Sam 6
6
Devida kau aaknga matakut.
1Buyambam tapa, gata nae kaanga natangamunggayak ngana na kaanga ma naniwim.
Ga nae musiptok nataayak ngana gata na ma tasiwi maiwam.
2Buyambam tapa, na kekekngana wena singgak. Unzingge gata nae butaya natapso.
Natane gupma tuyuknga siknga singgak. Ge gata na tasiwi take gatu yuwit.
3Natane musipmaatangu meya buyambam siknga.
Siwan ngana Buyambam tapa, ga dasing? Tapduu datdasing nandutewi musipmaatang meya buyak yuwit?
4Buyambam tapa, gata gatuka na tapi na dua kupit.
Gata nae musip kwikwiu asinggan asinggan natangamuke gatangami nata take yuwit.
5Aminu gwa kumbingga gae musiaatangu natdetnanga dua.
Akungwake paku keu yuaing komunetanu gae umanda kopsa akngae dua yatangenakaing.
6Nata gae yake yake yuwawa natane kekekngana wena singgak.
Siwan zikaambamu asinggan kumzang kwanamu siwawa apekgat komu kai yangganata tasiwan bukatanggak.
Ngan, natane buka gwena yanggakan singgak.
7Natane iwana kwaapzang siknga. Unzingge na musipmaatang meya siknga natake kwanamu sike sike yuat.
Kwanama siwa kainata zukngawan nata sanga tapatu katak kananga dua singgak.
8Nata Buyambam tapae sitawamba gwa natangamuk.
Ge ginu sanga waiaknga tasikaing aminu, napmake kukanong.
9Nata Buyambam tapae yatawamba ita na gatangamikge gwa natangamuk.
Ngan, ita tumuk wama gwa natak.
10Natane iwanata meya buyak yuke nangaakan natapning ngangu nata atnataat.
Nangaakan natake maaknga siknga natapning. Maaknga natake zeetgaman na napmake kuke datdaptake sukuning.
Currently Selected:
Sam 6: wncB
Highlight
Share
Copy
Want to have your highlights saved across all your devices? Sign up or sign in
© 2001, Wycliffe Bible Translators, Inc. All rights reserved.
