न्‍यायकर्ता 12:5-6

गिलादीतय्‌सं एफ्राइमपाखे वनेत यर्दन खुसि छीगु थाय्‌त त्‍याका काल। अले सुं बचय् जूम्‍ह एफ्राइमी वयाः “जितः खुसिया उखे वनेब्‍यु” धाःसा गिलादयापिं मनूतय्‌सं वयात “छु छ एफ्राइमी खः?” धकाः न्‍यनीगु। वं “मखु” धाल धाःसा इमिसं “अथे जूसा ‘शिब्‍बोलेत’ धा” धकाः धाइगु। वं व खँग्‍वः बांलाक धाये मफयाः “सिब्‍बोलेत” धाल धाःसा इमिसं वयात ज्‍वनाः यर्दन छीगु थासय् स्‍याइगु। उबलय् एफ्राइमयापिं पिइनिद्वः मनूतय्‌त स्‍यात।