Waazukaa 11
11
1Ni ŋaahayaa warra haroo bande,
gayyan banda ga, nʼga duu a.
2Boro iyye noo baa, hala yaaha hunday,
zama nʼsi bay bone kaŋ ga kaa ka tee laboo ga.
3Nda duulawey ga too met nda ncirɲi,
i gʼa doori laboo ga,
nda tuuri kaŋ gurma here wala hawsa here,
nongoo kaŋ ra tuuroo kaŋ, nga ra a ga cindi.
4Boro kaŋ ga hewoo guna si saya,
boro kaŋ ga duulawey guna si hegay.
5Takaa kaŋ nda nʼsi hewoo fondaa bay,
nʼsi takaa bay kaŋ nda biri ga tee woy alhaamidu gundoo ra, takaa din da,
nʼsi Irkoy kaŋ ga haya kul tee goyoo bay.
6Ni dumiyoo say za subbaahi,
masi naŋ ni kaboo ma hunanzam aluulaa ra,
zama nʼsi bay wala subbaahi wala aluula no ma boori,
wala ihinkaa kul no ma boori.
7Gaay ga kan,
a ga boori moo se a ma dii waynaa.
8Boro kaŋ duu aloomur boobo,
a ma ɲaali nda i kul,
amma a ma hongu kaŋ
kubaa zaarey ga boobo.
Haya kul kaŋ ga kaa ka tee sii nda addalil.
9Aru soogaa, daame ni soogataraa ra,
ni binoo ma ni daŋ gomni ra ni zankataraa zaarey ra,
hanga ni bine-ibaayoo nda woo kaŋ ga kan ni moɲey se,
amma ma bay kaŋ Irkoy ga ni ciiti hayey wey kul se.
10Woo se ma binehẽenay moorandi ni,
bone moorandi ni gaahamoo,
soogataray waati nda gaabi sii nda addalil.
Currently Selected:
Waazukaa 11: ses
Highlight
Share
Copy
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
