Mathayu 1

Yesu Kerison buway

(Luka 3.23-38)

1Yesu Kerison buway kuyk kedha. Abrama nuy kuyk, wara nungu kaziw kazingu ngapa Dhawitha. Nuy aymaydhin adhapudhay kuyku garkaz muynu Isoereylanu, a Dhawithan kaziw kazingu ngapa, Yesu Keriso.

2Abraman#1.2 Abraman kazimay ya: wara Zenesis 11.27-32 geth tidi. kazi Isaka#1.2 Isakan kazimay ya: wara Zenesis 17:9-21 geth tidi..

Isaka nuy Yakubun#1.2 Yakubun kazimay ya: wara Zenesis 25.19-27 geth tidi. thathi.

Yakubu nuy Yudhan#1.2 Yudhan kazimay ya: wara Zenesis 29.34-35 geth tidi. thathi.

Yakubu nungu garkaz kazil lak koeygarsar#1.2 Yakubu nungu garkaz kazil lak koeygarsar: wara Zenesis 29.1 kurusipa Zenesis 50.26 geth tidi..

3Yudhan kazi Perez a Zera. Palamun apu Thamar.

Perez nuy Ezronan thathi.

Ezron nuy Raman thathi.

4Rama nuy Abinoedaban thathi.

Aminoedab nuy Nasonan thathi.

Nason nuy Salmonan thathi.

5Salmon nuy Bawzan thathi. Bawzan apu nel Rayab.

Bawzan kazi nel Obed. Obedan apu nel Rutha. Obed nuy Zesin thathi.

6Zesi nuy Dhawithan thathi. Nuy Dhawitha Isoereylaw kuykulnga.

Dhawitha nuy Solomonan thathi.

Solomonan apu kulay wara mabaygaw ipi, Urayan ipi. Kalanu na Dhawithan ipi aymaydhin.

7Solomon Rewobowaman thathi. Rewobowam nuy Abayzan thathi.

Abayza nuy Azan thathi.

8Aza Ziyosapathan thathi. Ziyosapath nuy Ziyoraman thathi.

Ziyoram nuy Uzayan thathi.

9Uzaya nuy Zothaman thathi. Zotham nuy Ayazan thathi.

Ayaz nuy Ezakayan thathi.

10Ezakaya nuy Manasen thathi. Manase nuy Amonan thathi.

Amon nuy Zosayan thathi.

11Zekonaya a nungu tukuypal, thana Zosayan kazil.

Senawbi thonara Babilonaw mabaygan koewbu Aymoedhin thanamulpa, gasamoeydhin koeyma mabaygal kuniya thanamun goegathoepa. Zekonaya a nungu tukuypal gasamoeydhin kalmel sethabi mabaygiya Babilonapa.

12Zekonayan kazi nel Siyaltil, nuyn kazi madhin sey Babilonanu.

Siyaltil nuy Zerubaybelan thathi.

13Zerubaybel nuy Abiyudhan thathi.

Abiyudh nuy Eliyakoeman thathi.

Eliyakoem nuy Azoran thathi.

14Azor nuy Zadokan thathi.

Zadok nuy Asiman thathi.

Asim nuy Eliyudhan thathi.

15Eliyudh nuy Eliyayzan thathi.

Eliyayza nuy Mathanan thathi.

Mathan nuy Yakubun thathi.

16Yakubu nuy Yoewsepan thathi,

a Yoewsepa nuy Mariyana alay.

Mariya na Yesun apu,

nuy mina Awgadhaw woeyayzinga, Yesu Keriso.

17Thanamun maykuykul kedha, 14 maykuykul Abramalngu Dhawithalpa, a lak kedha 14 Dhawithoelngu Babilonaw thonarpa; Babilonangu ngapa Kerison thonarpa lak kedha 14 maykuykul.

Yesu Kerison kazimay ya

(Luka 2.1-7)

18Yesun kazimay ya kedha. Nungu apu Mariya. Yoewsepa kulay nan yapu poeybar, kasa kay kedha wagel kay palay niyaypa yoelpempa, nadh gasamadhin kedha, na mapunga, kuykulmay Maygi Mariw woenab nabiya kalmel. 19Yoewsepa nuy kapu mabayg, koey gabu ngoenakapulnga, nuydh nanga gasamoedhin kedha, na mapunga, nungu niyaypa yoelpaypa ubigasidhin, kasa kay kedha nungu ubi-ginga kedha, nuydh nan mabaygaw parunu kuniya wayan. Nungu ubi kedha palamun niyaypa yoelpay gumi pathidhan, nanungu Azirngu gasamoeyle mabaygaw parunu.

20Nuy senawbi wakay thoemamaynu mer, nubepa Awgadhaw angela pikin tharaydhin, a nuy nubepa kedha, ‘Yoewsepa, Dhawithan kazi, ngidh aka gasamayg, ngidh bangal Mariyana manine ngibepa ipi, sena nabiya Awgadhaw Kazi. 21Nadh bangal thurkiyay kazi imane, ngidh bangal nuyn nel tharane Yesun. Nuydh bangal nungu mabaygal gudaz puydhamoeyne mura thanamulngu wati kuthangu gasamoeyle, thanamun ipidhadh gegeyadhoengu.’

22Ina mura Awgadhaw buthapathayzinga, kedha zoenguz nan kuyku nidhadhin, kay paypa kulay thonara Awgadhaw peropetha mura nabi buwaylthoeyay yadu madhin kedha, 23‘Ngitha bangal imane mina badhagi ngoewakaz na bangal mapunga Aymidhe, nadh bangal garkaz kazi imane. Nungu nel bangal Imanuwel.’ Nubi nel pudhamoeyn kedha, Awgadh ngalpaniya kalmel.

24Yoewsepa nuy nanga danpalaydhin, nuydh madhin Mariyana nubepa ipi, 25kasa kedha nuy nanungu koerawayg kurusipa nadh garkaz kazi imadhin. Nuydh nel tharadhin Yesun.

Currently Selected:

Mathayu 1: mwpBIBLEPO

Highlight

Copy