Wambeela 22

Weehiwa wa nroromelo na Abarahamu

1Egavirile malabo, Mulugu aheeha nroromelo na Abarahamu, ahimwiithanaga, wiira: <<Abarahamu!>> Oliye ahimwaakulaga, wiira: <<Di miyo, gili va>>. 2Mulugu ahiiraga: <<Omuthukule mwaanawo mmohive, oyene onamudhiveliiwe, Ezaaki, omudhowena epaddi ya oMuriya, wamukuthe wewo mukutho woopaha, mwaango oyene gineeriimi guutoonyihedhe>>.#22.2 Muriya bu mwaango mmohive oyene Salomawu wamagiliiye nyuba ya Mulugu, yaaka dhijinji dha mundduli dhigavirile Abarahamu wakaliiye. Moone Koronika a Nabiili 3.1. Mulugu aheeha nroromelo ni ororomeleya wa mwiimeleli aaye Abarahamu. Mowindo ohumusuuziha teto ohunisuuziha mpimo wowiiwelela oyene onanilobiiye.

3Omenseloni wiwa bebeheene, ahimusasanyedhaga buuru aaye, omaganya kuni dhoopahana mukutho, weeddaga edhowaga wewo Mulugu wamutoonyihedhigiiye. Ahaathukulaga teto anamalaba aaye abiili vamohi ni mwaanaye Ezaaki.#22.3 Dila ya nabiili nihoona wi Abarahamu ahivenya bebeheene wi amwiiwelele Mulugu. Nikalege owiisasanyedheene wi nikuthege mukutho yego eli yaatene yinniihuna wa Mulugu: jinga, mota, nyuba, maniivuru, dhoowara, dhooja ni dhimohi. Malabo a peeno okutha dhedhi enatapulela wi nimwihiyedhe oliye alabihe dhego nda wa mabasa aaye. 4Amalile malabo meenddi eeraga weedda, na neethaaru ahoona woolapelawene niburo ndde. 5Vevale ahawaaddelaga anamalaba aaye, wiira: <<Muhale veva ni buuru ola. Miyo ni mwaanaga nnaya osogolo wule wi namutamaale Nabwiya. Neera ndo, nuufwanyeni veva>>.#22.5 AHeberi 11.17-19 dhinowoga wi Abarahamu owuubuwela wi Mulugu eere omvenyiha muukwani Ezaaki. Bu mwahaya yawogeliiye ni anamalaba aaye <<nnowuufwanyani veva>>. Abarahamu kaarathile voowoga madhu ala.

6Abarahamu ahimukapathihaga kuni dha mukutho mwaanaye Ezaaki, oliyeya othukula munddo ni mbene. Aabiileene othaananaga, 7Ezaaki ahimwiithanaga Abarahamu, wiira: <<Babani>>. Oliye ahimwaakulaga, wiira: <<Gaaddele, mwaanaga>>. Ezaaki ahimukohaga, wiira: <<Nihithukula munddo ni kuni, ki nibila na mukutho nili wuuvi?>> 8Abarahamu ahimwaakulaga, wiira: <<Mulugu ononivaha nibila na mukutho, mwaanaga>>. Aabiileene yeeraga ethaananaga.

9Egafiyile mburo ole Mulugu wamwaaddeliiye, Abarahamu ahisasanyaga vevale ebuwa ya mukutho, ohelavo kuni vadhulu viwa. Vano ommaga mwaanaye Ezaaki, omuhela veebuwani vevale va mukutho, vadhulu va kuni.

10Vevale Abarahamu ahithukulaga mbene waaye ni ndada naaye wi ampe mwaanaye. 11Mbwenye mudhidhi olene mungero a Nabwiya oodhulu ahimwiithanaga, wiira: <<Abarahamu! Abarahamu!>> Oliye ahimwaakulaga, wiira: <<Di miyo, gili va!>> 12Mungero a Nabwiya ahiiraga: <<Ohuvenyihe ndada wi omwiirele yootakala mwaanawo, kumwiirele yego! Vano gihinona wi onomwiiwelela ni omuthithimiha Mulugu vowi kumukooddihile mwaanawo mmohive>>.#22.12 Tiyago 2.21-22 nnasuuziha wi nroromelo na Abarahamu nahikala nowaakwanela odheela mukalelo wowiiwelela wula.

13Abarahamu agarugunuwe, ahoonaga odduli waaye nibila napogo nigamageleliwe manyaga vanikupuni. Ahithukulaga, ohela mukutho vamburoni va mwaanaye.#22.13 Ela si dila yowambeela nneewiihu yuubuwelelo ya mukutho odheela mwiigumini wa egumi emohi. Nibila nahikwa vamburoni va Ezaaki. Vamwaangoni vamohive, yaaka macikwi meenddi dhigavirile Yesu Kirixtu ahikwa vamburoni vahiyo aatene. Ndala hiyo kanaakwele wa dhoothega dheehu. 14Abarahamu ahithwa niburo ndde ndina na <<Nabwiya onosayelela>>. Bu mwahaya ofiyedha peeno enawogeliiwa, yiiraga: <<Va mwaango wa Nabwiya onosayelela>>.#22.14 Mudhidhi mmohi Mulugu ononeeha wi niiwomihedhe ni oliba meeddelo eehu. Neera niiwelela mudhidhi woweehiwa mwa dhooweeha, oliye ononivulumusa nnokalana nroromelo nooliba mwa owodha waaye.

15Olenddo wa nabiili, mungero a Nabwiya oodhulu ahimwiithanaga Abarahamu, wiira: 16<<Nabwiya dinawoga wi: <Ginolibela mwa ndina naaga: Mwaha wi ohiirana ela, kugiimanile mwaanawo mmohive, 17ginoodha guureelihe ebaribareene vano ginoodha guuvahe okale nikolo na athu ajinji. Wiinjiva weewa onaakale wona ttendderi dha odhulu, vano wona miseenga dha seresere ya nyaza. Enoodha yaathukule maluwa a amwiiddani wi ekale eewa. 18Odheela mwa anamabaliwelamo#22.18 Anamabaliwelamo Naari wi: namabaliwelamo. aawo malogo maatene a elabo ya vati enoodha ereelihiwe vowi we ohugiiwelela> >>.#22.17-18 Wiiwelela wa Abarahamu wahitatamula weenjedhedha ororomelihiwa wa mareeliho. Mareeliho a Mulugu enaamorela athu owiiwelela baahi. Kanijejihedhege mareeliho alena nihinna muneba wowiiwelela malamulo a Nabwiya.

19Abarahamu ahiwelelaga waaligi azombwe aaye, ovenya vamohi odhowa oBerexeba, omaga wewo.

Ahima a Nahori

20Egavirile malabo, Abarahamu ahaaddeliwa wi Milika ohumbalela ahima Nahori, ddibile Abarahamu. 21Vowambeela aali Uzi, ni addibile: Buzi, Kemuweli (ababe Aramu), 22Kesedi, Hazo, Pilidaxi, Yidilafi, ni Betuweli. 23Betuweli ola aali babe a Rabeka. Ala yaali ahima atanu ni araaru ayene Milika yaabaliliiye ni Nahori, ddibile Abarahamu. 24Nahori ola ahikalana mwihiyanaaye a nabiili, eeriwa Rewuma, vano ola ahaabala: Teba, Gahamu, Tahaxi, ni Maaka.

Currently Selected:

Wambeela 22: tke

Highlight

Copy