Loina 3
3
Veiaiana kanavelomu
1We Iave ivesipupu Mosese waineye ivo, “Kago aitoi bulumakau veiaiana kanavelomu paipaina Yau Iave waigue inavelomu, kanasala lamoqina o vavinena inavelomuyeni we ge lumalumana o mekanaviqa. 2We tokalaqeinina kaisayanina kunukununeye dimana inayatoi kodona inagusuya inawapa Ukweta Maqemaqetana mataneye. Matautauda Eloni natunavo lamoqidiavo tovelomu kaisayanina dayaqina inakewai didiqa dolena pulina inalau'itaitalidi. 3-4Ikakava, kaisayanina waineye tovelomu dukuna tupwaidiavo inayatokedi inavelomuyedi kalaqei vesivesinuana Yau Iave waigue. Dukunidiavo yapana, yoyoa kailuqa meyapadi wete katelagilagina meyapana, dukunidiavo matatabuna inakalaqeiedi. 5Matautauda Eloni natunavo tovelomuvo dukunidiavo inasilagaidi tamo velomu gunabeida igabugabuni didiqa tabwaneye inavepopoi matatabudi inakalagualidi. Tokalaqeinina inakalaqeieni Yau Iave waigue maqaina giamaina wete kiwanina gukabamwasana.”
No tokalaqeinina nasusu wete enavo taiauda kaisayanina tupwatupwana inakania. Dede Iave navemataluana bulumakau paipaina we kago wayaqidi sipi o gouti inakalaqeieni kaia kadivemataluana kaitamoqana kadivalabubuna wete kadivelomu ivesala.
Currently Selected:
Loina 3: mzz
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
