Yaasawey 31
31
Kokoy ɲaa hoyrawey
1Woo manʼti kala šenney kaŋ Masa kokoyoo Lemuyel ɲaa nʼi har a se#31.1 Woo manʼti kala šenney kaŋ Masa kokoyoo Lemuyel ɲaa nʼi har a se, Ebere šenni ra, almaganaa faa ti Woo manʼti kala kokoyoo Lemuyel šenney, hoyray no kaŋ ɲaŋoo nʼi har a se., a nee Lemuyel se:
2«Macin no ay gʼa har ma ne, ay izʼaroo?
Macin no ay gʼa har ma ne, ay gundoo izʼaroo?
Macin no ay gʼa har ma ne, ay meefurey izʼaroo?
3Masi ni albarkaa noo woyey se,
masi ni sahã noo boroyaŋ se kaŋ ga kokoy derandi.
4Lemuyel, a si boori kokoy se,
a si boori kokoy se a ma alaneb hari mooro haŋ,
boŋkoyni mo masi harifutu boonay.
5Boŋkoyni masʼa haŋ
hala a masi koy dirɲa woo kaŋ hantumandi ašariyaa ra,
ka talkey zanba ka ngi cimoo taa i kone.
6Wa boro kaŋ ga baa ka buu noo harifutu,
ka boro kaŋ binoo ga hẽe noo alaneb hari moora.
7A mʼa haŋ ka dirɲa nga talkataraa,
a masi yee koyne ka hongu nga zaraboo.
8Ni miɲoo feeri ka benbaw faasa,
borey kaŋ goo fara ra šelaŋ ngi misoo ra.
9Ni miɲoo feeri ka ciiti nda šerretaray,
ma talkaa nda yalaafantaa faasa.»
Woy alkadarante silbawey
10May no ma duu woy alkadarante?
Nga hayoo ga hanse ka šendi ka bisa hiiri caadanteyaŋ.
11Kurɲoo binoo ga kani a ga,
haya sʼa kuma.
12A ga haya henna tee nga kurɲoo se,
a si ifutu tee a se nga aloomuroo kul ra.
13A ga haabu nda leŋ šukka ceeci,
a ga nga kabey ka goy nda ɲaaliyan.
14A ga hima nda maamalakey harihii beeriyaŋ,
a ga ŋaayaney ka hun nongu mooro ra.
15A ga tun za moo mana boo,
a ga ŋaayan soolu nga hugoo borey se,
a ga nga koŋŋey goyey har i se.
16A ga miile faari ga, a gʼa day,
a ga alaneb faari tee nda nga goyoo duuraa.
17A ga nga gamoo haw nda sahã,
a ga albarka daŋ nga kabey ra.
18A ga maate kaŋ woo kaŋ nga ga duu a ga boori,
nga fitillaa si buu cijinoo ra.
19Kabey ga wan haabu biiyan,
kabey ga bankaaray kay.
20A ga nga kabey feeri talkaa se,
a ga nga kaboo šerre yalaafantaa se.
21Hargu waati a si hunbur yayni ma duu nga hugoo borey,
zama nga hugoo borey kul goo nda hargu bankaaray.
22A ga gumtaafeyaŋ tee,
a goo nda šukka baana bankaarayyaŋ nda iciray hennayaŋ.
23Nga kurɲoo ga bayrandi jamaa margadogoo ra
waati kaŋ nga nda gandaa boro beerey ga goro.
24A ga bankaarayyaŋ tee kʼi neere,
a ga maamalakey noo gamahawyaŋ.
25A ga bankaaray nda albarka nda beeray,
lakkaloo si tun waatey kaŋ ga kaa se.
26A ga nga miɲoo feeri nda lakkal,
deenoo ga borohennataray cawandi.
27A ga nga hugoo goyey hawgay,
a si fuyyantetaray ŋaayan ŋaa.
28Izʼarey ga tun, i ga nee a se: «Albarka.»
Kurɲoo ga tun, a gʼa šifa ka nee:
29«Ize woy boobo na ngi alkadaroo cebe,
amma ni, ni bisa i kul.»
30Gaakuri ga darga, booriyan sii nda alfayda,
woy kaŋ ga hunbur Abadantaa, nga ti boraa kaŋ ga saabandi.
31Wʼa noo nga goyoo banaa,
nga teegoyey mʼa saabu koyra miɲoo jamaa margaroo ra!
Currently Selected:
Yaasawey 31: ses
Highlight
Share
Copy
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
