Eks 1
1
Me-Isip keil asak purun me-Isrel keil
Eksodas 1:1-14,22
1Navong Siekob va en out Isip, natnali keil amusili ral min ahin one ka titae keil.#Sen 46:8-27 2Isen natnali keil koa amusili mukok: Ruben, Simeon, Livae, Sudah, 3Isekar, Sebiulon, Bensamin, 4Dan, Navtali, Kat, ka Aser. 5Keil enek koa akistal en ran Siekob ral min titae keil, keil vasi arokol hanumau etel ka halualim emun (70). Natnali koa vi Siosep mul tuai en out Isip. 6Avong houlu muli, ka Siosep ral min tunali keil ka meatin sav keil koa umai en avong enek umatmat. 7Ka titae keil aro en out enek ka akur titae va vio … umai avi houlu vis avi houlu mok. Navong vesesal sua handred ehat (400) mai muli, me-Isrel keil umai avi houlu en out Isip, vesesal vahi keil enges.#Umen 7:17
8Evus, aling asuv houlu hau tai valosil kat kantri ten out Isip, ka kei en rovattei vailea Siosep ka umen keil onen.#Umen 7:18 9Kei viteni min meatin onen keil vit, “Me-Isrel keil avi houlu ramat ka keihoen one muli ir. 10Munak kantri sav tai houmon rea hetal min ir, me-Isrel keil akilea avatas vatal min keil ka u vini ir ka ilohosai ran kantri orer. Ven koanik, rehelekat sise koa vasakin keil irvitei mun houlu.”#Umen 7:19 11Sakini me-Isip keil asakin keil umai avi slev keil one. Aling meatin koan avi houlu en keil ka asak purun me-Isrel keil. Avetin onen me-Isrel keil mumon mari meteimal keilu ten out Pitom ka Rameses avaling seh en tounah keil onen asuv houlu ten out Isip val ien. 12Ka navong meatin keil ten out Isip amum keih min me-Isrel keil, keil esuk avi houlu tamun ka asien out vasi. Meatin vasi keil ten out Isip umai amul ametaun keil. 13Sakini me-Isip keil asak visi avou vini keil en umen. 14Asakin keil amumon mari eim keil, avous tounah keil tameas, amum keih en ah ese, ka amumon umen tateisav keil koa takeih. En sise houlu, amul asakin moulien onen me-Isrel keil keih ramat, e romahistei keil.
22Mukos, me-Isrel keil umai avi houlu mok. Sakini, asuv houlu ten out Isip meng kat meatin onen keil vit, “Mihekur tivava vasi keil one koa avi meahos, ka mihetitivin keil ihaha en mari Oaisal Nael. Ka tivava keil koa avi atouli, mihemaen keil imoul.”#Umen 7:19
Currently Selected:
Eks 1: pma
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
