Zaburey 39
39
Adamize si duumi
1Donkey boŋkoynoo nda Yedutun#39.1 Taarikey 1na 25.1, 3, 6; Zaburey 62.1; 77.1. ka woo don. Woo ti Dawda zabur foo.
2Ay nee kaŋ ay ga lakkal daŋ ay dira takaa se
hala ya si koy zunubu tee nda ay deenoo,
kullihinne boro futu goo ay jine,
ay ga gafaga daŋ ay miɲoo ga.
3Ay tee suk, ay si šelaŋ,
ay dangay, ay mooru gomni,
amma ay dooraa tonton.
4Ay binoo ga zarga ay gundoo ra,
ay ŋuunuŋuunuyanoo ga tee ya ne nuune,
woo ga, ay šintin ka šelaŋ.
5Abadantaa, ay kokoroo bayrandi ya ne,
hinna foo ti agay aloomuroo,
hala ya bay kaŋ ay si duumi.
6Nʼna ay jiirey kuuyanoo tee kabe hayyan diidaa,
agay aloomuroo manʼti baffoo ni do.
Cimi no, adamize kul, ba kaŋ a ga huna, a manʼti kala harandaŋ. Kay-kayna
7Cimi no, adamize ga yaara sanda bii,
a ga zuru-zuru, amma harandaŋ no.
A ga marga, amma a si bay boro kaŋ no ma duu a.
8Sohõ, ay Koyoo, macin ti ay tammahãa?
Ay naataa sii kala ni ra.
9Ay hallasi ay hooyaney kul ra!
Masi naŋ saama mʼay wow!
10Ay tee suk, ay sʼay miɲoo feeri,
zama ni no ma taka tee.
11Ay moorandi ni doroo!
Ay ga dere ni kaboo kararoo cire.
12Nʼga adamize zukandi nga layboo maaganda,
sanda dusu, nʼga nga haya henney hasara.
Adamize kul manʼti kala harandaŋ. Kay-kayna
13Haŋajer ay ŋaarayroo se, Abadantaa,
maa ay faaba ceeci kaatiroo se,
masi dangay ay hẽeney se!
Zama ay manʼti kala taabuši ni do,
ay manʼti kala bisakaw sanda ay baabey kul.
14Ni moɲey kaa ay ga hala ya duu ka binekaanay,
hala ay ga koy, ya si yee koyne ka bara.
Currently Selected:
Zaburey 39: ses
Highlight
Share
Copy
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
