Gen 6:1-4

Gen 6:1-4 YAWO

Ŵandu piŵatandite kutupa pa cilambo capasi, ni kukola soni ŵanace ŵacakongwe, malayika ga Mlungu galolite kuti ŵanace ŵacakongwe ŵa ŵandu ŵaliji ŵakusalala, ni ŵatandite kulombela jwalijose juŵamsacile. Myoyo AMBUJE* ŵatite, “Ngasingunda kuti ŵandu akoleje umi wangawa, wa mpaka kalakala. Pakuŵa mundu ali cilu cakuwa. Kutandila sambano mundu tatameje ni umi yaka 120.” Ndaŵi jelejo nambo soni pasogolo pakwe, ŵapali ŵandu ŵamacili ŵacalewulewu pa cilambo capasi. Ŵandu ŵeleŵa ni ŵiŵapagwaga mwacakongwe ŵiŵalombedwe ni ŵanace ŵa Mlungu ŵala. Jemanjaji ŵaliji ŵandu ŵamacili nambo soni ŵakumanyika pa jele ndaŵijo.

Read Gen 6

Listen to Gen 6