Isauyedi 31
31
Yaubada na'ukweta kanatolituqavo
1Matautauda Iave Mosese ivoneni ivo, 2“Kunoqai! Bisaleli avesinueni Ulaisi natuna we Kuli tubuna Iuda manuqa waineye'eqa. 3Vaitabugu beqa aveadaqi. Yau nuanuana giamaidi wete yagova aveleni saku sulina sulina kadivalabubuna paipaidi. 4Kanasala saku sulina sulina kadikisa kabanuakewa inavalabubunidi goula, seluba wete kainumu kanawavaqa bilonisi beqa wete itunatunadi. 5Wete gileu inagusudi ina'uyabubunidi saku kabavaiqavu, we welavi italavalavalabubunidi wete itunatunadi. Kanasala lituqa dede matatabudi inavalabubunidi paina nanuauya bwaigiotoqina.
6“We wete tamo tomoqo kanawavaqa Onoliabi, Aisamaki natuna avesinueni Dani manuqa waineye'eqa, Bisaleli kanatokaivaisa taiauda inalitulituqa. Wete tomoqovo tonuauya tupwaidiavo kadikalaqei aveledi beqa saku matatabudi aloinedi waimue inavalabubunidi. 7Gumanidiavo dede sakunidiavo ivalabubunidi:
gu Ukweta Maqemaqetana,
Vonadabadaba Kanadedewaga,
wete dedewaga kanatutuboda no waineye tomo'otoqa dikapoina aikukukumidi,
gu Ukweta Maqemaqetana kanasakuvo matatabudi,
8somala wete kanasakuvo,
lamupa kabavetovoi goula beqa ivalabubuni wete kanasakuvo,
didiqa vane kabakanigabu,
9didiqa velomu kabakanigabu wete kanasakuvo,
takula kabakailegwa wete kanakailagana,
10Eloni tovelomuvo kaditogumeta kanakaleko maqemaqetadi kadikisa giamaidi wete natunavo kadikaleko maqemaqetadi inasisilagata tutuyanina tovelomuvo dilituqa inavalabubuni Yau paipaigu,
11bunama kaba'iwaqa,
we vane maqaidi giamaidi Tutudaba Maqemaqetana paipaina.
Tomoqovo tonuauya sakunidiavo matatabudi inavalabubunidi kaia mesaida aloinemu.”
Currently Selected:
Isauyedi 31: mzz
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
