व्यवस्था पुस्तक परिचय
पुस्तक परिचय
व्यवस्थाको पुस्तकको अंग्रेजी नामको अर्थ अक्षरश: “दोस्रो व्यवस्था” अर्थात् “व्यवस्थाको दोहोर्याई” भन्ने बुझिन्छ। जुन व्यवस्था सीनै पर्वतमा मोशाले करिव ३८ वर्ष पूर्व दिएको थियो त्यसैलाई फेरि दोहोर्याउँदछ। मोशाले दोहोर्याउने क्रममा व्यवस्थालाई सन्देशको रूपमा प्रस्तुत गर्दछन्। कारण यस समयसम्म ४० वर्ष माथिका पुस्ताहरू परमेश्वरप्रति तिनीहरूको अविश्वासको कारण मरुभूमिको यात्रामा नै मरिसकेका थिए र दोस्रो पुस्ताले राम्रोसँग परमेश्वरको व्यवस्था बुझ्न सकेको थिएन।
मोशाले व्यवस्थालाई सन्देशको रूपमा प्रचार गरी इस्राएलीहरूको हृदयलाई परमेश्वरको वचनबाट प्रभाव पार्न र उत्साह दिन चाहन्थे। मोशाको उद्देश्यचाहिँ सीनै पर्वतमा गरिएको करारलाई इस्राएलीहरूले फेरि नविकरण गरोस् भन्ने थियो अर्थात् परमेश्वरमा ताजा समर्पण। समर्पणविना तिनीहरूले न त लडाइँ नै जित्न सक्थे न त कनानलाई कब्जा गरी परमेश्वरको प्रशस्त आशिष् उपभोग गर्न सक्थे।
यस पुस्तकको मुख्य पद व्यवस्था ३१:१२ हो। यस पुस्तकलाई तीन खण्डमा विभाजित गर्न सकिन्छ:
१) १-४ अध्याय: वितेका समयमा परमेश्वरको विश्वासयोग्यता
२) ५-२६ अध्याय: वर्तमानमा परमेश्वरको आज्ञा
३) २७-३४ अध्याय: परमेश्वरको भविष्यवाणीका प्रतिज्ञाहरू
Currently Selected:
व्यवस्था पुस्तक परिचय: NNRV
Highlight
Share
Copy
Want to have your highlights saved across all your devices? Sign up or sign in
Nepali New Revised Version © Nepal Bible Society 1997, 2006, 2009, 2012