Yaasawey 29
29
1Boro kaŋ ga nga hiɲoo šendandi ka wanji ka maa hoyray,
a ga jirsi ka say, safari sii a ra.
2Nda boro šerrantey boobo, jamaa ga ɲaali,
nda boro laala goo borey jine, jamaa ga hottu.
3Boro kaŋ ga baa lakkalkoynitaray ga nga baaba ɲaalandi,
boro kaŋ ga koy woykuurey do ga nga almanoo say.
4Kokoy, šerretaray nda a ga nga gandaa tabatandi,
amma woo kaŋ ga alkaasi futu daŋ i ga, mmʼa kayri.
5Boro kaŋ ga deene kaanay nga cinaa se
mma kumsay hirri a se#29.5 kumsay hirri a se, Ebere šenni ra, almaganaa faa ti kumsay hirri nga boŋ se..
6Kumsay goo boro laala hooyanoo ra,
šerrantaa ga kaati nda ɲaali.
7Boro šerrante ga talkey misoo bay,
boro laala si faham a se.
8Ɲooɲokey mma nuune daŋ koyraa ra ka borey daŋ cere ra,
lakkalkoyney ga binetunaa yaynandi.
9Nda lakkalkoyni kakaw saama bande,
saamaa futu wala a haaru, hunanzamay sii no.
10Boro wiikey ga konna boro laadirante,
boro šerrantey ga laadirante hundoo hawgay.
11Lakkal jaŋante ga nga futuroo kul kaataray,
lakkalkoyni ga nga futuroo dii, a ga nga binoo yaynandi.
12Nda boŋkoyni ga haŋajer taari šenniyaŋ se,
nga goykey kul manʼti kala boro laalayaŋ.
13Talka nda tooɲekaw ga cere kubay,
Abadantaa albarkaa ra ihinkaa kul moɲey ga dii.
14Kokoy kaŋ ga talkey ciiti nda cimi,
nga kokoytaraa ga tabati hala abada.
15Gobu nda ka boro daŋ fondaa ra ga lakkal noo,
zanka kaŋ taŋandi ga nga ɲaa hawandi.
16Nda boro laaley boobo, ašariyaa hooyaney ga boobo,
amma boro šerrante ga dii ngi kaŋyanoo.
17Ni izoo aladabu, a ga ni noo hunanzamay,
a ga ni hundoo ɲaalandi.
18Nda bangayyan sii no, jamaa ga taŋandi,
boraa duu gomni kaŋ ga ašariyaa dii.
19Manʼti šenni nda boro ga baɲɲa aladabu,
ba nda a ga faham, a sʼa tee.
20Nda nʼga dii boro kaŋ ga cahã ka miɲoo feeri ka šelaŋ,
tammahã goo lakkal jaŋante se ka bisa a.
21Tam kaŋ boro nʼa hasara za zankataray,
kokoray ga, a ga tee šenday.
22Boro hotta ga yenje tunandi,
boro bine futu ašariyaa hooyaney ga boobo.
23Boro foomayanoo no mʼa yeeti ganda.
Bine kaŋ ga yee ganda ga duu darža.
24Boro kaŋ ga tee affoo zay bande#29.24 Boro kaŋ ga tee affoo zay bande, Ebere šenni ra, almaganaa faa ti Boro kaŋ nga nda zay ga alganiimaa zamna., a ga konna nga hundoo,
a ga maate dangayan#29.24 Sargarey 5.1., amma a si zayoo har.
25Ka jijiri adamize jine manʼti kala kumsay,
boro kaŋ na nga naanaa daŋ Abadantaa ra ga hallasi.
26Boro boobo ga ceeci ngi ma kan boŋkoyni se,
amma Abadantaa no ma boro noo cimi.
27Boro kaŋ si šerre manʼti kala almuhal boro šerrantey se,
boro kaŋ ga dira fondo kaŋ ga šerre ra manʼti kala almuhal boro futu se.
Currently Selected:
Yaasawey 29: ses
Highlight
Share
Copy
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
