Psalm 20
20
Da 20. Psalm.
En Gebayt Fa Da Kaynich
En Psalm fumm Dawfit. Zumm foah-singah.
1Ich vinsh es da Hah diah andvat gebt an di zeit funn druvvel;
un es da nohma fumm Jakob sei Gott acht gebt uf dich;
2es eah diah hilf shikt fumm heilicha-blatz,
un shtayt diah bei funn Zion;
3es eah denkt an dei shpeis-opfahra,
un es dei brand-opfahra eem kfellich sinn; (Sela)
4es eah diah gebt vass dei hatz havva vill,
un shaft alles aus es du im sinn hosht fa du.
5Miah singa mitt frayt vann eah diah hilf gebt,
un im nohma funn unsah Gott hayva miah unsah flag uf.
Ich vinsh es da Hah diah alles gebt es du frohksht difoah.
6Nau vays ich es da Hah hilf gebt zu sellah es eah ksalbt hott;
eah gebt eem andvat funn sei heilichah himmel.
Eah helft eem mitt di graft funn sei rechtsi hand.
7Dayl doon iahra fadrauwa in greeks-veyya, un dayl in geil,
avvah miah doon unsah fadrauwa in da nohma fumm Hah unsah Gott.
8Si sinn niddah gebrocht vadda un sinn kfalla,
avvah miah sinn ufkshtanna un shtayn grawt.
9Oh Hah, helf em kaynich;
gebb uns andvat vann miah roofa.
Currently Selected:
Psalm 20: pdcB
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
