Isauyedi 22

Mimiana kadiloinavo

16We Iave ivonedi ivo, “Kago tamo tubuau vavina kaniabana inakisakwayaieni we taiauda inanaqi, we base kaniabanina ge tamo tomoqo taiauda idanaqi wete ge mekanaveyagutaqona, beqa tomoqonina pokala inatutuli matautauda taiauda inavemialuqedi. 17We kago vavinenina tamana ge wayaqina tubuaunina inakewai we kaia inatutulimo—we kanatutulanina ilaga-otoqa paina base kaniabanina ge tamo tomoqo taiauda idanaqi.

18“Ge tovebwaqavu kwaitagwanedi inamiamia, kwailuvewapadi.

19“Kago tamo tomoqo inanaqi kaisaya taiauda, kwailuvewapai.

20“Kago aitoi Yau Iave mi Yaubada inavedumwekaikaiegu we navelomu inakanigabu yaubadavo tupwaidiavo waidie, tomoqonina kwailuvewapai.

21“Tomo'otoqa olaolaga taiauda kwamiamia ge kwaivebubuna-kapoyedi paina komi base wete mesaida kwaveolaolaga Itipita naqeneye.

22“Kwabukwabula wete gwagwama laulauyogudi ge kwaivebubuna-kapoyedi. 23We kago kwaivalabubuna-kapoidi, tutuyanina inataiqavolovoloqa Yau waigue wayaqidi kaivaisa, Yau Iave mwaqitanaotoqa bonadi ainoqai aikaivaisedi. 24We Yau kagukapoka inaoqala wete qavia waineye kepataeqa ailuvewapami. Mwanemiavo inakwabula we natumiavo inavelaulauyogu.

25“We kago mane gutomo'otoqa yomuyomudi kwaiveledi, ge kwaivonedi inabaivilai wete tabwaneye inayatoi mesaida mane kanatokalaqei divalabubuna. 26Kago aitoi mane kiveleni we kanatalauma kikewai navonadabadaba mesaida mumane inabaivilai waimue, beqa komu kanatalauma kivevilai mulineye valavala inaketoniveni. 27Paina kaia tamoqana talaumanina vovona inakakaveyauyauqi tutuyanina lovane inakeno. Kago ge kivileni iamu, vakai beqa inavelaukuva? Tutuyanina inataiqavolovoloqa waigue kaivaisa paipaina we Yau ainoqai, paina Yau tovenua'ina'inaqe.”

Currently Selected:

Isauyedi 22: mzz

Highlight

Copy