkanikiki”, ibianikẽ na hemaĩtĩ shabaturu anua matubu parananãkĩ yumetsubũ hiwe mã wamisbuki— ikaya
18hawẽ hãtxa nĩkai Deusbe nukunabu hãtxashunika shanẽ ibubu inũ Deusũ hãtxa kenenibu yusĩnanãmisbũ xinãkĩ habiari yurã kaiãnẽ hawẽ hãtxa ikũwaĩbuwẽ taea haki sinatai Jesusũ yusĩkĩ hatu binutiru xinaĩ haki datei haskatã tenãtimẽ ika yubakai taeaibũ 19ma mexuaya Jesus hawẽ tsumabube Jerusalém anua kaĩbainaibũ
20hanua mexukiri ana bai tanabaĩkĩ ha hi bimiuma anu ana daĩbaĩkĩ hawẽ tatxa inũ hawẽ ibu ma shanaxĩkẽ 21Jesusũ haska yuiai nĩkaxĩshũ Pedrõ xinãkĩ Jesus yuikĩ:
—Uĩa. Yusĩnaã, ha hi bimiuma mĩ yupuxinarã, ma shanaxinabĩ— akaya
22Jesusũ hatu kemakĩ:
—“Deusũ hamapai atiruki”, ikũwãkãwẽ— itã 23—Ikũkĩ ẽ matu yuiaii. Na mati tsuãra yuikĩ: “Matipaã, mimebi tsekekaĩ iãnẽwã merã pukutãwẽ”, akĩ mã xinã dabewẽ xinãwẽ akama mã ikũwãkĩ hari yuiaiwẽ taea Deus matuwẽ dabanã ikĩ matu ashũshanikiki. 24Haskati ẽ matu yuiaii. Deusbe hãtxakĩ: “Ẽ haska bikatsis ikaii”, ikĩ yuikubaĩkãwẽ. Mã xinã dabeyamakẽ haska Deusũ matu yunuaya mã bishanaii. 25Haska inũ, Deus dayui habe hãtxakĩ tsuãra hawara matu txakabuwaxina haki sinatabiatã hawaira habe daekubaĩkãwẽ, ana has xinãmarã. Mã haskaibu matũ txakaburi Deusũ matu buashũtã ana xinãma iriashanikiki. 26Hamẽ yura betsabũ matu itxakawabu mã hatube daenameamakẽ Deus nai anuatũ matũ txakaburi matu buashunamari ishanikiki— hatu abirani
Haska kuxipakĩ hatu binuaikiri Jesus yukanibukiaki, na hãtxarã
(Mt 21.23-27; Lc 20.1-8)
27hanua Jesus inũ hawẽ tsumabu Jerusalém anu ana txĩtũkirã hikitã hanu Templo hemaĩtĩ anu Jesus hikishũ uĩatani nikẽ Deusbe nukunabu hãtxashunika shanẽ ibubu inũ, Deusũ hãtxa kenenibu yusĩnanãmisbu inũ, mae shanẽ ibu betsabu ha dapi bushũ 28yukakĩ:
—Na mĩ eska wairã, tsuã hawẽ kuxipa mia yunuimawẽ mĩ aki ikai? Tsuã hawẽ kuxipa mia inaĩmamẽ, mĩ haska wanunã?— akabu
29Jesusũ hatu kemakĩ:
—Ẽtseri ẽ matu yukai matũ dukũ ea yui taewakãwẽ, mã ea yuiaya hariri mã ea yukai ẽ matu yuiriai nĩkakãshunã. 30Naximanika João hau hatu naximanũ yunukinã, tsuã kaya yunuyama mã xinaĩ, Deusũraka, hunibũraka? Ea dukũ yuikãwẽ— hatu wa
31hanua haburi hune yuinamekĩ:
—“Deusũ yunuyamaki”, nũ warã, “Haskakĩ Joãonẽ hãtxa mã ikũwãma ikimamẽ?” iwanã, nuku kũyã atiruki. 32Hamẽ yura mirimabũ Deusũ João yunuyamakiri habũ ikũwaĩbuwẽ taea habuki datekĩ yuikĩ: “Hunibũ yunuyamaki”, nũ wapanã nũ haska yuitirubumaki— itã 33habũ Jesus yuikĩ:
—Nũ unãmaki— akabu
Jesusũ hatu yuiriakĩ:
—Haskakenã, tsuãra hawẽ kuxipawẽ ea yunuimarã, eãri ẽ matu yuiamaki— hatu watã
Currently Selected:
Marcos 11: cbsBR
Highlight
Share
Copy
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.
